طالِب عندي في رابعة ابتدائي أمُّه فظيعة، الولد جاب امتياز في الـscience وبقى يحبَّها بعد ما كان بيكره سيرتها ومذاكرتها كُره العمَى. لقيتها باعتالي كتر خير حضرتك يا دكتور بس لو ممكن تحلّ معاه امتحان التيرم الأول عشان يعرف غلط في إيه، رغم إني راجعت معاه فعليًا وطلَّعنا الغلطتين..
١
١
اللي عندُه. وكان أول رد فعل ليا إنُّه براڤو عليك والله، أنا فخور بيك، وقُلتلها احتفلي بيه، وجبتله شوكولاتة. الولد رغم ذلك جالي الحصة اللي بعدها بيطلب منّي نحل الامتحان تاني. واللي فهمته إن الأم عايزة حد تـpoint fingers to وتُلقي اللوم عليه.
طيب هل يا دكتور هو مخدش السؤال ده؟
٢
طيب هل يا دكتور هو مخدش السؤال ده؟
٢
أصل الولد مش مركّز، أصلُه لِعَبي، أصل وفصل. قلتلها أي إنسان في الدنيا مش مُصمَّم انه يجيب ١٠٠٪؛ إحنا مش آلات، ويكفي جدًا إنُّه جاب امتياز. قعدت تقولي كتر خير حضرتك وبطيخ وتفهمني انها مش بتلقي اللوم عليا، وفهمتها إن i don’t give a rat’s ass وإن "اللعبي" ده بييجي حالل كل الأسئلة
٣
٣
هو نفس الولد ده اللي قبل كام شهر كانت أعراض الـADHD مبهدلاه ومبهدلانا كلنا، بقى هادي وعاقل جدًا بالتشجيع وبقينا صحاب أنا وهو وبنينا ثقة متبادلة. لكن من يومين قالّي "أصل السؤالين دول اللي خلّوني مرتّبش"، ولقيتني بقولُّه £€~^}+ الترتيب وقعدت أحاضرُه عن الصحة النفسية والرضا.
٤
٤
في موقف آخَر في الشغل زَميل فاضل إبنه في رابعة ابتدائي برضُه، متفهمش إيه قصّة رابعة دي مع الأهالي الـperfectionists، تطوعت أذاكربه كده في وقتي الفاضي، والولد اذكى وأشطر إنسان شفته. لكن هزيل مش بينام ولما سألته "بابا صحاني أصلي الفجر وأذاكر"، طب يا حبيبي نمت الساعة كام؟ ٢ ونص!
٥
٥
لقيتني برضُه بقول للراجل الأكبر مني بـ٢٥ سنة يا أستاذ فلان ابنك عبقري، لكن حرام عليك اديله كفايته من النوم وخليه يلعب ويتبسط ويعيش سنُّه. يقولّي عايز افرح بيه واشوفه دكتور قد الدنيا، اقوله هو من دلوقتي دكتور، وقعدت احاضره عن اهمية الصحة النفسية للطفل والانسان عمومًا.
٦
٦
الولد يا عيني تحسّ أبوه معيّشه في الجيش، قوم اقف سلم عالدكتور، اشكر الدكتور، قوم يلا هنصلّي، وهكذا. يا سيدي يلعن ابو الدكتور سيب الولد في حاله. وردود افعال الولد نفسها تحسسك انه عسكري بياخد أمر من عقيد مثلًا، بيفزّ يتنطر. تحسّ العيال دي في المُعتقَل والله!
٧
٧
افتكرت بابا زمان اما كان دايمًا يقولّي: يعني "أحمد عشري" أشطر منك في ايه؟ عندُه ايد زيادة عشان يجيب ٩٨٪ وانت ٩٥٪؟ وبغض النظر عن العلاقة الغريبة اللي عمري ما فهمتها بين الأطراف التالتة ومعدّل الذكاء، إلا إني كنت بكره أحمد عشري وبكره حياتي. ويوم ما جبت ٩٨٪ وكنت مروّح البيت ملِك.
٨
٨
مستني أعرف ريآكشن بابا واحتفالُه بيّا، لقيتُه ممدّد عالسرير كده هيقيّل ساعتين العصر، قلتله بكل حماس "بابا انا جبت ٩٨٪ زي ما وعدتك" ورد عليا بكل هدوء ولا-اكتراث "براڤو عليك جدع، اقفل الستارة بقى عشان أنام شوية"، وخرجت بسكينة في قلبي وقفلت الباب ورايا.
٩
٩
أنا اللي النهاردة مهما أعمل من إنجازات وأطلع الأوّل في أي حاجة أشتغل فيها وأموّت نفسي شُغل لحد ما جهازي العصبي يسبّلي وصوابعي تترعش وستِل عندي imposter syndrome قعدت أطبطب عالعيال دي وأحاول أكلمهم بيني وبينهم إن مش دايمًا أهالينا صح. نفس الموقف اتكرر مع طالبة عندي في الجامعة.
١٠
١٠
بقيت بواسي وأشجّع وأطبطب وأنا شايف مستقبل العيال دي بيتراقَص قدّامي كده، بس مش رقصة حلوة لا، رقصة مُرهقة مُنهكة، الرقصة اللي بيسموها رقصة الموت، أو الرقصة الأخيرة، قبل ما يتهاوى للأسفل ويرتطم بالأرض!
لنا الله.
١١/١١
لنا الله.
١١/١١
كان ناقص أعمل للعيال دي أكاونتات تويتر وأبقى كده اتطمنت على مستقبلهم 😂
الإنسان لما تنحصر قيمته لذاته وتقديره لنفسه (اللي بيستمدُّه من تقدير أهلُه ليه كطِفل) في التفوق الأكاديمي، منطقي جدًا نلاقيه بينتـ حر لما ميجيبش المجموع اللي عايزه، ماهو ملوش قيمة كإنسان بقى.
الإنسان لما تنحصر قيمته لذاته وتقديره لنفسه (اللي بيستمدُّه من تقدير أهلُه ليه كطِفل) في التفوق الأكاديمي، منطقي جدًا نلاقيه بينتـ حر لما ميجيبش المجموع اللي عايزه، ماهو ملوش قيمة كإنسان بقى.
جاري تحميل الاقتراحات...