اشتغلت اخر فترة على بروجكت فيه احد امتع الخوارزميات اللي تعلمتها، واللي هي الخوارزمية اللي صنعت قوة محركات بحث قوقل، PageRank، حبيت اشارككم فكرتها وعبقرية Larry Page وربعه
-PageRank- هي خوارزمية لتقييم صفحات الويب اللي تطلع لنا بعد مانبحث عن شي، كيف محرك بحث ممكن يعرف الصفحات المهمة وذات الجودة ويخليها بالبداية؟ وكيف اصلا نقدر نحدد اهمية صفحة عن اخرى؟
ممكن نقول ان احد الاشياء اللي تخلي الصفحة مهمة، هو ان فيه صفحات كثير تأشر لها او بمعنى اخر عندها رابط لذي الصفحة. ف منطقي ان الصفحة ذات الجودة يكون فيه صفحات كثير يأشرون لها ف نقدر نحدد اهميتها بذا الشي، لكن هذا التعريف ماهو بيرفكت ١٠٠٪ لان فعليًا اي شخص يقدر يسوي
الاف الصفحات ويخليها تأشر على صفحته ف تصير كذا مهمة، هنا تمتاز هذي الخوارزمية واللي تقول ان الصفحة تكون مهمة اذا فيه صفحات مهمة اخرى تأشر عليها والصفحات غير المهمة المفروض تأثيرها يكون ضعيف لأهمية الصفحة، التعريف قد يكون مبهم قليلًا لكن خل ناخذ نظرة على نموذجين من هذي النظرية.
-Random Surfer Model- وفكرته بان لو كان عندنا مُتفصح افتراضي كيف بيكون تصرفه لو خليناه يضغط على روابط ويتنقل بين الصفحات بشكل عشوائي، ف يمدينا نحدد أهمية الصفحة هنا بانها احتمالية وجود المتصفح على الصفحة بأي وقت معين، ف لو فيه صفحات كثير تأشر لصفحه معينة ف الاحتمالية بتكون عالية
لو اخذنا عينات كثيرة جدًا بذا النموذج بالنهائية بنقدر نطلع على تقييم أهمية للصفحات صحيح بنسبة كبيرة جدًا، طبعًا توجد افكار اكثر داخل هذا النموذج لكن ماراح افصل فيه عشان مايصير الثريد معلقة، مرفق صورة مبسطة لكود لذا النمذوج
-iterative algorithm- النموذج الثاني وهو بشكل مبسط جدًا راح نحسب بشكل تكراري أهمية كل صفحة بناءًا على المعادلة اللي بالصورة، راح نبدا باننا نعين لكل الصفحات أهمية متساوية وممكن تكون (1/n) وn هو عدد الصفحات، ف راح نبدا بكل دورة نمرر الصفحة على هذي المعادلة ونقيم اهميتها
d هو الdamping factor وبشكل مختصر عشان مانعلق بصفحتين بشكل تكراري يكون عندنا هذا عشان كل مره بشكل عشوائي يخلينا نغير الصفحة، بذي المعادلة راح نقيم كل رابط i يأشر للصفحة p واهمية ذي الصفحة بتكون مبنية على اهمية i وعدد الروابط فيها، ولما نكرر ذي المعادلة بشكل كبير راح نطلع بالنهاية
بتقييم شبه دقيق للصفحات لاهمية الصفحات، وهذي الخوارزمية اللي خلت قوقل القوة اللي نعرفها اليوم، بالطبع هذي الخوارزمية قديمة وقوقل ماعادت تستخدم هذي النسخة منها وطورتها ودخلت اشياء كثير غيرها، لكن جميل انك تعرف التفكير والخوارزمية الذكية ذي اللي بدت كل شي لقوقل
جاري تحميل الاقتراحات...