تعالى اقولك ازاى تبقى فاشل ف 5 خطوات ..
- محمد الشافي
- محمد الشافي
1- حدد مجال انت داخله مش عشان انت بتحبه بس عشان سمعت ان الموضوع حلو وبيكسب.
2- كل ما تسمع أن فى مجال احسن سيب اللى انت بدأت فيه و ادخل ف غيره. وضحي بمشوارك اللى مشيته مانت داخل تشوف اللى بيكسب احسن بقى ف مش مهم مجهودك ده يترمى ف الزباله المهم تلاقى الأحسن واللى بيكسب اكتر. وافضل لف في دايره وماتكملش للآخر.
3- افضل حط لنفسك عراقيل. ( اصل خايف اتعب ومالاقيش شغل - اصل انا سمعت ان ال ai. هياخد مكان البشر - اصل انا خايف ادخل وانا ضعيف ف الانجليزى ) طب مانت لو ماخدتش خطوه مش هتشتغل برضه و ال. ذكاء الصناعى هياخد مكانك برضه .
ولو ماجربتش مش هتعرف الانجليزى هيفرق معاك ولا مش هيفرق .مش جايز لما تجرب يطلع الموضوع مش مستاهل تكون برفكت في الانجليزى؟
4- ضيع وقتك ف انك تفضل تدور ع حد يشجعك وافضل ماطل دور ع ناس تتعلم معاك واوهم نفسك انك مش هينفع تتعلم مع نفسك . ادخل مجموعات دردشه و جروبات تليجرام ظنا منك انك كده بتتعلم وانت ف الحقيقه بتضيع وقتك ف جمع عناوين علوم و معلومات غير منظمه وغير مرتبه مش هتفيدك ب شئ غير انك بتريح ضميرك.
5- ادخل ف جدالات ونقاشات حول انهى مجال احسن من التانى.
6- حط لنفسك عقبه الحاله الماديه . وانك لازم تجيب احسن جهاز كمبيوتر و تروح احسن مركز تعليمى . فى حين ان ممكن يكون المجال اللى انت هتدخله مش محتاج جهاز ب إمكانيات عاليه
و طالما مش عندك القدره الماديه انك تروح مركز تعليمى ف المحتوى المجانى مالى الدنيا ع يوتيوب .و تقدر تبدأ والله اقسم بالله تقدر تبدأ مع نفسك .
7- ضيع وقتك ف اسأله من نوع . ازاى ابدأ المسار الفلانى و ابدأ من فين و ازاى و اعمل ايه ف حين آلاف الفيديوهات ع يوتيوب فيها رد ع كل اسألتك بس انت اللى مكسل تبحث.
8- أسألتك كلها لازم تكون من نوعيه هو المجال الفلانى مرتباته كام . و افضل بقى متابع الناس عبيد الريتش اللى بوستاتهم كلها من النوع ده.
9- قارن نفسك بالي حواليك وخليك واقف تتفرج
باختصار اللى عايز ياخد خطوه بياخدها من سكات ف هدوء مع نفسه من غير مايفضل يصيح كتير .
10 - تجاهل الاستفادة من الثريد و حط تعليق و اكتب هما 5 خطوات ولا 9 😂
جاري تحميل الاقتراحات...