مساء الخير. يوم الثلاثاء تم الإعلان عن معدل التضخم لشهر يناير في الولايات المتحدة. في الـthread ده هاتكلم عن تطور معدل التضخم اللي ظهر في البيانات الأخيرة، وازاي ده ممكن يؤثر على وجهة نظري الفترة الجاية 🧵👇
(1/15)
(1/15)
معدل التضخم اللي تم الإعلان أعلى من توقعات المحللين وتوقعاتي اللي نشرتها هنا، معدل التضخم الشهري لشهر يناير 0.5%، والمعدل السنوي 6.4%. ازاي ممكن نحلل بيانات التضخم؟ بنفس الطريقة اللي الاحتياطي الفيدرالي بينظر بيها إلى البيانات دي.
(2/15)
(2/15)
زي ما قلنا قبل كدة الاحتياطي الفيدرالي بيقسّم معدل التضخم إلى 3 قطاعات:
1. التضخم في السلع الأساسية (Core goods): القطاع ده واجه ضغط كبير جدًا أثناء أزمة كورونا لإن الإقبال الكبير على السلع الأساسية حصل بالتوازي مع أزمة سلاسل الإمداد.
(3/15)
1. التضخم في السلع الأساسية (Core goods): القطاع ده واجه ضغط كبير جدًا أثناء أزمة كورونا لإن الإقبال الكبير على السلع الأساسية حصل بالتوازي مع أزمة سلاسل الإمداد.
(3/15)
مؤخرًا بالتوازي مع انتهاء أزمة سلاسل الإمداد، التضخم في القطاع ده بدأ ينحسر، بل وتحول من التضخم إلى الانكماش خلال الـ6 شهور اللي فاتوا. على الرغم من إن وتيرة الانكماش ده بدأت في التراجع، إلا إن واضح جدًا إن أزمة التضخم في القطاع ده مش هتسبب أي قلق للفيدرالي الفترة الجاية.
(4/15)
(4/15)
2. التضخم في خدمات الإسكان (Housing services): زي ما اتكلمنا أكثر من مرة مؤشرات التضخم في قطاع الإسكان عادة بتستغرق حوالي 6-9 شهور (وأحيانًا لحد 12 شهر) عشان تعكس التغيرات اللي بتحصل في الواقع..
(5/15)
(5/15)
فحتى لو التضخم في قطاع الاسكان مازال مرتفع، المؤشرات البديلة اللي بتقيس التغير في تكاليف السكن بشكل أكثر سرعة بتشير إلى إنحسار الأزمة بالفعل بداية من منتصف 2022. بالتالي المتوقع هو ظهور نفس التأثير في معدل التضخم خلال النصف الأول من 2023.
(6/15)
(6/15)
بالتالي، وبالرغم من ظهور معدل التضخم الشهري في القطاع ده عند مستويات 0.7% (أعلى من توقعاتي اللي كانت عند مستويات 0.5%-0.6%) لكن مع ذلك أغلب المؤشرات اللي بتعكس واقع السوق بشكل أسرع بتقول إن أزمة التضخم في القطاع ده انتهت بالفعل.
(7/15)
(7/15)
3. التضخم في الخدمات الأساسية الأخرى (Core services less housing): القطاع ده بيتضمن خدمات كتير (الخدمات الصحية، الخدمات التعليمية، خدمات الصيانة، إلخ). القطاع ده تحديدًا بيمثل أكثر من نصف سلة المنتجات والخدمات الأساسية اللي بيتم أخذها في الاعتبار في حساب معدل التضخم..
(8/15)
(8/15)
بالتالي التضخم والانكماش في القطاع ده هيكون ليه تأثير ملحوظ على أزمة التضخم بوجه عام. تكلفة القوى العاملة تعتبر التكلفة الرئيسية في الخدمات من النوع ده، بالتالي ارتفاع المرتبات وانخفاض معدل البطالة بيمثلوا عوامل دفع مستمرة لأزمة التضخم في القطاع ده.
(9/15)
(9/15)
القطاع ده هو اللي مازال بيشكل قلق متصاعد للاحتياطي الفيدرالي، وبعد ما كان متوسط آخر عدة قراءات للتضخم في الخدمات الأساسية (عدا الإسكان) نزل لحوالي 3%، تمت مراجعة البيانات مرة أخرى والمتوسط ده تم تصحيحه لـ4%..
(10/15)
(10/15)
ده معناه إن المعدلات الحالية بتشير إلى إن معدل التضخم ككل بيتحرك في مستويات 5%، وده طبعًا أعلى بكتير من أهداف الاحتياطي الفيدرالي.
(11/15)
(11/15)
طيب لو التضخم القطاع الأكثر أهمية بالنسبة للاحتياطي الفيدرالي مازال بيتحرك بشكل مُقلق، ده معناه ايه؟
ده معناه إن الاحتياطي الفيدرالي هيكون مايل أكثر ناحية الإبقاء على معدلات الفائدة لفترة أطول (ويمكن في مستويات أعلى من 5%) لحد ما يتم القضاء على أزمة التضخم بشكل مؤكد.
(12/15)
ده معناه إن الاحتياطي الفيدرالي هيكون مايل أكثر ناحية الإبقاء على معدلات الفائدة لفترة أطول (ويمكن في مستويات أعلى من 5%) لحد ما يتم القضاء على أزمة التضخم بشكل مؤكد.
(12/15)
طيب لو الفيدرالي استمر في رفع الفائدة وقرر يُبقى على معدلات القائدة عند مستويات عالية لفترة طويلة ده هيكون نتيجته ايه؟
باختصار، ده هيؤدي عاجلًا أو آجلًا إلى دخول الاقتصاد في مرحلة ركود. الركود الاقتصادي في نهاية 2023 هو وجهة نظري الأساسية اللي شرحتها هنا أكثر من مرة.
(13/15)
باختصار، ده هيؤدي عاجلًا أو آجلًا إلى دخول الاقتصاد في مرحلة ركود. الركود الاقتصادي في نهاية 2023 هو وجهة نظري الأساسية اللي شرحتها هنا أكثر من مرة.
(13/15)
شكرًا على القراءة. لو شايف الـthread ده مفيد ممكن تعمل retweet عشان يوصل لعدد أكبر، وممكن تعملي follow عشان يوصلك كل اللي باكتبه
@mohamedameen_93
(15/15)
@mohamedameen_93
(15/15)
جاري تحميل الاقتراحات...