صباح الخير يا إخوة، فلنمضِ معاً في رحلة التعرف على الـ POCT.
ايش ذا الشي؟ هو اختصار لـ Point of care Test ، طيب ايش هو؟ هو تحليل تسويه للمريض حيث تُقدم له العناية وين ماكان مكانه سواءً في العناية المركزة او في الطوارئ زي اختبار غازات الدم والجلوكوز بالدم والحمل والسكر التراكمي،
طيب ايش محاسن ومساوئ هذا ال POCT؟
خذ عندك اول شي انه سريع ياخذ قرابة عشر دقايق او اقل مقارنة بنتايج اللاب اللي تاخذ ساعة في حالات الستات، ثانياً انه سهل الاستخدام والتعامل معه ثالثاً وغالبا مايحتاج مساحة تحطه فيها، رابعاً يقلل من كمية الدم المأخوذة من المريض كم قطرة تخارج معه
خذ عندك اول شي انه سريع ياخذ قرابة عشر دقايق او اقل مقارنة بنتايج اللاب اللي تاخذ ساعة في حالات الستات، ثانياً انه سهل الاستخدام والتعامل معه ثالثاً وغالبا مايحتاج مساحة تحطه فيها، رابعاً يقلل من كمية الدم المأخوذة من المريض كم قطرة تخارج معه
طيب دامه كويس كذا هل له مساوئ؟ طبعاً اولها انه ممكن يكون اقل دقة من نتايج المختبر،ثانياً ممكن يكون غالي السعر،ثالثاً انه مو دايماً تحت مراقبة المختبر للتحقق من كنترولاته ومحاليله،رابعاً صعب انك توقف علر راس الممرضين اللي شغالين عليه وتنتبه لشغلهم عليه هل هم متبعين التعليمات او لا
كفاية كذا مقارنة طيب نجي لهرجة التدريب، على حسب الطريقة اللي تقوم بها بال POCT تكون اما : Waived testing وهذي بعد ماتدرب اللي بيشتغلون ع الجهاز تقوم تقيمهم على الاقل سنوياً
اما اذا كان : Non Waived testing فبعد ماتدرب اللي يشتغلون على الجهاز خلال اول سنة لهم تقيمهم نصف سنوي
اما اذا كان : Non Waived testing فبعد ماتدرب اللي يشتغلون على الجهاز خلال اول سنة لهم تقيمهم نصف سنوي
بعد مايخلصون سنة تقيمهم سنوياً عشان كل فترة تشوف شغالين تمام ولا لا، طيب مين يحدد عناصر التقييم؟ يحددها مدير المختبر بحكم انه الشخص المسؤول عن المختبر وكل مايخص المختبر او الشخص المفوض من مدير المختبر
طيب خلناخذ كم مثال على العناصر ذي : اولاً تشوف تمسكهم بالسياسة حقتك، بعدين تشوف ادائهم للتحاليل مزبوط ولا لا، بعدين تشوف كيف يطلعون النتايج ويرصدونها، ثم بعد ذلك تشوف صيانتهم الدورية للجهاز، وهل يتخذون خطوات تصحيحية ولا لا، ولو الجهاز له Profecincy testing بيعملوه كويس ولا لا
طيب على فرض ان فيه فرد من اللي شغالين على الـ POCT متنّح " وقد لايخلو شخص من تناحة في جانب ما" وش تسوي معه؟ تقوم تسوي خطة تصحيحية وهي انك تعيد تدريبه وتعمل له تقييم من جديد
طيب نجي للكنترولات حقت الـ POCT كيف تتعامل معها؟ اولاً اذا كان الجهاز : Quantitative : تمشي له كنترولين مختلفين التركيز ع الاقل يومياً اما اذا كان Qualitative تمشي له بوزتف ونقتف كنترول بشكل يومي
او تتبع معلومات المصنع المصُنّع للجهاز وتشوف افضل طريقة لعمل الكنترولات او لو عندك سياسة داخلية تقول كيف تمشي تتبعها
طيب سوينا الكنترولات مين يجي يتابع ورانا؟ بعد ماتسوي الكنترولات تعمل لها توثيق ويراجعه اما مدير المختبر او الشخص المفوض من مدير المختبر
نجي لشغلة منسق الـ POCT وش وظيفته وش يسوي؟ هو اللي يدرب الموظفين والموظفين الجدد ويراقب الكنترولات
خلاص الحين انت لميت شوية معلومات عن الـ POCT وقررت تبدا برنامج POCT ف وش تحتاج؟ تحتاج اولاً انك تتبع تعليمات المصنع لجهازك، ويكون عندك Methods of validation تتحقق بها من ادعاءات الشركة ويكون عندك موظفين اما حاليين او جدد تدربهم وتعطيهم شهادات يفرحون بها وتفرح انت معهم لابأس
ويكون فيه بروتوكول لرصد النتايج، ولازم يكون عندك برنامج ضمان الجودة - Quality assurance program - يشمل الصيانة الدورية والـ PT performance والتوثيق والتقييم
طيب إيش مواصفات الجهاز اللي بتجيبه عندك؟ بتلاقي كثير بالسوق وكل واحد يقول جهازي احسن شي فلازم تخلي شوية مواصفات ببالك، زي السعر ودقة النتايج ووفرة المحاليل وجودة خدمات مابعد البيع شاملة الصيانة الدورية ومعالجة الاعطال اللي ممكن تحصل لجهازك
هذي شوية معلومات تعطيك تصور بسيط عن موضوع الـ POCT وتعرفك عليه ولو تبي تنغمس وتتعمق بالموضوع تقدر تتكلم مع منسق ال POCT او اخصائي الجودة عندك
جاري تحميل الاقتراحات...