١. عندما هُزم عبد الناصر في حرب ١٩٦٧ واصرت الناس علي بقاؤه في السلطه لاصلاح ما افسده ؛ اتخذ الرجل عده خطوات اساسيه .
شجع عن طريق السينما والاذاعة الافلام الخفيفه والضاحكه زي انت اللي قتلت بابايا والطشت قال لي؛ودعم الافلام الناقدة زي شئ من الخوف وميرامار وغيرهم.
شجع عن طريق السينما والاذاعة الافلام الخفيفه والضاحكه زي انت اللي قتلت بابايا والطشت قال لي؛ودعم الافلام الناقدة زي شئ من الخوف وميرامار وغيرهم.
٢. عمل اكبر خطه تقشف حكومي لهدف واحد شراء السلاح لتحرير الارض ؛ طريقه لبسه والمواكب الحكوميه بعد النكسه غير قبلها .الدوله نفسها كانت في حاله تقشف حقيقي لدرجه ان امين هويدي وكان مدير مخابرات لما طلبه عبد الناصر مره اضطر يركب تاكس ويروح له لانه "بونات البنزين " بتاعته خلصت .
٣. كان عبد الناصر بيشجع الناس تنكت عليه وما كانش حد بيتقبض عليه علشان قال نكته او افيه ؛ بل علي العكس كان يتندر بتلك الافيهات وسمح بهوامش حركه في الجامعه وغيرها وعمل بيان ٣٠ مارس علشان يقول ان مصر قبل الهزيمه غير مصر بعد الهزيمه .
٤.اعترف عبد الناصر قبل كل ده بالهزيمة لكن الاهم انه تحمل المسئوليه الكامله عنها ؛ لكن كمان ده ما منعوا ان يقدم الناس اللي تسببوا فيها بشكل غير مباشر للمحاكمه وعلنا . ودي ما كانتش بس عمليه عسكريه دا كان ليها بعد سياسي وافتكروا مانشيت الاهرام عن "سقوط دوله المخابرات".
٥. السياسات الذكيه دي خلت الناس تتحمل التقشف وسؤ الخدمات وخلت عبد الناصر يموت بطل رغم انه مهزوم.ما فيش مشكله ان قائد ينهزم في معركه ؛ لكن استجابته للهزيمه لا تكون الا بتغيير السياسات والافراد اللي تسببوا فيها ؛ لان استمرار نفس السياسات بنفس الاشخاص يؤدي الي نفس النتائج.
٦. مصر بتمر بازمه اقتصاديه زي ٦٧ وعلشان نعبر الازمه لازم نبص للناس علي انهم بشر لهم احتياجات ورغبات. في الازمه دي لازم كلنا نتقشف لكن الحكومه لو عايزه الناس تتقشف هي كمان لازم نتقشف ؛ علشا ما يبقاش شعار البلد "حكومه غنيه لشعب فقير " .
٧.لازم نسيب النس تتنفس علي الانترنت ؛ ما ينفعش نمسك ناس عامله فديوهات تهزر زي جزار دمياط بتاع اللحمه بالتقسيط او ظرفاء الغلابه او فتاه العبايه وغيرهم ونسينا من حكايه قيم الاسره المصريه لان الازمه ستطيح بالاسرة المصريه نفسها مش قيمها بس. ما هو مش هينفع يبقي "غلاء وسو كيل ".
جاري تحميل الاقتراحات...