الغريب إن الباحث توصل للمعلومات دي اعتمادا على حركة الأجرام السماوية! وده النشاط الرئيسي للمركز اللي بيشتغل فيه، وهو رصد حركة الأجرام السماوية وتأثيرها على النشاط الزلزالي على الأرض، وده فيديو بيشرح فيه توقعاته منشور من يوم 2 فبراير
youtube.com
youtube.com
المركز بيقول على موقعه إن العلاقة بين حركة الأجرام السماوية والزلزال ثبتت في يونيو 2014، لما وقعت زلازل كبيرة في المحيط الهادي خلال عدة ساعات، بالتزامن مع حدوث اقترانات لعدة أجرام سماوية في نفس التوقيت، وبيأكد إن حركة القمر كمان بتأثر على نشاط الزلازل
ssgeos.org
ssgeos.org
المركز بيقول إنه بناء على نظريته دي، قدر يتنبأ بزلزال بقوة 7.8 وقع في نيبال في 25 أبريل عام 2015، وزلزال آخر في ألاسكا في 29 مايو 2015 برضه، وتالت في جزر بونين باليابان في اليوم التاني بقوة 8.5 ريختر
المزعج إن المركز بيقول على حسابه في تويتر، إن الزلزال اللي وقع امبارح في تركيا وسوريا ولبنان وخلف مئات الضحايا، هايكون له عدة هزات ارتدادية في المنطقة خلال الساعات الجاية، معظمها ما بين 4 إلى 5 درجات ريختر وربما أقوى
جاري تحميل الاقتراحات...