رتبها

بصوا يجماعة علشان بس نفهم ونحاول نعرف ازاى بدأ الفراخ المستوردة المجمدة واللحوم وليه ارتفعت الأسعار بالجنون ده حاليا وليه الحكومة خلت الاعلاف مرمية بالموانئ لحد مسعرها وصل السما وبقيت عالية كده
هحاول اكتب ثريد واسف طويل حبتين لأن الموضوع يطول شرحه بدأ فى 2015 تحديدا
تابع 👇 1

ووصلت الفضائح فى بداية 2019من تقارير تم نشرها فى وسائل إعلام أمريكية لفضيحة عن مصر بشأن الموضوع ده
بداية انا كتبت قبل كده فى نهاية 2018عن صفقة الفراخ المجمدة اللى كانت وقتها اقوى سبوبة دخلت فى جيوب العسكر وقت لو تفتكروا الفرخة ام 15 الى 25 جنيه واللى صلاحيتها كانت شبه منتهية
2

الموضوع بيبدأ اولا أن فى قرار كان موجود من زمان أن فى شركات أمريكية وأجنبية بيتم التعامل معها بشأن الفراخ المجمدة دى مسئولة عن الدبح الحلال وجودة الفراخ والشركات دى شغلها عالى يعنى مفيش حاجة بتعدى كده فعلشان النصابين بالقوات المسلحة وبتوع السبوبة لازم يتم التخلص من الشركات دى
3

علشان يعرفوا يشتغلوا ويجيبوا فراخ براحتهم باى طريقة وبأى وسيلة تجيب ليهم ارباح خيالية ، لأن مواصفات الشركات دى مش هيعرفوا يدخلوا الأرباح اللى محتاجين ليها وبالفعل تم الغاء قرار التعامل والغاء الشراكة مع الشركات دى فجأة وبدون سابق انذار فى منتصف تقريبا او نهاية 2018
.
تابع 👇 4

وبكده يبقى معاهم الشركة بتاعتهم اللى هتورد ليهم اللى محتاجينه وهتقفل الباب على باقى الشركات الأجنبية والمحلية فى مصر عن طريق قرارات هيتم إصدارها لاحقا علشان يبدأ عصر احتكار خير فرارجية الأرض دولة القوات المسلحة ،وتم التعامل مع كيان وشركة جديدة اسمها (is egy halal)
تابع 👇 5

مين بقى صاحبها ياسيدى
واحد اسمه وائل حنا وشريكه اسمه اصلانيان وهو ارمنى الاصل،واللى قال حنا بالنصلما تم التحقيق معاه فى أمريكا فى ولاية نيو جيرسي بتهمة الرشوةوخلافه لأن الدنيا قامت مقعدتش على الموضوع ده وليه قصة كبيرة مش هنشرحها دلوقتى انه ميعرفش ايه هى الدبح الحلال
تابع 👇 6

وأن الحكومة بتوفرله الشيوخ اللى بيعرفوا وكده ..على أساس أن النظام المصرى عمل كده يعنى 😅..وقال برضه
أن الحكومة اتهامات معاها لانها عارفه أنه مش تابع للإخوان المسلمين 😁😅
..المهم ياسيدى
وفي يناير 2019، كشف موقع Egypt watch عن تحركات للجيش المصري داخل مصر
..
تابع 👇 7

لتأسيس شركة تحتكر استيراد اللحوم الحلال إلى السوق المصرية البالغ حجمها ما يزيد على 100 مليون مستهلك بحسب الإحصاءات الرسمية لصالح القوات المسلحة
وقتها بدأنا نعرف الفضائح وكتبنا عنه سابقا
وبنفس العام ركز كويس معايا وحياتك متهش منى 😑..
وفي ديسمبر 2019 بنفس العام
..
تابع 👇 8

انفرد موقع مدى مصر @MadaMasr بنشر تحقيق مفصل حول الأمر، مبيناً أن قيادات بالجيش المصري تقف وراء الشركة التي باتت تحتكر الترخيص بتصدير اللحوم إلى السوق المصرية. وبعدها يامؤمن صدر قرار من السلطات المصرية يمنحها حق الاحتكار، و سارعت الشركة إلى رفع رسوم ترخيص
..
تابع 👇 9

ترخيص"الحلال"الممنوح للشركات والجزارات الأجنبية والمحلية فى مصر ، ورفع أسعار تراخيص الحاويات الممنوحة للمستوردين المصريين من 200 دولار للحاوية إلى 5000 دولار🤦،تم ذكرها من المستوردين اللحوم وقتها قال أحد مستوردي .ومن وقتها كانت بداية الأزمة وارتفاع الأسعار بالتدريج
تابع 👇10

في نوفمبر2021 اجتمعت وزارة الزراعة المصرية مع الملحقين التجاريين في سفارات الدول المصدرة للحوم إلى السوق المصري، وأبلغتهم أن الشركة المذكورة هي الوحيدة المسؤولة عن إصدار تراخيص"حلال"لكافة اللحوم التي تستوردها مصر بصرف النظر عن دولة المنشأ طبقا لما نشر لموقع رصيف
تابع11👇

وبنفس الفترة ركزوا كويس 😑
أحد الدبلوماسيين فى سفارة الولايات المتحدة في القاهرة: الشركة الإسلامية اللى صاحبها حنا 😅 ليس لديها أية خبرات في إصدار شهادات "الحلال" وليس لها صلات بأي من العاملين في صناعة اللحوم في الولايات المتحدة، ومن المتوقع أن يتسبب احتكارها
..
تابع 👇 12

من المتوقع أن يتسبب احتكارها في اضطراب سوق اللحوم وغلاء الأسعار بالنسبة للمستهلك المصري ..وقد كان وحصل بالفعل ووصلنا للوضع ده
وبكده قدروا يخلوا الموضوع بيد شركة واحدة تبعهم وقدروا يشتروا الفراخ اللى عايزنها باى مكان وباى طريقة
..
تابع 👇 13

حتى لو هرمونات أوميتة أو اى شئ وقدروا يقفلوا البلد على نفسهم بأهم حاجتين وهما اللحوم والدواجن من2020تقريبا ووقتها بدأت الاسعار فى الارتفاع
فمحدش يجى يقول ليه هما منعوا الاعلاف وكده ،خليكم اذكياء
الموضوع له أبعاد تانية ولاهممهم الناس ولا تاثر اهم صناعة بمصر ولا شئ
اسف لو طولت

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد