امس ابوي عمل مشكله مع لجنه المسجد اللي هو عضو فيها وسمعهم وبالامام ذاتو وسخ اضنيهم وقال ليهم كلكم منافقين وصلاتكم باطله ما واصله راس الجامع دا وامامكم منافق وبتاع رمرمه ذي ولدي
الامام ماكل اي قروش بتجي للجامع دا وكباها في كرشو الذي الشوال دي..
الامام ماكل اي قروش بتجي للجامع دا وكباها في كرشو الذي الشوال دي..
الغريب في الامر انو امام الجامع دا صاحبو شديد بس ابوي ما عندو صحبه ايوا انا اعترف ب ذلك نيابة عنه ،
ابوي لمن يقوم ما بعرفني ولدو فلذة كبده ولو جينا للحقيقه انا شخصيا مع امام الجامع دا ابرتنا ما بتشيل خيطيجن وقبل كدا في رمضان لمن كنا نايمين في الجامع وانا شاكلت الناس الكانوا ببزقو
ابوي لمن يقوم ما بعرفني ولدو فلذة كبده ولو جينا للحقيقه انا شخصيا مع امام الجامع دا ابرتنا ما بتشيل خيطيجن وقبل كدا في رمضان لمن كنا نايمين في الجامع وانا شاكلت الناس الكانوا ببزقو
وقرفونا في حياتنا قام هو اتجرأ وفتح خشمو معاي وعايز يوريني انو هو سيد الجامع دا وبرضو حسب ما انا صايم وجعان ومتجرس سمعتو وقربت افطر بيهو والله وقال لي سأشكوك الي ابيك ولي معه حديث اخر قلت ليهو اشتكيني للامم المتحده ذاتها
المهم ابوي بعد ردح للمصلين ولجنة المسجد قال ليهم الجامع دا اصلا حقنا نحنا وبنيناهو بقروشنا برانا يلا اطلعوا برا من جامعنا وفعلاً قفل الجامع وشال مفاتيحو خلي الناس تصلي في المظله برا المهم المغرب كدا جوني في البيت لجنة المسجد كلهم ب الامام بتاعهم
وقالو لي بما انك اكبر واحد في اخوانك ف نحنا جينا نشكي ليك والدك وتصرفو الاتصرفو معانا في المسجد
اتخيل يا انسان الناس ديل جايين يشكوا لي ابوي انا الما طايقني اصلا ولا هاضمني ولا عندو ادني رغبه يشوف وشي دا ؟
سبحان الله زمان كان بشكوا الاولاد ل ابواتهم هسي حصل العكس
اتخيل يا انسان الناس ديل جايين يشكوا لي ابوي انا الما طايقني اصلا ولا هاضمني ولا عندو ادني رغبه يشوف وشي دا ؟
سبحان الله زمان كان بشكوا الاولاد ل ابواتهم هسي حصل العكس
المهم ب اختصار كدا قالو لي لازم تتكلم معاهو وتتصرف ب اي طريقه تجيب لينا مفاتيح المسجد بكره الجمعه ولازم الجامع يتفتح لصلاة الجمعه ف وعدتهم خير وقلت ليهم المفتاح ح يكون معاكم هسي دي وانا بنفسي ح اجيبو واصلي معاكم العشاء في المسجد اها الجماعه مشوا وانا دخلت ل ابوي
قلت ليهو سلام عليكم يا ابوي كيف امسيت ؟ قال لي امسيت ذي الزفت مالك ومالي ؟
هو الخير يجي من وين وانا بتصابح واتماسي ب وشك دا ؟
سبحان الله انا ما عارف وشي دا مشكلتو شنو مع الناس ؟
لاااا دا سحر التشويه شغال تش والفكي شغاااال انا عارف الزوله البتحوط فيني وشغاله لي سحر تشويه
هو الخير يجي من وين وانا بتصابح واتماسي ب وشك دا ؟
سبحان الله انا ما عارف وشي دا مشكلتو شنو مع الناس ؟
لاااا دا سحر التشويه شغال تش والفكي شغاااال انا عارف الزوله البتحوط فيني وشغاله لي سحر تشويه
خلت اي زول يشوفني يديني في وشي حتي ابوي ذاتو المهم قلت ليهو ناس الجامع جوا هنا وقالو عايزين المفتاح لانو بكره الجمعه والليله اليوم كلو كانو بصلوا بره في المظله بدون اذان وبدون اقامه يا ابوي الكلام دا ما صاح دا جامع يا ابوي ما نادي ولا مطعم ولا حق زول عشان اي زول يزعل يقوم يقفلو
ويشيل مفتاحو ..
اهاااااا قدامو تربيزه شالها فكاها فيني عليك امان الله التربيزه التقول فكاها بي مدفع ابوي ما شاء الله قوي شديد رغم تقدمو في السن بس لسه معضل عضلات مفتوله شبعان من زمان سمن وبلح ولبن لحدي ما جسمو اتربط المهم دنقرت من التربيزه دقت في الحيطه الوراي اتفرطقت حته حته
اهاااااا قدامو تربيزه شالها فكاها فيني عليك امان الله التربيزه التقول فكاها بي مدفع ابوي ما شاء الله قوي شديد رغم تقدمو في السن بس لسه معضل عضلات مفتوله شبعان من زمان سمن وبلح ولبن لحدي ما جسمو اتربط المهم دنقرت من التربيزه دقت في الحيطه الوراي اتفرطقت حته حته
وطبعا من الزعل حسو راح بقي يشخر شخري ويقول لي انت العايز توريني الصاح من الغلط ؟
انت البتوريني الجامع حق الله ما حق زول ؟ انت يا عفن يا معفن يا كلب السوق الحايم ومطلوق ؟ انت يشتكوني انا ليك ؟ ااااخ اااااخ بقي يقول اااخ اااخ من المغسه واخر شي دخل اصبعو جوا خشمو وقرشو ذي العجوره
انت البتوريني الجامع حق الله ما حق زول ؟ انت يا عفن يا معفن يا كلب السوق الحايم ومطلوق ؟ انت يشتكوني انا ليك ؟ ااااخ اااااخ بقي يقول اااخ اااخ من المغسه واخر شي دخل اصبعو جوا خشمو وقرشو ذي العجوره
يعني منظر مخيف لدرجة حبس الانفاس لالا حبس الانفاس شنو ؟ دا حبس بول عديل كدا قمت جاري منو بهناك بس الجري ما بحلني جا لاحقني في ختراتي يصهل صهييل ولسه شغال ااااخ اااخ امي شافتو بالمنظر دا قالت وووب علينا الليله دا انا ما برجاهو وفعلا ختفت توبا وكبرتا ..
سبحان الله امي اتخلت عن جناها و ود حشاها ومرقت روحها ابوي خشا في حالة هستيريا وهايج لدرجة كان بياكل في اصابعيهو اكل ذي العجوه يلا لاقنو بناتو كالعاده شبكوهو ابوي ابوي ابوي احيي يا ابوي وااي يا ابوي ياحليل ابوي انا ما عارف يا حليلو مالو ؟ هسي في زمتكم اليا حليلو منو ؟ انا ولا هو
اها الليله ما قدرن يسيطرن عليهو براهن لانو كان ما بتقدر تعاين ليهو مرتين بقن يكوركن ل اخوانن جوا جارين كل واحد مركب سماعتو وعامل فيها طيار بدون مطار شالوا ابوهم شييييل غصبا عنو ودوهو اوضتو بهناك وعملو ليهو الطقوس البعملوها ليهو كل مره رقدوهو وهببوهو ودعكو ليهو صدرو
وعملو ليهو مكمدات وعصرو ليهو كرعيهو وختو ليهو ٤ حبات تحت لسانو لحدي ما هدا حبه وجوني انا عايزين يتمو باقي الدراما ثبتهم طوالي في حدهم قلت ليهم ابوكم قافل الجامع من الناس وشايل المفاتيح ومخليهم يصلو في التراب والشمس من امبارح الكلام دا عاجبكم يعني ؟ انا ما عملت ليهو حاجه
قلت ليهو ما صاح يا ابوي تقفل الجامع وتشيل مفاتيحو وبعدها حصل الحصل المهم سكتو مسافه كدا قلت ليهم ما تسكتو امشوا جيبو لي المفتاح خلوني اوديهو للناس خليهم يصلو صلاتهم الكلام دا لا يرضي الله ولا رسوله ابوكم اقدرو عليهو ما تخلوهو للناس يشيلو حالو
ويسعموهو كلام ما يرضيهو ولا يرضينا نحنا ذاتنا وهم جزاهم الله خير جوا كلمونا نحنا ما اشتكوهوا في القسم ولا قلوا ادبهم معاهو قالو لي والله كلامك صاح بس المفتاح دا الا تمشي تشيلوا براك نحنا والله ولاااا بنهبشو قلت ليهم ما مشكله بجيبو وفعلا مشيت براحه عاينت ليهو لقيتو نام
شلت المفتاح براحه ووديتو الجامع طبعا الناس فرحت شديد وشكروني والله وصليت معاهم العشاء ولحسن الحظ في ناس جابو جرادل لقيمات وشاي بلبن ما عارف صدقه ولا كرامه المهم قشينا اللقيمات دي قش فجخ زي الفجخ وشاي اللبن المقنن اللهم صلي ع حضرة النبي .. شراب بدون حساب لاحق لي قريب 9 كبابي
اها يجيني شافع صغير كدا قال لي عمو شايل بندقيه وجاي ع الجامع اهاااا ما طالبني حليفه الشاي دشرتو بنخرتي وجدعت الكبايه ووقفت ع حيلي وقلت ليهم ( ابوي جاااااااااكم ) مع جاكم دي ابوي فكا ليهو طلقه برا في حوش الجامع قوله تاح دي انا لقيت نفسي برا الجامع
ومعاي كل اعضاء لجنة المسجد الموقرين ب امامهم يقعو ويقومو وخشومن ملانه زيت لقيمات وسكر مسحون وتاني فكا طلقه اها قالوا ( الرحيل عز العرب ) الجماعه رحلوا حفيانين حتي المكوجي المأجر الدكان الفي المسحد قفل دكانو ورحل معانا وصلنا اخر الشارع قلت ليهم ارجعو علي بيوتكم يا اخوانا
ابوي دا بعد دا مشكلتو بقت معاي انا وانا متعود ع مشاكلو صدقوني انتو اتناساكم بعد دا ارجعو قفلو جامعكم وشيلو مفاتيحكم انا شارد ح اعدي لي شهر واجيهو راجع بكون هدا حبه بس عليكم الله ادعو لي معاكم بكره في صلاة الجمعه انو ربنا ينجيني منو ويعدي المره دي ع خير ..
للكاتب (سليمان الجعلي)
جاري تحميل الاقتراحات...