قبل المرض ووقت المعاناة .. والله التعب يغير فيك كثير
الحمدلله تجاوزت اكثر من ٩٠٪ من التعب فعليًا كنت شبه ميتت من كل النواحي .. ٣ سنوات او اربع تقريبا كأنها ٤٠ سنة من الي عشته والله مدري كيف مرت وكيف هالسنين مشت وكنت متوقع انه مافيه امل ابد .. لكن سبحانه من بعد الشدة انفرجت لله الحمد
الاكتئاب والقلق والاضطرابات النفسية من يعتقد انها شيء بسيط واهم، ما عندي مشكلة اشرح مشكلتي مع اني متاكد بألقى ضعاف نفوس يتكلمون فيها وقت اي مشكلة بتصير لكن ما علي فيهم وراح اتكلم عن تجربتي فيها لانها ممكن تفيد غيري
كنت شخص احب الحياة شغوف في كل شيء كنت مجتهد ورياضي، وكنت اعيش حياة بسيطة مثل اي شخص طبيعي .. في يوم وليلة انقلب حالي فوق تحت دخلت في مرحلة انا ما ادري هي وش هي ؟ طبعًا كانت حزن دائم ضيق توهم امراض قلق خوف توقع الاسوأ
كانت اكبر مشكلة بالنسبة لي اني مو عارف انا وش فيني طبعًا الكل بيفكر مثل تفكيري عين أو سحر ووو ، فكرت فيها رحت عند شيوخ رقية واشياء كثيرة وماء مقري منتظم عليه لكن ما كانت مجدية ابد بالعكس جالس تزيد وقت ورا الثاني
انا ولله الحمد رجل محافظ على الصلاة وأذكاري وكان كلام بعض الاشخاص ان الي فيك نقص دين كانت تزيد مشكلتي اكثر لان معنى كلامهم أن الله ما يتقبل مني اعمالي وكنت اعيش في هم ما يعلم به الا الله ..طبعًا العزلة كانت شيء اساسي بعد ما كنت اجتماعي صرت انطوائي والله حتى الي في البيت ما اشوفهم
٣ الى ٤ سنوات من وهم وقلق واكتئاب طوارئ المستشفيات كلها تعرفني من كثر الفحوصات والتحاليل والاشعة والتخطيط اطلع من وهم وادخل في وهم والنتيجة دائرة جالسة ادور فيها،وصلت الى مرحلة فقدت الامل نهائيًا خلاص وجلست اشرح مشكلتي لاكثر من شخص قريب لي
لين جاء واحد الله يجعله ويجعل والديه بالجنة نصحني بالعلاج النفسي ❤️ وأن مشكلتي نفسية بحتة وانها اضطرابات قلق ووهم تصيب أي شخص مهما كان وضعه .. بعد علاج طويل وصلت مرحلة اني فهمت المرحلة الي انا فيها
صرت اعرف كيف اتعامل مع العلاج وفهمت نفسي اكثر وصرت متعايش ووصلت الى مرحلة اني فعلا كنت اقوى بكثيييير من قبل المرض وأن الي صار هذا كله خيرة .. ولله الحمد دائمًا وأبدًا
جاري تحميل الاقتراحات...