سمعت بودكاست عن تقدير الذات وحبيت اعمل ثريد عليه.
المهم يعني من الحاجات اللي مكنتش اعرفها انها تندرج تحت مسمي تقدير الذات انك تقدر ان ذاتك تستحق الحب وتقنع نفسك انك شخص محبوب وتستاهل الحب.
في مقوله بتقول ان "الانسان اللي مش بيحب نفسه مش بيقدر يقدم الحب لغيره "بس المقوله دي ناقصه

الانسان اللي مش شايف نفسه يستحق الحب او بيسأل نفسه دول بيحبوني علي ايه ما في احسن مني يعني، لما بيرتبط بحد ويكون عنده قناعه انه مش أهل للحب، مهما الحد ده عمل عشانه مش هيشوفه ولا هيقدره وهيشوف انه بيعمل ده مجامله او تقضيه وقت

وهيقعد كل شويه يتسائل ده بيحبني ليه ده اكيد بيكدب عليا اكيد بيتسلي بيا لحد ما يبوظ العلاقه م شكوكه ومستحيل ان دي علاقه حب والحب ده مش هيدوم ولا العلاقه هتكمل ودي عقليه فاقد تقدير الذات .
عايزه اقول انك لو مش مقدر ذاتك ف انت معندكش ثقه ف نفسك وشايف نفسك قليل لاي حد.

اما لو الشخص مقدر ذاته وعنده ثقه ف نفسه وشايف انه اه انا كويس وفيا صفات كويسة كتير وعندي ثقه ف نفسي و lovable واستحق اني اتحب ، هتلاقي ان ده طبيعي و عادي وهبادله الحب ده منا استاهله بئي وطبعا كل ما هو مُتبادل مُستمر واللي من طرف واحد بينقطع عشان مش بيلاقي تقدير ف بيمشي .

اخر حاجه عشان بتختلط ع ناس كتير،في ناس لما تيجي تدخل ف ريليشن وتلاقي ان الحد ده كويس اوي معاها بتستغرب!ده اكيد بيتسلي بيا وبتدي لنفسها اسباب كتير وبعدين تحطها تحت" انا عندي تراست إييشوز" لا انت تمام بس مشكلتك انك فاقد تقدير ذاتك ومش حابب نفسك ومعندكش ثقه ف نفسك عشان تثق ف حد جديد