مع بداية السنة التانية من الحرب ، الغرب اجمع رسميا أن الحرب الدايرة بين روسيا و اوكرانيا إنما هي حرب بين روسيا و الغرب مباشر مش مجرد حرب ضد اوكرانيا
ده وضح من تصريحات الغرب و زيارة بايدن لبولندا و اوكرانيا امبارح و النهاردة زيارة رئيس وزراء ايطاليا.. كدة الناتو هيشارك رسمي

و وضح بردو من خطاب بوتين اللي شغال دلوقتي ، أن المواجهة مباشرة بينه و بين الغرب و أن الصراع في اوكرانيا أصبح صراع عالمي غير مقصور علي أوكرانيا ، الأمر اللي معه تزيد التوقعات بقيام بوتين بحماية حدود روسيا ، بالتوغل في دول أخري مجاورة أو شن حرب دفاعية عليها

علشان الحرب تنتقل لمرحلة جديدة و بشكل أوسع ، المساعدات الغربية لأوكرانيا مش بس هتبقي أسلحة ، لا ده دعم بقوات علي الارض و مش بس دبابات أو مدفعية لا الأمر هيوصل لطائرات مقاتلة ومن احدث انواع كمان ، إضافة لضربات مشتركة من الغرب علي روسيا ، فاضل بس دولة تجر شكل روسيا

من الدول الحدودية التابعة للناتو زي بولندا أو مولدوفا ، علشان تبدأ منطقة شرق أوروبا و غرب آسيا و القوقاز في الاشتعال ، ربما تبدأ عن طريق دولة حليفة ل روسيا و تجبر روسيا للتدخل للدفاع عنها زي صربيا أو بيلاروسيا ، و هنا لازم يظهر في المشهد
الصين ، إيران ، كوريا الشمالية

إن وجب انضمامهم بسرعة للحلف الروسي والا سقوط روسيا يعني أن الدور عليهم بعدها ، الوراق لم تختلط كما يظن البعض و إنما علي العكس اوراق اللعبة وضحت تماما و كل شيء بات واضحا علي الرقعة ، ٢٠٢٣ الي ٢٠٢٥ سنوات الحرب الكبري. الله اعلم