Thread
مهم لطلاب الطب
قرأت اليوم خبر وفاة الدكتورة سارة مصطفى -رحمها الله-، الدكتورة دخلت كلية الطب في الأردنية ب ٢٠٠٩، وخلصت وقدمت امتحانات ال USMLE وانقبلت بأمريكا، وخلصت باطني، بالأخير رجعت عالأردن واشتغلت بمركز الحسين، يعني قصة نجاح أكاديمية لطبيبة شابة معظمنا بحلم فيها! ..
مهم لطلاب الطب
قرأت اليوم خبر وفاة الدكتورة سارة مصطفى -رحمها الله-، الدكتورة دخلت كلية الطب في الأردنية ب ٢٠٠٩، وخلصت وقدمت امتحانات ال USMLE وانقبلت بأمريكا، وخلصت باطني، بالأخير رجعت عالأردن واشتغلت بمركز الحسين، يعني قصة نجاح أكاديمية لطبيبة شابة معظمنا بحلم فيها! ..
قبل ما أحكي اللي ببالي، اذكروا الدكتورة بدعوة، الله يرحمها ويغفر لها ويصبّر أهلها.
اللي بدي أحكيه، احنا بأغلب أوقاتنا ناسيين اشي كثير مهم --> أنا وأنتم ممكن نموت بأي لحظة، ممكن هاي اللحظة تكون بأيام أو ساعات بعد ما نحصل مقعد إقامة اشتغلنا عشانه سنين، ...
اللي بدي أحكيه، احنا بأغلب أوقاتنا ناسيين اشي كثير مهم --> أنا وأنتم ممكن نموت بأي لحظة، ممكن هاي اللحظة تكون بأيام أو ساعات بعد ما نحصل مقعد إقامة اشتغلنا عشانه سنين، ...
ممكن تكون بعد أيام من إنهاءنا لفترة إقامة صرفنا عليها زهرة شبابنا، ممكن هسا أو الليلة أو بكرة.
وكونه الإنسان العاقل بتّعظ الأحداث اللي بتصير معه وحوله، فبدي أطرح مجموعة أسئلة من باب التذكير الي والكم:
وكونه الإنسان العاقل بتّعظ الأحداث اللي بتصير معه وحوله، فبدي أطرح مجموعة أسئلة من باب التذكير الي والكم:
١) متى آخر مرة التزمنا فيها بصلاة الفجر عالوقت لفترة طويلة؟ الشباب شو أخبار صلاة الفجر بالمسجد؟
شو بالنسبة لصلاة العشاء؟ مين فيكم عمره حط راسه عالمخدة وهو لسا مش مصليها وراحت عليه وخلص تركها؟
شو بالنسبة لصلاة العشاء؟ مين فيكم عمره حط راسه عالمخدة وهو لسا مش مصليها وراحت عليه وخلص تركها؟
إذا احنا بننسى ربنا ما بنسى، كله رح ننسأل عنه (وإن كان مثقال حبة من خردل أتينا بها)
في الحديث: (أولُ ما يحاسبُ بهِ العبدُ يومَ القيامةِ الصَّلاةُ، فإنْ صَلَحَتْ صَلَحَ سائِرُ عَمَلِه، وإنْ فَسَدَتْ فَسَدَ سائِرُ عَمَلِه)
في الحديث: (أولُ ما يحاسبُ بهِ العبدُ يومَ القيامةِ الصَّلاةُ، فإنْ صَلَحَتْ صَلَحَ سائِرُ عَمَلِه، وإنْ فَسَدَتْ فَسَدَ سائِرُ عَمَلِه)
٢) متى آخر مرة فتحنا فيها المصحف؟ جماعة ال USMLE اللي حافظين كتاب First aid زي أسماءهم، ترى first aid ما رح يشفعلكم يوم القيامة بس القرآن رح يشفع، البقرة وآل عمران رح يشفعوا، المُلْك رح تشفع.
في الحديث: (اقْرءُوا القرْآنَ فَإِنهُ يَأْتِي يَوْمَ الْقِيَامَةِ شَفيعًا لأَصْحَابِهِ)
في الحديث: (اقْرءُوا القرْآنَ فَإِنهُ يَأْتِي يَوْمَ الْقِيَامَةِ شَفيعًا لأَصْحَابِهِ)
٣) كيف رقابتنا عألسنتنا؟ شو أحوال الغيبة والنميمة عالدكاترة والطلاب والأقارب (ويمكن عالناس الماشيين بالشارع اللي ما بنعرفهم)؟ شو بالنسبة لذكر الله؟ شو أخبار أذكار الصباح والمساء والاستغفار؟
٤)الشباب اللي أبصارهم طليقة عالرايح والجاي، كيف حال غض البصر؟ البنات المقتنعات باللباس الشرعي، متى بدكم تشدوا الهمة؟ الجميع، شو بالنسبة للاختلاط بغير حاجة؟ كلامي بهاي المقطة تحديدا للناس المقتنعة، إذا أنت مش مقتنع هاي الأحكام المُجمَع عليها من العلماء لا تناقش وتغير الموضوع رجاءً
بالنسبة لنقطة ٤، راجعوا سورة النور ٣٠-٣١ وسورة الأحزاب ٥٩
٥) كيف حالكم مع البر؟ كيف علاقتكم مع الأهل، الأب والأم تحديدا؟ بالنسبة للشباب، متى آخر مرة اطمأننتم عالعمات والخالات (مش ضروري زيارة، مكالمة أو رسالة)؟ متى آخر مرة سمّعتم أخواتكم كلام حلو وفرحتوهن؟
٥) كيف حالكم مع البر؟ كيف علاقتكم مع الأهل، الأب والأم تحديدا؟ بالنسبة للشباب، متى آخر مرة اطمأننتم عالعمات والخالات (مش ضروري زيارة، مكالمة أو رسالة)؟ متى آخر مرة سمّعتم أخواتكم كلام حلو وفرحتوهن؟
٦) الناس اللي ما عمرها سألت حالها عن الأحكام الأساسية بحياة المسلم، أحكام الصلاة والصيام والطهارة وما إلى ذلك من الأشياء اللي لازم كل مسلم يعرفها، متى بدنا نعطي شوية وقت عشان نتعلم اشي عن ديننا؟
في الحديث: (طلب العلم فريضة على كل مسلم)
في الحديث: (طلب العلم فريضة على كل مسلم)
٧) عبادات السر، كيف وضعها؟ قيام الليل؟ طيب معاصي السر اللي فش حد بشوفها غير ربنا، متى آخر مرة تذكرناها واستغفرنا عليها؟
ذكر النبي ﷺ أن ذنوب الخلوات تجعل جبال من الحسنات = هباءً منثورا ..
وأخيرا، بتذكر بهالموقف حديث النبي ﷺ:
ذكر النبي ﷺ أن ذنوب الخلوات تجعل جبال من الحسنات = هباءً منثورا ..
وأخيرا، بتذكر بهالموقف حديث النبي ﷺ:
(من خاف أدلج ومن أدلج بلغ المنزل، ألا إن سلعة الله غالية ألا إن سلعة الله الجنة)
يعني اللي بخاف من اشي يُسرع (أدلج يعني مشى بسرعة بالليل)، واللي بسرع بوصل المكان اللي بده يوصل اله
والمقصود: المؤمن اللي بخاف الله وبخاف النار، بسرع في فعل الطاعات وبترك المعاصي وبستمر على هاي الطريق
يعني اللي بخاف من اشي يُسرع (أدلج يعني مشى بسرعة بالليل)، واللي بسرع بوصل المكان اللي بده يوصل اله
والمقصود: المؤمن اللي بخاف الله وبخاف النار، بسرع في فعل الطاعات وبترك المعاصي وبستمر على هاي الطريق
وبستمر على هاي الطريق للنهاية، واللي بعمل هيك بوصل المنزل اللي هو الجنة، وينجو من النار.
ختامًا: الله يرحم الدكتورة ويرحم أمواتنا ويتلطف فينا ويهدينا، ويجعل هذا الكلام حجة النا مش حجة علينا
ختامًا: الله يرحم الدكتورة ويرحم أمواتنا ويتلطف فينا ويهدينا، ويجعل هذا الكلام حجة النا مش حجة علينا
ملاحظة: عارف إنه هالحكي يمكن يكون ثقيل علينا كلنا، بس بالنهاية إنه الواحد يتذكر ويتضايق ويصحح أحسن بألف مرة من إنه يظل ناسي ويموت ويتفاجأ! الله يلطف فينا ..
وبالنهاية احنا بنتعامل مع رب غفور، رحمن رحيم، كما في الحديث --> إذا تقربنا إليه ذراعا تقرّب إلينا باعًا، وإذا أتيناه نمشي أتانا هرولة، وهو -سبحانه وتعالى- أرحم بنا من الأم بالولد .. وهو اللطيف الخبير
جاري تحميل الاقتراحات...