لما تكون الحسنة بعشر أمثالها، والسيئة بمثلها؛ يبقى لو لاقيت ميزانك يوم القيامة أغلبه من السيئات، فدخولك النار مش ظلم ولا حاجة، ده معناه إنك معملتش حاجة فعلًا.
الحسنة بتُكتب حسنة لو فكرت فيها، وتتضاعف لما تعملها، والسيئة لا تُكتب إلا لو عملتها، ولو بدلتها بحسنة بتكتب حسنة؛
..

مفهوم رحمة ربنا بينا عظيم، كل شيء ممكن تتغفر زي ما قال؛ إلا إنك تعبد إله غيره، يعني أي ذنب، مهما بلغت عظمته، ممكن يتغفر.
فإزاي بقى لو دخلت النار هتكون اتظلمت؟ هنا تفهم الآية دي كويس جدًا: "إِنَّ اللَّهَ لَا يَظْلِمُ النَّاسَ شَيْئًا وَلَٰكِنَّ النَّاسَ أَنفُسَهُمْ يَظْلِمُونَ".