بمناسبة الحرب الجارية حالياً بين روسيا والمعسكر الغربي فالموضوع ماشي بالتوازي مع حرب أخرى إليكترونية في جمع البيانات واختراق الحسابات والأجهزة.فيه انتشار واسع لسرقة حسابات موثقة على فيسبوك ويوتيوب وبيستخدمها الهاكرز في بث برامج اختراق للأجهزة بناءاً على ثقة المتابعين للحسابات دي1
فمثلاُ كنت محتاج plugin خاص بال "Adobe premier "برنامج editor للفيديوهات ولقيت قناة عليها رابط لل plugin ده والقناة موثقة ..طبعاً لاستعجالي وثقتي في القناة جربته واذ فجأة لقيت حساباتي كلها ابتدت يبقى فيها محاولات للسرقة وبرغم استخدامي لكل وسائل الحماية إلا ان البرنامج كان حديث2
المهم ان فيه وسائل حديثة واسكريبتات جديدة للهاك معظم برامج الأنتي فيرس الحديثة مش بتلقطها ومحتاجة غلق بورتات معينة عن طريق firewall بروفيشنال وده محتاج دراية واسعة لاستخدامه دون تعطيل وظائف الأجهزة وحدوث مشاكل 3
النصيحة الأولى ماتثقش في اي حساب حتى لو كان موثق ولازم تتبع الاجراءات العادية وماتاخدش أي برامج في جهاز مفتوح على الانترنت غير من مصادرها الأصلية ..لو عايز تستخدم برامج مش أصلية استخدمها في هارد ديسك عليه وندوز أو أي نظام تشغيل بتستخدمه دون استخدام الانترنت نهائياُ 4
مافيش أي أنتي فيرس هيبقى محدث بكل ال updates بتاعته ولا أي security suits هتبقى بتجاري التحديثات اللي بتحصل في سكريبتات ال hack الحالية غير بإستخدام firewall بروفيشنال وده أصلاً صعب استخدامه لمعظم مستخدمي الإنترنت العاديين اللي ماعندهمش فكرة كاملة على ال networks
5
5
تفعيل 2 way authentication أو Two Factor Authentication, أو 2FA مهم جداً في أي حسابات سوشيال ميديا أو حسابات ايميلات ..واستخدام جوجل وoutlook
authenticators مهم جداُ
واضافة رقم تليفون
6
authenticators مهم جداُ
واضافة رقم تليفون
6
الحاجة التانية المهمة لو تعرض أي حساب من حساباتك لإختراق حاول تتابع ايملاتك بسرعة وتعمل اعتراضات سريعة على اي تغيير في بيانات الحسابات لأن أي هاكر أول حاجة بيعملها بيغير الايميل والباسوورد المربوطين بحسابك.أهم خطوة بقى لو حصل ووصلت للمرحلة دي.انك تحافظ على المتصفح اللي بتدخل منه7
الايميلات المرسلة لك كتحذير لها روابط للإعتراض محدودة المدة لو فات الوقت مش هتقدر ترجع الحسابات غير بخطوات معقدة وقد يغلق نهائياُ ..المهم المحافظة على المتصفح اللي بتدخل منه على الحسابات الخاصة بك من غير ما تنضف ال cookies أو ال cache من اخره مرة دخلت فيها على الحسابات 8
اهمية الخطوة السابقة انك ممكن تكون لسه داخل على الحساب من browser او المتصفح والحساب شغال عندك والهاكر بالفعل غير ال password او الايميل الخاص بالحساب ولسه كده عندك فرصة لإسترجاع الحساب ودي شغالة في معظم الايميلات والفيسبوك ومعظم حسابات السوشيال ميديا ..9
معظم الحسابات سواء ايميلات أو حسابات سوشيال ميديا ك فيسبوك انستجرام وجوجل و outlook بتعتبر أي تغيير في وسائل الاتصال زي اضافة ايميل أو حذف ايميل مربوط بالحساب بيحتاج اما باسوورد أو ارسال كود على الايميل .طبعا لو الهاكر داخل على جهازك وعنده امكانية الوصل للحسابات المفتوحة هيغير 10
الحاجة الوحيدة اللي هتنقذك لو فيه هاكر دخل على حسابك وغير الايميل والباسوورد وانت شايفهم متغيرين في حسابك وكل لما تحاول تشيل الايميل اللي الهاكر حطه بدل ايميلك يطلب باسوورد وانت مش عارفها لأن غيرها..هي رقم تليفون .حاول تضيف رقم تليفون لو رقمك مربوط بحساب تاني استلف رقم من اهلك11
رقم الموبايل هو الحاجة الوحيدة اللي أي حساب بيقبل اضافتها من غير ما يطلب باسوورد لتمريرها ..لأنه بيبعت على الرقم ده كود للتأكيد وبيعتبر ان رقم التليفون أقوى من الايميل لأنه دائماً مرتبط ببيانات رسمية مسجلة رسمياُ في اي دولة وسهل الرجوع على أي رقم وتتبعه فبيسمح بإضافته12
يعني لو هاكر دخل حسابك وانت لسه عندك الحساب مفتوح ولقيت تغيير في الباسوورد والايميل.. لسه عندك الفرصة انك تضيف رقم تليفون من غير ما الحساب يطلب باسوورد اللي غيرها الهاكر وبعد كده كل بيانات استعادة الحساب هتيجي على الSMS لرقم التليفون.13
الحاجة المهمة التانية فيه حسابات سوشيال ميديا وايميلات بتحتفظ ببيانات الدخول بتاعة المتصفح بتاعك مع بيانات زي mac address بتاع جهازك فالمحافظة على المتصفح اللي بتدخل منه للاعتراض على سرقة حسابك بيكون لها الأولوية في حسم الموضوع لصالحك 14
النقطة الأخيرة حاول لما تعمل حساب على ايميل أو سوشيال ميديا فيسبوك انستجرام تويتر أو حساب آخر يكون اسمك في البطاقة أو الرخصة أو جواز السفر مطابق لإسمك الأول واسم العائلة المسجل في بطاقات الهوية الخاصة بك علشان سهولة استعادة أي حسابات لأن أي تغيير في الحروف هيترفض 15
حسابات زي الفيسبوك معظم السيستم أصبح automated مدار بالكامل ببرمجيات فلازم تتعامل معاه على انه مش human بيكلمك ولا هيفهم ايملاتك ولا إعتراضاتك المكتوبة في اي form بتبعتها أو ايميلات وكنت كتبت موضع سابق عن القصة دي .لازم تتعامل معاها ببيانات واضحة لأنه نظام مبرمج بالكامل 16
جاري تحميل الاقتراحات...