ما تيسر من رحلتي في الرأسمالية:
١) قبل ما اتخرج بسنة تقريبًا بدأت شغل، كان full-time و بشتغل نفس شغل الباقيين بس بالضبط ب سدس المرتب، لمدة سنة باخد سدس المرتب عشان خاطر معظم الشركات التانية مش هتشغلني من غير ورق زيهم، و كنت متفهم انهم بيدوروا على مصلحتهم عادي.
١) قبل ما اتخرج بسنة تقريبًا بدأت شغل، كان full-time و بشتغل نفس شغل الباقيين بس بالضبط ب سدس المرتب، لمدة سنة باخد سدس المرتب عشان خاطر معظم الشركات التانية مش هتشغلني من غير ورق زيهم، و كنت متفهم انهم بيدوروا على مصلحتهم عادي.
لما اتخرجت عملت انترفيوهات في شركات كتير..
٢) في شركة منهم سألوني اهلي بيشتغلوا ايه، شركة تانية خلوني اعمل تاسك لما كبرت شوية في مجالي عرفت انها مستحيل تكون تاسك لخريج، ده لو حد شغال بقاله ٤-٥ سنين هيبقى بيعاني فيها. بس عادي قعدت اسبوعين تلاتة مش بنام و مش بعمل حاجة غيرها.
٢) في شركة منهم سألوني اهلي بيشتغلوا ايه، شركة تانية خلوني اعمل تاسك لما كبرت شوية في مجالي عرفت انها مستحيل تكون تاسك لخريج، ده لو حد شغال بقاله ٤-٥ سنين هيبقى بيعاني فيها. بس عادي قعدت اسبوعين تلاتة مش بنام و مش بعمل حاجة غيرها.
و لما سلمتها محدش رد، من ساعتها لحد انهاردة عملت حوالي ٨ تاسكات عشان انترفيوهات، فيه ٥ بس اللي ردوا. ٣ شركات قرروا ان تعب ساعات مش محتاج انهم حتى يردوا يقولوا تمام انت متقبلتش.
٣) في شركتين اشتغلت فيهم اتقالي نصًا ان مفيش زيادة في المرتب او ترقية دلوقتي. و في الشركتين اترقيت/خدت زيادة في المرتب اول ما بقيت مستعد امشي، عادة كان بأني بقيت بعمل انترفيوهات و معايا اوفرات تانية. كأنسان سخيف جدًا (انا) الحقيقة كنت بمشي برضه بس بعد ما باخد الترقية.
في شركة سابقة مديري من ديسمبر لمارس بيقولي مستحيل اترقى، في ابريل قلتله همشي ع العموم و ربنا يقويك، بعد يومين كنت مترقي و مرتبي كان زايد ١٥٪. بعد اسبوع قدمت الاستقالة رسمي.
ليه؟ عشان انا كنت استحق الفلوس الزيادة و ال title، و حتى لو قدامي شهرين notice مازلت مستحق اخدهم فيهم.
ليه؟ عشان انا كنت استحق الفلوس الزيادة و ال title، و حتى لو قدامي شهرين notice مازلت مستحق اخدهم فيهم.
مش هحس بالذنب عشان قبلت حاجة حقي حتى لو كنت قررت امشي في كل الأحوال.
٤) في شركة سابقة اتعملي layoff بإيميل، خدت ال severance اسبوع مرتب عشان كنت لسة في ال probation.
٤) في شركة سابقة اتعملي layoff بإيميل، خدت ال severance اسبوع مرتب عشان كنت لسة في ال probation.
٥) دخلت يمكن ٢٥ process انترفيوهات، كل واحدة كانت ٤-٨ انترفيوهات تقريبا و في تلتهم كان فيه تاسكات. منهم انترفيوهات كانوا ناس محترمين، و ناس جرابيع جايين يبيعوا و يشتروا، كتير منهم بدأنا متفقين على مرتب، و في الأخر الاوفر كان بيجي بمرتب اقل بكتير بعد كل الخطوات ديه.
٦) في شركة ما، نص الفريق بتاعي في امريكا و نصه في استراليا، كان اي وقت في خلال اليوم ممكن يبقى فيه ميتنجز، و ده كان الوضع و مفيش فيه تغيير، و قشطة بنتصرف و نتعامل. اختياراتي و بنلبسها عادي و هو ده السوق و هو ده الوضع.
كل ده و انا اساسا مرفه و محظوظ، شغال في مجال كويس، عندي علاقات كويسة بناس كتيرة مخلياني بشتغل في اماكن نظريًا كويسة.
ف لما بقرأ كلام عن ال work ethics الحقيقة مش بفهمها، عشان في تجربتي هي مش موجودة اساسا.
ف لما بقرأ كلام عن ال work ethics الحقيقة مش بفهمها، عشان في تجربتي هي مش موجودة اساسا.
احنا بنشتغل عشان نقبض، و لو مشتغلناش عشان نقبض بنترفد. و احيانا كتير بنترفد و احنا بنشتغل كويس برضه، مفيش قاعدة.
المرتبات مش بتزيد غير لما نجيب اوفر تاني، و لو فضلنا في نفس الشركة كتير سعرنا هينزل عن السوق بشكل ملحوظ، ده السوق، احنا معملناهوش، هو كدة ملناش دعوة بيه.
المرتبات مش بتزيد غير لما نجيب اوفر تاني، و لو فضلنا في نفس الشركة كتير سعرنا هينزل عن السوق بشكل ملحوظ، ده السوق، احنا معملناهوش، هو كدة ملناش دعوة بيه.
شخصيًا عمري ما هختار اعمل انترفيوهات عشان ازود مرتبي في شركتي لو عندي اختيار انه يزيد عشان استحق. الموضوع مرهق ليا بشكل مش طبيعي. بس جيت لقيت ده المطلوب، حد يعرف بديل؟
حاسس انك اتظلمت عشان عملت انترفيو لحد و قالك هييجي و فكس؟ معلش. و الله معلش بجد مش سخرية. هي برضه حاسة بانها مظلومة انها بتعمل المجهود ده كله عشان تزود مرتبها شوية. بس هي الحياة مش جميلة عمومًا، يعني تجربة الحياة اديلها اربعة من عشرة، و تجربة سوق العمل في الحياة اديلها سالب الف.
جاري تحميل الاقتراحات...