ناس بترمي وجبة كاملة في الزبالة، عشان قرفت من شعرة فيها، وناس تروح تدور في نفس الزبالة، وتاكل نفس الوجبة، وهي مبسوطة.
اتحكالي موقف: فرح كبير في شارع، وجبات كتير، بعد ما خلص، كانوا بينضفوا الترابيزات، ويرموا الوجبات اللي عليها، جه طفل حالة أسرته معدمة، لمها عشان ياكلها هو وأسرته.
اتحكالي موقف: فرح كبير في شارع، وجبات كتير، بعد ما خلص، كانوا بينضفوا الترابيزات، ويرموا الوجبات اللي عليها، جه طفل حالة أسرته معدمة، لمها عشان ياكلها هو وأسرته.
اتحكالي برضه: شخص حب يساعد 3 حالات، بنفس المبلغ من المال، حالة وصلتلها الفلوس، حالة محتاجة أنسولين، بس الست بيتها مفيهوش أكل فطلبت الفلوس تجيب بيها أكل وقالت مش مهم الأنسولين الشهر ده، والحالة التالتة اختفت، رغم إنها كل يوم في المنطقة.
لكن اختفت خالص، ففضلت الفلوس، لحد ما وصلت للست بتاعة الأنسولين، رغم إنها مش جاية باسمها أصلًا، وبعدها على طول، الحالة ظهرت تاني، ده لإن ربنا أعلى وأعلم بحال كل واحد، وكأن الفلوس عارفة صاحبها، هو ده رزقه اللي هيجيله مهما كانت الظروف.
بيوت مفتوحة بمرتبات ضئيلة جدًا، تخليك مندهش: "إزاي؟" إزاي مبيمدوش إيديهم، إزاي قادرين يعيشوا أصلًا في الظروف الحالية؟ إزاي قادرين يربوا ويكبروا ويعلموا؟
مرة حد قالي: "الخمسين جنيه أو 100، اللي بتروح تشتري بيهم وجبة لوحدك، أو تضيعهم في حاجة حلوة، في بيت ممكن تفطره وتغديه وتعشيه".
مرة حد قالي: "الخمسين جنيه أو 100، اللي بتروح تشتري بيهم وجبة لوحدك، أو تضيعهم في حاجة حلوة، في بيت ممكن تفطره وتغديه وتعشيه".
هنا تبان عظمة الخالق فعلًا، كل حاجة، كل فترة صعبة، كل ظرف قاسي، ربنا بيرزق فيه، دي حاجة خاصة بيه هو، هو بس، مبتخضعش أبدًا لتدابير أو حسبة أي بشري.
(وَكَأَيِّن مِّن دَابَّةٍ لَّا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ ۚ وَهُوَ السَّمِيعُ الْعَلِيمُ)
(وَكَأَيِّن مِّن دَابَّةٍ لَّا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ ۚ وَهُوَ السَّمِيعُ الْعَلِيمُ)
(وَمَا مِن دَابَّةٍ فِي الْأَرْضِ إِلَّا عَلَى اللَّهِ رِزْقُهَا وَيَعْلَمُ مُسْتَقَرَّهَا وَمُسْتَوْدَعَهَا ۚ كُلٌّ فِي كِتَابٍ مُّبِينٍ)
(وَفِي السَّمَاءِ رِزْقُكُمْ وَمَا تُوعَدُونَ)
(وَفِي السَّمَاءِ رِزْقُكُمْ وَمَا تُوعَدُونَ)
جاري تحميل الاقتراحات...