رتبها

🔴 ثريد 👇👇
عشان تبحث عن موضوع معين في مكتبة هتكون محتاج إيه؟ اسم المؤلف، عنوان الكتاب أو حتى أي حاجه عن الموضوع اللي بتدور عليه عشان تلاقيه بسهولة، دا بالظبط اللي بيحصل في أي محرك بحث – زي جوجل مثلا – بتجمع الكُتب ( المواقع والصفحات بالنسبة لمحركات البحث )
1/23

وبتأرشفهم وتنظمهم عشان لما القاريء ( المستخدم ) يبحث عن الموضوع ده يلاقيه.
هنا فيه خوارزميات مسؤولة – عند محركات البحث زي جوجل – عن العمليات دي ( الأرشفة والترتيب والبحث الخ ) وعشان كده محتاجين بس نفهم أكتر، إزاي محركات البحث بتشتغل؟.
2/23

فيه أربع مراحل بتوضح العملية دي، أولًا الزحف، وهنا فيه خوارزمية اسمها Google Bot مسؤولة عن عملية الزحف عند محرك البحث جوجل، هدفها هوا اكتشاف أي موقع إلكتروني أو صفحة ويب جديدة، مثلا لو أحمد نشر مقال جديد ليه على مدونته الالكترونية
3/23

هييجي دور الخوارزمية دي ( جوجل بوت ) في إنها تكتشف المقال ده وتروح للمرحلة التانيه، وهيا الأرشفة.
في المرحلة دي خوارزميات جوجل بتأرشف كل الصفحات والمواقع اللي اكتشتفتها وتحطها في مكان واحد، أرشيف جوجل، وهوا اللي زيه زي المكتبة
4/23

إنت لما بتستخدم جوجل في البحث فإنت بتدور جوا الأرشيف ده مش جوا الإنترنت بشكل عام، لأ إنت بتدور جوا أرشيف جوجل، وعشان كده فيه صفحات ومواقع ممكن تكون موجودة على الانترنت ومش موجودة داخل أرشيف جوجل، ودا واقف على مفهوم أو مصطلح مهم اسمه الـ Crawling Budget أو تكلفة الزحف
5/23

وهنتكلم فيه بشكل تفصيلي في وقت تاني، لكن هوا بشكل أو بآخر بيقولك إن فيه شوية معايير على أساسها جوجل بيقوم بعملية الزحف والأرشفة دي مش بيأرشف وخلاص، فلازم نراعي المعايير دي.
تالت حاجه هنا هيا البحث، بمعنى إن لو أحمد دور في جوجل عن أقرب مطعم مأكولات آسيوية هيعمل إيه؟
6/23

هيبحث في جوجل ويكتب مثلا ( مطعم مآكولات آسيوية ) هنا أحمد بيدور فين؟ بالظبط جوا اشيف جوجل، الخوارزميات بتاع جوجل هتاخد الكلمة المفتاحية اللي هوا كتبها في صندوق البحث وتدور عليها – أو تطابقها وفقًا لمفهوم مهم اسمه الـ User Intent أو نية المستخدم
7/23

مع المواقع والصفحات الموجودة في الأرشيف بتاعتها عشان نوصل للمرحلة الرابعة والأخيرة وهيا الترتيب.
نتايج جوجل بتظهر في شكل صفحات، كل صفحة فيها شوية نتايج تحت بعض، الدراسات بقى بتقول إن أول 3 نتايج في جوجل هما الأكثر حصولًا على زيارات المستخدمين
8/23

دا حتى فيه مقولة – مش عارف مين قالها – بتقول: إذا أردت أن تدفن جثة بحيث لا يجدها أحد، اجعلها في الصفحة الثانية في جوجل، علشان كده عملية التريب – ترتيب النتايج يعني – شيء مهم جدًا وكل اصحاب المواقع عايزين موافقعهم في النتايج التلاته الأولى أو على الأقل في الصفحة الأولى
9/23

والسؤال المهم: إيه هيا المعايير اللي على أساسها بتتم علمية التريب دي.
جوجل دايما بتأكد إن المحتوى هوا الملك، هوا أساس كل حاجه في عملية الترتيب، جودة المحتوى بتاع المواقع، توافق المحتوى ده مع نية الباحث أو المستخدم، بس هل فعلا دا حقيقي
10/23

هل جودة المحتوى هيا الأهم ولا فيه عوامل تانيه بتأثر في عملية الترتيب؟، هوا آه فيه عوامل كتيرة جدًا جدًا بتأثر في ترتيب النتايج زي سرعة الموقع وتوافقه مع الموبايل أو البيانات الوصفية وأكواد الميتا تاج والـ Bounce Rate أو معدل الإرتداد وغيرهم من النتايج.
11/23

أغلب الناس اللي بتهتم بانتهاك الخصوصية واستغلال بيانات المستخدمين بيركزوا على اتهام شركات زي جوجل أو فيسبوك بإنهم بينتهكوا خصوصية المستخدمين وبيحاولوا يوصلوا لأدق التفاصيل عنهم، بس في رأيي في خطر أكبر لجوجل معظم الناس دي مش واخده بالهم منه، وهما احكتار المعلومة
12/23

لو عايز تعرف أي حاجه، بسيطة، ابحث في جوجل.
اسأل جوجل، دي عبارة عن حملة إعلانية موجهة إلى الوطن العربي هدفها إنها تدعو الناس لاستخدام جوجل لما يحبوا يعرفوا أي حاجه، ودا حقيقي فعلا، فيه ناس بالنسبالهم الانترنت هوا جوجل أو فيسبوك، ودا شيء خطير جدًا – تحديدًا بالنسبة لجوجل
13/23

– لو أحمد بيدور على طبيب أسنان هيفتح جوجل ويبحث، ولو تالا عايزه تعرف طريقة عمل الكيك هتستخدم اليوتيوب عشان تشوف فيديو للطريقة وكلنا عارفين إن يوتيوب جزء من جوجل برضو، إذن لما تحبوا تعرفوا أي معلومة هتعملوا إيه؟ بالظبط هتبحثوا في جوجل، وهنا الخطورة
14/23

لإن جوجل بكده هوا المصدر الوحيد للمعرفة في العالم، الباحثين والكتاب ومعدين البرامج والصحفيين، الكل بقى بيعتمد على جوجل في المعلومة، وهنا إنت قدام سؤال مهمين جدًا.
هل بالضرورة نتائج جوجل صحيحة ودقيقة؟
إيه اللي يضمن إن جوجل متتلاعبش بالنتائج؟
15/23

لو دورت في جوجل عن حادثة سياسية أو حقيقة تاريخية أو عن وصفة أعشاب أو طريقة مجربة للتخسيس أو أي حاجه بتبحث عنها، النتايج اللي هتظهر دي مش بالضرورة تكون صحيحة، هيا مش في الأول عشان هيا الأصح، ولكن لإن أصحاب المواقع قدروا يقنعوا خوارزميات جوجل بده
16/23

فيه خوارزميات بتتحكم في الترتيب ده مش منها إن المعلومة صحيحة، كل الموضوع هوا أمر تقني بحت، لكن للأسف معظم الناس مقتنعة إن النتايج اللي بتظهر صحيحة، الموضوع ده ممكن يُساء استخدامه – سياسيًا – أو للتضليل أو لتغيير حقايق تاريخية مثلا أو لعمليات تشويه السمعة
17/23

أو أي حاجه تانيه غير أخلاقية، بمجرد م حد يبقى عنده مواقع كتيرة وعرف يشتغل SEO كويس وفهم خوارزميات جوجل صح، هيقدر بسهولة يحتل الصفحة الأولى للنتايج بشكل كامل، وهنا الخطر.
لو عايز تعرف وتتأكد إن ده خطر فعلا، إيه رأيك لو فيه 10 مواقع للفتاوى الدينية بتشرف عليهم جماعة زي داعش
18/23

كل المواقع دي بتتكلم عن شي واحد، كل المواقع دي واخده وجهة نظر واحدة وهيا وجهة نظر داعش، أسماء مختلفة للمواقع وأشكال مختلفة بمضمون واحد، فتاوى موجهة هدفها تغيير الوعي الديني وقناعات المستخدمين، مثلا لو أحمد بيدور في جوجل عن ( هل أرباح البنوك حلال؟ )
19/23

فيظهر له في النتيجة الأولى موقع أ والنتيجة التانية موقع ب والتالتة موقع ج …إلخ، تخيل بقى إن كل المواقع دي ملك لجهة واحدة بس وهيا داعش، بمجرد إن عندهم واحد متخصص في الـ SEO.
والسؤال هنا، هل على جوجل دور أخلاقي في الموضوع ده؟، الإجابة لازم
20/23

لازم جوجل تعرف مدى خطورة إن يتم استغلال منصتها لتضليل المستخدمين، جوجل لازم تتأكد من المحتوى اللي على منصتها، جوجل لازم تتحلى بالشجاعة وتتحمل المسؤولية تجاه المحتوى اللي بيظهر، بالإضافة لإن فيه إشكالية تانيه، إيه اللي يضمن إن جوجل مش هتتلاعب بالنتايج؟
21/23

جوجل بتأكد إن الخوارزميات لوحدها هيا المسؤولة عن الترتيب، لكن هل ده يمكن إن جوجل متلعبش دور في توجيه النتايج دي؟.
حصلت مشكلة قبل كده غي تسمية الخليج العربي بالخليج الفارسي، حاولت جوجل إنها تكون حيادية وتكتب الخليج الفارسيء ظاهر جنبه بين قوسين الخليج العربي
22/23

ودا برضو بالنسبة للقضية الفلسطينية وغيرهم، إيه اللي يضمن عدم إنحياز جوجل وفقًا لأجندات خاصة بيها، وبالتأكيد م هتكون في مصلحتنا.
23/23

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة