شيخي لما كان يقابلني اي مشاكل واحكيله كان يقولي "استمتع بقضاء الله" !
اللي هو مش فاهم بصراحه ، يعني اي اكون متضايق وهو يقولي استمتع بقضاء الله ، طيب لما اكون فرحان ماشي ؛ انما كمان وانا زعلان !

لحد ما فهمت معنى الكلمه دي لما قرأت قصة سيدنا موسى على نبينا وعليه الصلاة والسلام ؛ أُلقي في البحر من وهو صغير وبعد كده بقى أمير وبعد كده خرج خايف يترقب ، بعد شويه بيرعى غنم !
وفي عز كل ده ربنا عز وجل يقول له "ولتُصنع على عيني" !

فهمت اني لما اكون في حاجة حلوة او مش حلوة اني أسأل نفسي سؤال مهم جدا
"ماذا يُريد مني الله الان؟"
الحالة اللي انا فيها ، اي نعم من ربنا يبقى لازم أستمتع بقضاء الله بالشُكر والبس طاقية الشاكر لله !
الحالة فيها بلاء ، يبقى لازم أستمتع بقضاء الله بالتضرع اليه والدعاء !

وفي الحالتين أنا راضي يا رب الحمدلله !
ساعتها هتكون عبد بجد ، مستسلم لقضاء الله ، وافتكر الايه دي "ولتُصنع على عيني" ،
وهنا سؤال مهم "تفتكر ماذا يُريد الله منك الان" !