من حظوظي في كاريري إني دخلت زالاندو بالظبط في اللحظة التاريخية اللي أدركوا فيها تأثير فواتير الكلاود عالبيزنس وكنت جزء من مشروع كبير لخفض التكلفة دي علي شركة فيها اكتر من ١٢٠٠ ديفيلوبر بيعملوا آلاف ال deployments كل أسبوع ... يتبع (أفكار عشوائية).
دة أكبر سبب خلاهم ينقلو من سبهللة كل تيم يعمل اللي هو عايزه واللي كانو بيسموه radical agility وساعدهم يكبرو ويبقو attractive للي عايز يجرب ويعينو ناس جامدة لإنهم يعملوا قسم infrastructure واحد بيدير الموضوع ويبدأو يحطو قيود ودة زعل البعض
كانت فترة جامدة ومديري كان جامد اوي والناس كلها بتحترمه وعايزين يتكلمو معاه ومن خلاله كنا بنتكلم مع ناس زي Cory ال AWS Billing Consultant وهو بادئ واتكلمنا مع سبوتيفاي وفرجونا backstage قبل ما يطلع للعلن ببتاع سنتين وكنا بنجرب حاجات كتير وهي لسة لتبدأ وبنشوفها قبل ما تطلع
مشكلة ال cloud cost إنها بتتسرسب من تحتيك وهوبا تلاقيها بهوقت ومش عارف تلمها إزاي خصوصا لما الشركة تكون كبرت أوي وفيها تيمز كتير كل واحد متصور إنه فعلا محتاج اللي هو بيعمله ومحتاج يعمله بالطريقة دي
خدنا وقت طويل علي ما عرفنا نحدد ميزانية لكل تيم مينفعش يتخطاها وإزاي يحسبوها ويفهمو ال drivers
ولما الرجل الأمازوني الأمريكاني وصل قال لازم يبقي في cost per order بمعني إن طبيعي المصاريف هتزيد مع حجم البيزنس بس مينفعش تزيد نسبة أكبر من زيادة نسبة الأوردرات ، وزي ما كل أوردر بيكلف توصيل وماركتنج لازم نبقي عارفين كلفنا كام cloud computing
التجربة دي خلتني cost conscious جدا ومش معني إن أمازون وجوجل بيدوك كريديت يكفيك أول كام سنة انك تتعامل كأنهم ببلاش. الموضوع دة خلاني في شركتي الصغننة بفصل في الحسابات ما بين الخدمات اللي تكلفتها بتزيد مع الأوردرات زي AWS و Big query وأي سوفتوير تاني عشان اقدر احسب cost per order
لازم تبقي عارف ال architecture بتاعك هيبدأ يعضك في التكلفة إمتي وتوزن بين حرية التيمز يعملوا اللي هما عايزينه وإزاي مع الوقت دة هيبهوأ مش بس الميزانية كمان سهولة حركة الأفراد جوة الشركة وكمية الوقت اللي بيضيع مع تغير الأفراد وانت عندك مليون tech stack وكل واحد بدماغه.
ودة بردو مش معناه إنك تتهوس بالموضوع دة لأنك لو لسة بادئ ال growth بتاع البيزنس أهم من أي شئ ، انت بتدفع اكتر في الأول عشان توصل للنقطة اللي تقول فيها احنا كبرنا أوي ولازم نبدأ نوفر لكن لو ضيعت وقت كتير في دة والبيزنس مات يا فرحتي
عايز اقول كمان إني حضرت من بعيد مفاوضات تجديد العقد مع أمازون وساعدت مديري نحسب تكلفة لو نقلنا ل provider تاني أو لو عملنا - استغفر الله - multi cloud وقد إيه دي فكرة فاشلة
جاري تحميل الاقتراحات...