الحب مفيهوش وسط يا يحولنا لأسعد ناس في الدنيا وروحهم بتلمع يا يطفي روحهم ويحولهم لأشباح.
القصبجي واحد من اللي حولهم الحب لشبح . الصورة اللي بيظهر فيها القصبجي وهو قاعد على كرسي ورا أم كلثوم وماسك العود دي صورة القصبحي وهو حبيس وذليل حبه لأم كلثوم صورة القصبجي وهو مسير لا مخير
القصبجي واحد من اللي حولهم الحب لشبح . الصورة اللي بيظهر فيها القصبجي وهو قاعد على كرسي ورا أم كلثوم وماسك العود دي صورة القصبحي وهو حبيس وذليل حبه لأم كلثوم صورة القصبجي وهو مسير لا مخير
القصبجي كان من أعظم الملحنين في الشرق موهبة مرعبة وإبداع ملهوش حدود. القصبجي اللي لحن لأسمهان "يا طيور" مزج فيها بين اللحن الشرقي واللحن الاوبيرالي فخرجت واحدة من اصعب الألحان. القصبجي اللي لحن رائعة "انا قلبي دليلي" لليلى مراد ودمج بين موسيقى ال Waltz الغربية والايقاع الشرقي
كل الموهبة دي والخيال اتحطموا على صخرة جفاء أم كلثوم الموهبة بهتت والقصبجي اللي دخل الكونترباص والتشيلو في الموسيقى اكتفى بالعود والجلوس على كرسي خشبي برودته كبرودة روح ام كلثوم تجاهه.القصبجي ساب كل حاجة وارتضى بمكانه وراها لانه شاف ان دي المسافة الوحيدة اللي هيبقى قريب فيها منها
لما تعبت ام كلثوم وسافرت للعلاج خارج مصر القصبجي بعتلها رسالة قالها فيها "عودي فأنتي عندي اغلى من نفسي التي بين جنبي ََّ" . فضل القصبجي عايش في ظل أم كلثوم على أمل هو عارف انه عمره ما هيتحقق حرم نفسه من الزوجه و الأبناء او الأسرة واكتفى ان حياته كلها تبقى ظل ام كلثوم دة.
القصبجي قبل ما يموت قال لبليغ حمدي " واد يا بليغ تعرف الحب دة اسوء حاجة في الدنيا بس برضوا رغم كل دة هو اجمل حاجة فيها" . في اعتقادي لو اتعادت الحياة مليون مرة هيتخلى القصبجي عن انه يكون الملحن المبدع العبقري صاحب المكانة وهيكتفي بنفس الكرسي في نفس المكان ورا ام كلثوم
اوعوا تحبوا حب القصبجي اوعوا تخلوا روحكم تعجز وتتحولوا لأشباح اوعوا تكتفوا بمساحة الظل في حياة غيركم
جاري تحميل الاقتراحات...