رتبها

الناس اللي بتختزل #٢٥يناير في عيد #ثورة_25 المجيدة و محاولة طمس #عيد_الشرطة دي حاجة في منتهى البجاحة والتزييف لأن ٢٥ يناير كان يوم ملحمة وطنية استشهد فيها مصريين بيحاربوا ضد مستعمر وعلشان تفهم عظمة اليوم ده لازم تعرف اللي حصل وتتفرح على مجموعة من اندر الصور المصرية لمعركة ٢٥يناير

٢-سنة ١٩١٤ مصر اتفقت مع بريطانيا على إعلان الحماية البريطانية عليها و الانفصال التام والنهائي عن العثمانيين وإعلان السلطنة المصرية المستقلة
ملحوظة صغيرة في فرق بين الحماية و الاحتلال علشان كده مصر مكنتش بتعامل معاملة الهند مثلا اللي أطلقوا عليها درة التاج البريطاني وقتها

٣- سنة ١٩٢٢ أعلنت بريطانيا من (نفسها) بعد فوزها في الحرب العالمية الأولى إلغاء الحماية على مصر و أن مصر دولة ذات سيادة كاملة تقدر تنضم لعصبة الأمم المتحدة مع احتفاظ انجلترا بقواتها في مصر و أن سياسة مصر الخارجية تكون متماشية مع سياسة انجلترا

٤- سنة ١٩٢٣ صدر اهم و انضف و احسن و اجدع دستور مصري في تاريخ مصر كلها و عرف بدستور ٢٣
ملحوظة جدي شارك في وضع الدستور ده ( قليني باشا فهمي )

٥- سنة ١٩٣٦ رغم إلغاء الحماية على مصر فضلت القوات الإنجليزية مستعمرة في مصر و فضلت التدخلات الأجنبية في الشأن المصري لحد ما مصر و انجلترا وقعوا )معاهدة الصداقة ) وفيها انسحب الإنجليز لمدن القناة و أصبحوا بيحكموا #السودان مع #مصر فيما عرف بالحكم الثنائي

- سنة ١٩٥٠ مصر زهقت وقالت لانجلترا ولا حكم ثنائي و لا #قناة_السويس اتفضلي اتكلي على الله خالص مالكيش لازمة و قامت حكومة الوفد بإلغاء معاهد سنة ١٩٣٦ و ظهر بقى الفدائين اللي فشخوا حرفيا الإنجليز ودي الفترة اللي ركزت عليها سينما عبناصر دون غيرها من الفترات

- سنة ١٩٥١ قام ٩١٨٤٥ عامل مصري بترك مصانع الإنجليز وقام الموردين المصريين بقطع سلاسل الإمدادات الغذائية للقوات البريطانية في القنال للضغط عليها للانسحاب وفي نفس الوقت كثف الفدائين هجماتهم وكثف حزب الوفد مطالبته بالانسحاب النهائي

- يوم ٢٥ يناير ١٩٥٢ انجلترا اتجننت من اللي حصل ووجهت انذار لمحافظة الإسماعيلية بتسليم مبني المحافظة ومركز الشرطة للقوات الإنجليزية فاليوزباشي (مصطفى رفعت)بلغ وزير الداخلية وقتها فؤاد باشا سراج الدين فكان رد فؤاد باشا الوفدي الاصيل قاله موتوا مكانكم و محدش يسلم طلقة واحدة للانجليز

وفعلا اتكاتف الظباط و الأهالي و الفدائين ببنادقهم القديمة قصاد مدافع و دبابات ومدفعية الإنجليز الحديثة ٢٤ ساعة شافت الإسماعيلية فيهم الويل لحد ما تم تدمير اغلب مباني الإسماعيلية
وكانت الحصيلة مات من الإنجليز في المواجهة ١٣قتيل و٢٢ جريح
الجانب المصري استشهد ٥٦ مقاتل مصري وانجرح٧٣

لكن فضلت ملحمة مصرية كتبت عنها كل الصحف وقتها و استغرب العالم كله ازاي كام عسكري مصري ببنادق قديمة من الحرب العالمية الأولى يتصدوا للدبابات و المدفعية و الرشاشات الحديثة ويوقعوا بيها خسائر كمان

من غرائب يوم ٢٥ يناير
-البطل وزير الداخلية فؤاد سراج الدين اعتقل بعدها في عهد جمال عبدالناصر
-الفنان القدير صلاح ذوالفقار كان من ابطال معركة الإسماعيلية وتم تكريمه
-لم يتم الاعتراف بيوم ٢٥ يناير كعيد للشركة الا سنة ٢٠٠٩ في عهد مبارك وتم الاحتفال به لأول مرة في ٢٠١٠ نفس سنة الثورة

تاني يوم اللي هو ٢٦ يناير كان حريق القاهرة اسوء حادث مر في تاريخ مصر بعد نكسة ٦٧ و الأغرب أن محدش عرف مين اللي حرق القاهرة و ليه لحد دلوقتي .
وبعد ده كله بتتريق أن ٢٥ يناير عيد شرطة والله عيب

وطبعا ليا الشرف اني اكون من أبناء ثور ٢٥ يناير و اللي ليها فضل عليا ليوم الدين و اللي غيرتني ١٨٠ درجة وعرفتني اللي مكنتش في يوم هقدر اعرفه
#٢٥_يناير_عيد_الشرطة
#٢٥_يناير_عيد_أعظم_الثورات