#مشورة_من_إيبو
أصدقائي الأعزاء 💞
من حقي اتصدق ✋😢
زى ما فيه احتياج انك تتحب .. واحتياج انك تتشاف وتتقدر .. واحتياج انك تُحترم ..
فيه احتياج إنساني أساسي مهم جداً .. اسمه احتياج إنك تتصدق ..
بمعنى ..
انت محتاج لما تعبر عن اللي جواك .. أن اللي قدامك يصدقك ..
أصدقائي الأعزاء 💞
من حقي اتصدق ✋😢
زى ما فيه احتياج انك تتحب .. واحتياج انك تتشاف وتتقدر .. واحتياج انك تُحترم ..
فيه احتياج إنساني أساسي مهم جداً .. اسمه احتياج إنك تتصدق ..
بمعنى ..
انت محتاج لما تعبر عن اللي جواك .. أن اللي قدامك يصدقك ..
محتاج لما تقول "أنا حاسس ان فيه حاجة غلط".. اللي معاك مايشككش فيك ..
محتاج لما تحكي .. اللي بيسمعك يحس بيك .. ويتجاوب معاك .. ويصدق اللي حكيته ..
وزى ما كل حاجة ليها أصل ومرجع في الطفولة .. والعلاقة بالأب والأم .. الاحتياج ده كمان ليه نفس هذا الأصل ..
محتاج لما تحكي .. اللي بيسمعك يحس بيك .. ويتجاوب معاك .. ويصدق اللي حكيته ..
وزى ما كل حاجة ليها أصل ومرجع في الطفولة .. والعلاقة بالأب والأم .. الاحتياج ده كمان ليه نفس هذا الأصل ..
الطفل محتاج أبوه وأمه يصدقوه .. ده مش بس بيحسسه إنه متشاف ومتقدر .. لأ .. ده بيحسسه إنه موجود .. إنه أصلاً موجود .. وان هذا الوجود متصدق .. هذا الوجود له معنى ..
ومش مقصود هنا انك تصدقه لما يتكلم .. الاحتياج ده موجود من قبل حتى ما يتعلم الكلام ..
ومش مقصود هنا انك تصدقه لما يتكلم .. الاحتياج ده موجود من قبل حتى ما يتعلم الكلام ..
لما يحس انه جعان .. وأمه تحس بيه وترضعه .. يبقى هى كده صدقته ..
لما يبكى .. وأبوه يشيله ويطبطب عليه .. يبقى هو كده صدقه ..
لما يحتاج .. ويتم إشباع احتياجه .. إذن احتياجه صادق ومهم ..
لما يبكى .. وأبوه يشيله ويطبطب عليه .. يبقى هو كده صدقه ..
لما يحتاج .. ويتم إشباع احتياجه .. إذن احتياجه صادق ومهم ..
أقولكم سر ..
الأطفال في سن معين بيبدأوا يقولوا للأب وللأم : أنا بحبك .. فيردوا بسرعة وبدون تفكير : وأنا كمان بحبك يا حبيبي ..
السر بقى .. أن الطفل في اللحظة دي مش بيكون محتاج ده ..
هو بيكون محتاج قبل ما تقوله (بحبك).. انك تقوله : أنا مصدقك ..
الأطفال في سن معين بيبدأوا يقولوا للأب وللأم : أنا بحبك .. فيردوا بسرعة وبدون تفكير : وأنا كمان بحبك يا حبيبي ..
السر بقى .. أن الطفل في اللحظة دي مش بيكون محتاج ده ..
هو بيكون محتاج قبل ما تقوله (بحبك).. انك تقوله : أنا مصدقك ..
ده اللي يشبعه .. وده اللي يرضى احتياجه .. وده اللي يتبنى على أساسه بعد كده الحب والاهتمام والاحترام ..
ده اللي يزرع في تركيبته .. ويشكل في بناء شخصيته رسالة نفسية مهمة جداً :
" أنا باتصدق .. أنا من حقى اتصدق .. اللي باحسه ليه معنى .."
ده اللي يزرع في تركيبته .. ويشكل في بناء شخصيته رسالة نفسية مهمة جداً :
" أنا باتصدق .. أنا من حقى اتصدق .. اللي باحسه ليه معنى .."
تصوروا بقى البنات اللى تتعرض للتحرش.. وتحكى لأهلها.. يقولوها انتى كان بيتهيألك.. أو انتى اللى غلطانة.. أو أكيد انتى السبب..
تصوروا الأولاد اللي يقعدوا يحلفوا لآباءهم وأمهاتهم على كل حاجة وأي حاجة .. وهما مش بيصدقوهم ..
صدقوا بعض يا جماعة ..
ده ممكن ينقذ نفوس .. وقلوب .. وأرواح .
تصوروا الأولاد اللي يقعدوا يحلفوا لآباءهم وأمهاتهم على كل حاجة وأي حاجة .. وهما مش بيصدقوهم ..
صدقوا بعض يا جماعة ..
ده ممكن ينقذ نفوس .. وقلوب .. وأرواح .
لكن لسه .. فيه درجة أعلى من إنك تصدق حد .. اسمها إنك تصدق (في) حد .. تؤمن انه يقدر ... انه يستحق ... انه كافي ... انه جميل ... ولما تصدق فيه هو كمان يقدر يصدق في نفسه👌
جاري تحميل الاقتراحات...