مشكلة طغيان المادية على الحياة عندنا وبالذات في مجتمعنا إنه بتدي إحساس للإنسان ال ربنا وفقه ماديا (بالمال أو حتى أكاديميا) إنه وصل مرحلة تميزه عن باقي فئة المجتمع =وبالتالي هو مؤهل للكلام والتنظير والفتوى في كل شيء حتى لو ما كان في تخصصه ولا عنده بيهو أدنى علاقة أصلا=خصوصا الدين.

يكون عندي قروش = معناها أنا أحشر بوزي في كل حاجة وانظر في الدين زي ما داير..
زول شاطر اكاديميا وشهادات = معناها انا اتكلم ومؤهل للكلام في كل شيء وناجح في كل شيء!
وهكذا وهكذا..

- يعني واحدة قالوا عنها امرأة بتاعت بزنس؛ عملت قروش؛ تطلع تنظر في الدين بكل وقاحة، الإشكال ما بس عندها، الإشكال في النفس البشرية عموما إلا من رحم الله، رؤية النعمة بتخليه يحس بالاستغناء وشوفة النفس كدا
= "أن رآه استغنى"
وزي قصة (صاحب الجنتين)... الخ

لكن النبي عليه الصلاة والسلام ورانا إنه الدنيا دي ما مقياس لنجاح وتميزك المطلق لو فتحت عليك، "فإن الله يُعطي الدنيا لمن يحب ولمن لا يُحب؛ ولا يعطي الآخرة إلا لمن يحب"
فما مقياس كونك مهندس ولا طبيب ولا زول غني، معناها أنا مقطعها!
ابدا، ممكن تكون مميز في الحاجة بتاعتك وبس