عايز اعرفكم على خالد اللي في الصورة
خالد بلدياتي من السيوف في اسكندرية عمره ٣٤ سنة وليسانس آداب انجليزي دفعة ٢٠٠٩. من ٣ سنين وشوية نزل من البيت ومرجعش. اهله استنوا ٣ ايام وبعدين عملوا محضر اختفاء في القسم. بعد ٦ شهور بدون اي خبر اهله جالهم تليفون من محامية انها شافته صدفة فين؟ /١
خالد بلدياتي من السيوف في اسكندرية عمره ٣٤ سنة وليسانس آداب انجليزي دفعة ٢٠٠٩. من ٣ سنين وشوية نزل من البيت ومرجعش. اهله استنوا ٣ ايام وبعدين عملوا محضر اختفاء في القسم. بعد ٦ شهور بدون اي خبر اهله جالهم تليفون من محامية انها شافته صدفة فين؟ /١
في نيابة مدينة فوة في كفر الشيخ. طلع اتمسك من الشارع ومحبوس بالتهمة المعتادة الانضمام لجماعة اسست على خلاف القانون قضية ١٤٨٨ لسنه ٢٠١٩. النيابة أمرت بإخلاء سبيله بضمان محل إقامته الحمد لله. قبل ما يطلع اترحل اسكندرية ونزل بنفس التهمة في قضية تانية رقم ٥٢٣١ لسنه ٢٠٢٠ مينا البصل/٢
راح النيابة أمرت بإخلاء سبيله بكفالة خمسمية جنيه الحمد لله. دفعنا وقبل ما يطلع اترحل على قسم المنتزه في اسكندرية ونزل بنفس التهمة في قضية ثالثة رقم ١٤٥٢ لسنه ٢٠٢١ منتزه ثان. راح النيابة أمرت بإخلاء سبيله بكفالة خمستلاف جنيه الحمد لله /٣
دفعنا وقبل ما يخرج اترحل قسم الدخيلة ونزل بنفس التهمة في القضية الرابعة رقم ٦٦٠٧ لسنه ٢٠٢١ الدخيلة. راح النيابة وأمرت بإخلاء سبيله بتدابير احترازية انه يروح القسم كل يوم حد واربع من ٨ ل٩ بالليل. الحمد لله. قبل ما يخرج نزل بنفس التهمة في قضية خامسة رقم ٢٩٨٩ لسنه ٢٠٢٢ الدخيلة /٤
رجع النيابة فأمرت بإخلاء سبيله بكفالة كمان خمستلاف جنيه الحمد لله. لكن بعد ما دفعنا الكفالة رحلوه على قسم العامرية في اسكندرية وتم تدويره على القضية السادسة برقم ٥٦٥١ لسنه ٢٠٢٢ عامرية ثان بنفس التهمة /٥
بقى لنا كده من امتى؟ من نوفمبر ٢٠١٩ لدلوقتي. بعد التلات سنين دول خالد دائما مصاب بامراض جلدية بسبب سوء نضافة الاقسام اللي بيتنقل فيها. كان مريض غضروف اصلا واصبح مش قادر ينام من الالم بسبب نومه على الارض ٣ سنين وشوية. ضروسه بتتفتت وتقع لوحدها ومش قادر يشوف طبيب اسنان /٦
خالد عبد المجيد اسماعيل عبد المجيد حاليا محبوس في قسم العامرية والنهارده احنا معاه في جلسة تجديد حبسه قدام النيابة في القضية نمرة ستة بس احنا بطلنا نعد. #تحيا_مصر
جاري تحميل الاقتراحات...