الموضوع أعمق بكتير من الملف الاقتصادي، اللي حصل على المستوى الاجتماعي والثقافي والسياسي حاجة كدا تقترب من العدوان
النظام متبني خطاب ضد "الشعب" بثقافته، بأفكاره، بعقيدته، بشكله، بطريقته ف المعيشة! والبروباجندا الاعلامية الصادرة عن آلة اعلامية بهذا الحجم والتأثير والقدرة على الوصول من أكبر مسئول لأعرص اعلامي لأتفه لجنة مابتقولش حاجة غير اهانات، اهانات مستمرة للشعب
مرحلة شديدة الرداءة والانحطاط .. والخروج منها صعب لأن مفيش دافع للخروج اصلا غير لو الشعب دا -أي جماعة من البشر- يحسوا انهم يستحقوا الأفضل، هو مسك فكرة الاستحقاق دي بالتحديد واشتغل عليها لما نسفها في الوعي للجمعي بأحط وأوسخ الوسائل الممكنة، أمنيا واعلاميا وسياسيا واقتصاديا!
مصر الجديدة، مصر النضيفة، العاصمة الادارية الجديدة اللي مبانيها بتلمع، الستات والرجالة الاغبيا اللي ماشيين ع الريد كاربت كل يوم والتاني ف مهرجانات معرصة بلا سينما، البرامج اللي مابتجيبش حد شكله زي الناس اللي ف الشوارع! شتيمة واهانة للناس ويا فقرا يا جهلة يا تخان يا عالة ع الدولة!
شوية الاغبيا السطحيين المعرصين اللي شكلهم "نضيف" ومتضايقين من وجود الفلاحين والصعايدة وسواقين التكاتك والسرسجية في الشوارع، هما دول نخبة المجتمع دلوقتي بدعم من النظام! نخبة مجتمع تحتقر المجتمع!
طب ما الفلاحين والصعايدة والسرسجية هما دول الشعب يسطا، دا انت ماسيبتش حتة في الخريطة غير لما طلتها .. عايز فين انت بقى؟ مهتم انت بالليلة دي كلها ليه اصلا؟ يعني انت عايز تعمل حاجة -اي حاجة- لناس انت لا تحترمهم اصلا ليه طيب؟
طب هتعمل فيهم ايه دول طيب؟ خدتوا بعضكم ورحتوا عملتوا مدينة في الصحرا؟ طب ما بتنعق فيها الغربان اهي! ما هما دول مش فئة ولا اصحاب ايدولوجية هتنزل تقتلهم ولا تسجنهم! دول الشعب، الشعب بجد مش مبالغة ولا مجاز!
تيجي انت بقى يا عرص منك ليه دلوقتي تقول لامؤاخذة انا كنت فاكره بيعمل حاجة للبلد؟! لأ سيبك من الفلوس دلوقتي بلا مدخرات بلا خرة انت مكنتش فاكره بيعمل حاجة للبلد لأ انت كنت فاكره بيعمل بلد! بلد تانية بيتم التخلص فيها من الشعب المصري اللي انت لا تحترمه، انت شاركت سنين في الاهانة
الشعب دا اتهان، وأنا مصمم على كلمة اهانة وأعنيها بمعناها المحدد والمباشر والشخصي، بشكل شخصي الشعب دا اتهان من آلة اعلامية شديدة الوطأة والشراسة، كل اللي ع السطح دول مجرد وجودهم كنخبة اهانة، وكل كلامهم اهانات مستمرة لكل حاجة بيؤمن بيها الشعب دا او بيعيش بيها او ماشي ف الدنيا بيها
الصورة الذهنية اللي كانت عند الشعب المصري عن نفسه اتكسرت، اتداس عليها بالبيادات والجزم اللي بكعب عالي، كل عقائده اتهانت، احساسه بالاستحقاق وانه جدير بالاحترام اتداس عليها من شوية مماليك حثالة الأرض دي
ودلوقتي بقى بيتركع اقتصاديا، مش لاقيين ناكل! وماله .. موتوا، عادي .. وصلنا للمرحلة دي بعد ما كسرتوا كل شئ ودمرتوا كل حاجة وأفقدتوا الناس أي دافع للاستمرار أو للعيشة اصلا يا شوية حثالة.
جاري تحميل الاقتراحات...