و ده نفس النهج اللي اتبعه كتير من الكتاب العرب زي العقاد في مجموعة العبقريات اللي تخصصت في إظهار أن النبي و الصحابة كانوا عباقرة بصفة شخصية و سمات نفسية عندهم و ده خطأ كارثي لأن حتي عبقريتهم لم تكن لتوجد لولا الاسلام بصفته الأساس و الركيزة لظهور العبقرية دي
و الا فابوبكر و عمر رضوان الله عليهم قبل الاسلام شيء و بعده شيء تاني مختلف ، و لولا تدخل الاسلام في حياتهم كدين و عقيدة ما كان يسمع أحد عنهم ولا يذكرهم التاريخ ، و أمثلة ده كتيرة فمثلا عمرو بن هشام المشهور با ابو جهل كان من السادة الكبار تاريخيا في مكة و كان من أصحاب الراي
و الحكمة و العبقرية في القيادة حتى أن النبي صل الله عليه وسلم دعى الله أن يعز الاسلام باحب العمرين إليه ( عمرو بن هشام أو عمر بن الخطاب) لدلالة علي مدي عبقرية و قوة ابو جهل و لكن لما رفض الاسلام ، انتهي و انتهت معه عبقريته ،
و ايضا التعاطي مع عبقرية النبى بصفتها سمة شخصية و إمكانية بشرية ، خطأ كارثي فالنبى هو رسول الله ، تلقي الرسالة و الحكمة و العبقرية من وحي السماء، فالتعامل من المنطق البشري و المادي مع الاسلام و النبي و الصحابة في إظهار العبقرية كارثة كبيرة
لانه بينتج ثقافة مغايرة للحقيقة أن العبقرية دي نتاج الاسلام كدين و عقيدة ، الاسلام هو اللي قدر يظهر و ينمي و ينقي العبقرية دي و يهذبها و يطلقها للاستخدام الصحيح ، لكن المنهج ده و الأسلوب المتبع في إظهار الإسلام إنه عمل بشري مادي و أن نبيه بشر عبقري قدر يقود بعقله الفذ
هذا المنهج الاجتماعي الفلسفي الي أن وصل به للعالمية ، المنهج ده كارثي لانه بالتدريج ينفي صفة الربانية عن المنهج و صفة الرسالة عن الرسول و ده حصل فعلا قديما و حديثا و ظهرت افكار و كتابات بنفس الطريقة اللي زرعتها الفكرة دي في أدمغة الناس
زي كتابات طه حسين و الاشهر منها علي الاطلاق كان الشعر الجاهلي و زي كتابات القمني و السعداوي و عشرات غيرهم عن أن المنهج بشري و متاح عمل إنساني محض علي يد النبي ، و الفكرة دي أثرت في دخول كتير من غير المسلمين في الاسلام ، مهو طالما بيتأرخ له أنه منهج اجتماعي
و فلسفة اجتماعية من نتاج عقل عبقري ، فليه انا اتخلي عن ديني و ادخل في منهج فلسفي و انساني ، و طبعا حصل ارتباك لمسلمين كتير و تتسبب في جراءة شديدة منهم ، تشوفها دلوقتي في كتابات الوف من العوام و الخواص و اظن تويتر يعني فيه الوف الأمثلة
فمحدش يفرح كتير بكلام المستشرقين عن الإسلام و انصافهم له و للنبي ، لانه أمر مقصود علشان أحيد فكرة الربانية و الرسالة عن الإسلام و النبي ..
جاري تحميل الاقتراحات...