#مزارع_الدواجن
انا عندي مزرعه فراخ صغيره كده علي ادي بسعه2000 كتكوت بدور فيها قرشين بما ان الفراخ البيضه هي اسرع دوره راس مال هما 40يوم فلوسك بترجعلك بمكسب او خساره
نخش في الموضوع قرار اعفاء المزارع من الضريبه العقاريه ملهوش اي لازمه ومش هينزل سعر الفراخ
طيب هي ليه الفراخ غاليه👇

1 الفراخ في الشتاء بتبقي غاليه علشان في اصحاب مزارع مش بتشتغل في الشتاء علشان نسبه الخساره عاليه
2 سعر طن العلف بقي 20 الف جنيه يعني في زياده 13 الف جنيه في اخر 6 شهور
3 الكتكوت المعفن الاصفر دا اللي كان ب6جنيه وصل سعره 24جنيه
4 التطعيمات كلها زادت الضعفين
👇

صاحب المزرعه مش بيبيع بمزاجه البيع عن طريق سعر برصه يوميه بيتحدد السعر نتيجه العرض والطلب وحاليا الفراخ المنتجه اقل بكتير من المطلوب
فصاحب قرار العفاء من الضريبه ملهوش اي علاقه بسوق الفراخ واشك ان بني ادم يطلع قرار بكده علشان يحل مشكله السعر دا اكيد راجل بيضه😁