بموضوع الهزات والزلازل وبعيدا عن التكهنات والتهويل، طلبت من صاحب اختصاص يحضر هالثريد (لأني خايفة)، بتمنى تقروا، ويا رب تضلوا بأمان:
١- بس يصير في هزة او زلزال، عادةً الأفضل خلال ٥ ثواني الوقوف تحت حاجب الباب، المبنى بينخاف يهبط بال s-waves. بعدين بالطرقات الوجوب تبعدوا عن المباني وعن العواميد، ب ليلة متل هيدي كمان عن الشجر كرمال الصواعق. اكيد ما تستعملوا المصاعد (وطفوا اي دفايات كهرباء او غاز اذا قدرتوا)
٢- بعرف انه مش مألوف، بس يكون عندكن حقيبة طوارئ بمكان قريب عالمخارج حسب مين سكان البيت بتتنظم (اذا في اولاد مثلا بدن حليب…) بدكن فيها اسعافات اولية، مياه، بدل ثياب heavy duty.
٣- لبنان بيتعرّض ل هزات قوية كل ٧٠ سنة تقريبًا ، حدثت الاخيرة ب ١٦ اذار ١٩٥٦. هيدي الهزة مصدرها تركيا (١٩٩٩ كانت كمان ب ازمير) وايه بهل كم سنة متوقع شي كبير ب بيروت، مصدر الهزات ب لبنان هوي بسري/روم (فيلق). (مش تهويل)
٤- التسونامي بيضرب بعد الهزات القوية، بيضرب بالبحر وبالمحيط، ال epicenter تبع هيدي الهزة بعيد عن البحر المتوسط نسبيًا، بأثر ع مستوى المياه بس ما بخوّف ليسبب تسونامي بالمتوسط، و لبنان أعلى من البحر بعكس ايطاليا مثلًا اللي بتتأثر اكتر اذا تغيّر المستوى.
جاري تحميل الاقتراحات...