خليل من فلسطين… كان عنده تشوه بشع بالعمود الفقري.. شوفته من سنه و قولتله مش هينفع عمليه و جالي من اسبوع و افتكرته طبعا و قولتله استريح بره يا خليل هتكلم مع والدك و لكنه هو ووالده اسروا يكون خليل موجود قولتله خلاص روح يا خليل … في نفس واحد مع والده قالوا مش هتمشي من غير عمليه…
قولتله خلاص تمام روح يا خليل مش هينفع عمليه. والده قالي يا دكتور لو ضربتني بصاروخ مش ماشي من غير ما تعمله العمليه لو فيه امل ١٪ انا راضي. طبياً و بالورقه والقلم مستحيل مستحيل لكن حسي الطبي بيقول ممكن امل و لكن المخاطره عاليه جداً معرفش ايه خلاني قولتله طيب هنعمل بعض الفحوصات…
و نشوف امكانيه دخولنا العمليات و معرفش برضه ايه خلاني بعد الفحوصات اوافق ادخل بيه العمليات. لكن دخلت و العمليه كانت امس و والده قولتله احب اقولك اقرار الخطورة دا مكتوب فيه ايه حط ايده علي بقه😷 و قالي لا يا دكتور توكل علي الله و اعمل ما تستطيع… كانت الدنيا صعبه زيادة عن اللزوم…
اثناء العمليه لكن المفاجأة ان خليل زي الفل و هيرجع فلسطين بألف سلامه.
جاري تحميل الاقتراحات...