رتبها

في سنة 1916 .. شركة فورد للعربيات لقت ان عندها 60 مليون دولار زيادة في ميزانيتها .. و قالت بدل ما تدي نسبة منهم للshareholders - المساهمين الكبار اللي بيملكوا معظم أسهم الشركة و بيتحكموا في قرارتها المصيرية - صاحب الشركة (هنري فورد)

قال انه عايز يفتح مصانع تانية تصنع عربيات بسعر رخيص و برضه يوظف عمال أكتر عشان هو كان بيطمح إن الناس تستفيد من النظام الصناعي و تفتح بيوت:

My ambition is to employ still more men, to spread the benefits of this industrial system to the greatest possible number, to help them build up their lives and their homes. To do this we are putting the greatest share of our profits back in the business.

(هنري فورد) كان بيملك أكتر عدد من الأسهم و يليه 2 إخوات (جون دودج) و(هوراس دودج) .. و الإتنين دول معجبهمش الكلام ده و قالوا إزاي تاخد أرباحنا عشان توظف ناس أكتر و تصنع عربيات بسعر رخيص ؟ دي مش جمعية و رفعوا عليه قضية و كسبوها ..

القضية دي حكمت ان الهدف الرئيسي من أي business هو زيادة أرباح ال shareholders و إن مهمة صاحب الشركة تكون في صالح الshareholders اولًا بعدين نشوف باقي الناس .. لكن مينفعش يعمل حاجة مش within the interest of the shareholders

و دي إتسمت بShareholder primacy و مهم نعرفها عشان نفهم ليه بيحصل اللي بيحصل
الشركات المعروفة في الtech عينت ناس كتير وقت الكورونا عشان كانوا فاكرين ان الناس حتفضل عالحال ده و إستهلاكهم الإلكتروني الكبير مش حيرجع زي الأول ..

ف عينوا ناس كتير .. لو حابة تعرفة أكتر ممكن تقري المدونة دي hashnode.com

hashnode.com/post/clddd9yrm…

Big Tech في شركات ال layoffs ليه بيحصل

‫ مقدمة في الشهور اللي فاتت الشركات دي Twitter Lyft Uber Stripe Coinbase Shopify netflix Microsoft G...

فيه حاجة اسمها Earnings report و ده أي شركة public (يعني عاملة إكتتاب عام و طارحة أسهمها في البورصة) بتعمله كل 3 شهور
و بيبقى فيه earnings call الشركة بتقول فيه كل حاجة .. قبل الearnings call ده بيبقى فيه محللين إقتصاديين بيقولوا الشركة حتحقق ربحية قد ايه بتارجت معين

برقم معين بيبقى اسمه EPS او Earnings Per Share
لو شركة x حققت أرباح ب 10 مليون دولار و عندها في السوق 100 ألف سهم ف كده الEPS بتاعها 10,000,000/100,000 = $100
يعني لكل سهم الشركة بتحقق صافي ربح 100 دولار.

الفكرة ان ف الكورونا معظم الشركات كانت بتحقق تحاليل المحللين الإقتصاديين في wall street بل بتعديها كمان .. ف الناس (خصوصًا الshareholders) بينبسطوا و سعر السهم يعلى و يتغنوا أكتر
دي الEarnings Call بتاعة مايكروسوفت و فيسبوك و جوجل و أمازون وقت الكورونا

في شركات الTech أكتر حاجتين بتكلف مصاريف كتيرة هي الData centers و مرتبات الموظفين .. لما الشركة بترفد موظفين كتير معنى ده يا إما هي حتفلس (و ده مش ف الحالة دي) او هي عملت hiring surge و محتاجة ترفد ناس عشان تقلل مصاريف و الbook value بتاعتها تبقى أحسن

عشان كده الOperating costs قلت .. ف كده صافي الربح يزيد ف الEPS يزيد و سعر السهم يطلع تاني.
حنلاقي شركة زي أمازون ضاعفت عدد الموظفين و حنلاقي هنا نسبة الموظفين اللي تم إنهاء عقدهم في الشهور الأخيرة

و دي رسالة من (كريستوفر هون) اللي بيمتلك 6 بليون دولار من أسهم جوجل بيقول ل(سندار) الCEO برافو عليك .. ياريت تمشي كمان عشان نرجع الheadcount زي قبل الكورونا

الشركات غلطت/إستعبطت/طمعت .. سميها أيًا كان .. ده اللي حصل.
في شركات حتكمل إستثمار في حاجات تانية زي ما فيسبوك حتحرق فلوس كمان في الميتافيرس أو ميكروسوفت لما جدت الشراكة مع OpenAI و عارضة تشتري 49% من أسهمها.

الشركات معاها فلوس لكن بيغيروا ف إستراتيجيتهم ولو طلعت غلط فللأسف الموظفين هما بيدفعوا تمن ده.
طبعًا حضرتك لسه خريج/بتدرس بتقول هل تكمل ف المجال ولا خلاص كده ؟
كمل طبعًا .. دي فقاعة و حتروح و الكساد الإقتصادي ده مش حيبقى آخر واحد .. حصل زيه ف 2008 و 1991 و 1929.

حصلت dot com buble في 2001 و الناس قالت خلاص دي النهاية و عادي عدت زي غيرها و زي ما دي حتعدي.
أنصحك تسأل ناس عمرها عالأقل 45 سنة و بتشتغل من بداية الألفينات و حتطمنك .. متسمعش كلام ناس صغيرة و اولهم أنا .. انا على باب الله نفسي يتقالي يا دبدوبي ف متخدتش على كلاميxD

لو حضرتك عايش برة مصر و حصللك لاقدر الله/خايف يحصللك layoff
فكلم مكتب التوظيف و العمالة الخارجية و شوف هل فيزتك بتسمح بإيه .. هل ليك حق العمل عند شركة تانية ولا حتحتاجهم يعملولك visa sponsorship

فيه بعض الدول لما لا قدر الله بتتسرح بيدولك Job seaking visa لمدة 6 شهور تلاقي فيهم شغل.
ممكن تنزل مصر لو مصاريفك كتير و تعمل subletلمحل سكنك ف البلد الحالية عشان توفر مصاريف و ترجع تاني إن شاء الله

و في كل الحالات ارجعي تاني حلي leetcode .. انا عارف الموضوع تقيل و رخم بس لازم تبقى على طول جاهز .. نعتبره زي غسيل السنان او تنشير الغسيل .. حاجة مش بنحبها قوي بس لازم نعملها.

و مدرك الحالة العامة مليانة سخط و غضب و كره .. و الشركات بتعمل حركات قذرة زي ما جوجل لغت الaccess بتاع الناس للcorperate VPN و الbadges مبقتش تشتغل و الناس فهمت كده انهم متسرحين.

او امازون ف الهند لما طلبوا من الموظفين يجوا المكتب (فيه ناس بالنسبالهم دي ساعات سفر) عشان يكتشفوا انهم متسرحين و سلموا اللابتوبات و قالولهم يستنوا عشان حد يجي يطلعهم برة المبنى لأن البادجات مش حتشتغل.

لكن كلموا صحابكوا و الناس اللي تعرفوهم اللي شغالين ف الشركات دول ..إتطمنوا عليهم و إسألوهم عشان الوضع صعب و الغربة بتصعبه ف ده وقت الempathy

Bonus: ازاي أحضر للإنترفيوهات
ده صديقي سالم بيحكي عن تجربته
و دي مصادر أنا كاتبها/استعملتها

Live stream of how to get into big tech companies while maintaining your mental health well being
quora.com
byte-by-byte.com
byte-by-byte.com
byte-by-byte.com

quora.com/How-do-I-think…

How do I think when solving competitive programming problem?

Answer (1 of 3): 1) Read the task The first thing to do is to read the task carefully, and fully! Th...

byte-by-byte.com/data-structure…

The Definitive Guide to Data Structures for Coding Interviews - Byte by Byte

Data structures are critical to coding interview success. In this post, I'll show you exactly which...

byte-by-byte.com/one-week-inter…

One Week Until Your Coding Interview? Here's How To Prepare. - Byte by Byte

How do you make sure that you're ready for your coding interview when it's coming up in less than a...

byte-by-byte.com/recursion/

Recursion for Coding Interviews: The Ultimate Guide

50% of Google's coding interview questions require recursion. So isn't it about time you figured it...

حاجات كتير حتتغير و نظرة الناس للمجال و الشركات الكبيرة مش حتبقى زي الأول .. جايز ده محبط .. جايز ده كويس.
في النهاية أتمنى ان الفترة دي تعدي في أسرع وقت و بأقل الخساير و نشتري راحة بال و أمان وظيفي و مادي.
دمتم قمرات ❤️

الثريد ده إجتهاد شخصي و قد تكون هناك بعض الأخطاء ف ياريت تصححوهالي :))
krietallo.hashnode.dev

krietallo.hashnode.dev/maa-in-alshrka…