في نهاية الأسبوع الماضي جولدمان ساكس، إحدى أكبر المؤسسات المالية والاستثمارية في العالم، أصدرت تقرير عن الوضع في مصر بعد رحلة لمجموعة من باحثي المؤسسة للقاء بعض الأطراف الفاعلين في مصر. في الـthread ده هاتكلم عن أهم النقاط اللي تم ذكرها في التقرير 🧵👇
(1/13)
(1/13)
هل البنك المركزي ما زال بيتحكم في سعر الصرف؟
وفد جولدمان ساكس مقتنع حاليًا إن البنك المركزي مش بيتدخل في سعر الصرف بأي شكل من الأشكال. هما شايفين إن الإدارة الحالية للبنك المركزي ملتزمين فعلًا بالتحول لسعر صرف مرن، بالإضافة إلى إن النقطة دي تحديدًا محور تركيز صندوق النقد.
(2/13)
وفد جولدمان ساكس مقتنع حاليًا إن البنك المركزي مش بيتدخل في سعر الصرف بأي شكل من الأشكال. هما شايفين إن الإدارة الحالية للبنك المركزي ملتزمين فعلًا بالتحول لسعر صرف مرن، بالإضافة إلى إن النقطة دي تحديدًا محور تركيز صندوق النقد.
(2/13)
هل ده معناه إن السوق حاليًا متزن؟
بالرغم من ده، هما شايفين إن سوق العملات في مصر لسة مرجعش لوضع متوازن حقيقي نقدر نقول من خلاله إن سعر الصرف هيستقر. هما شايفين إن القيود المفروضة حاليًا على الحصول على أي عملات أجنبية من خلال السوق الرسمي بتساهم في خفض الطلب..
(3/13)
بالرغم من ده، هما شايفين إن سوق العملات في مصر لسة مرجعش لوضع متوازن حقيقي نقدر نقول من خلاله إن سعر الصرف هيستقر. هما شايفين إن القيود المفروضة حاليًا على الحصول على أي عملات أجنبية من خلال السوق الرسمي بتساهم في خفض الطلب..
(3/13)
بالتالي بتساهم في تحقيق استقرار وهمي لسعر الصرف. استمرار القيود بيساهم في استمرار وجود السوق الموازي، وسعر الصرف الموازي.
(4/13)
(4/13)
طبعًا رفع الفائدة بالتوازي مع خفض قيمة العملة ساهم في رفع حجم رأس المال المتداول داخل النظام المصرفي (بسبب التدفقات من رؤوس الأموال المحلية إلى الشهادات مرتفعة الفائدة + التدفقات الأجنبية في أسواق الدين المصرية بعد خفض قيمة العملة)..
(5/13)
(5/13)
وده في النهاية ساهم في خفض الإقبال على السواق الموازي، لكن في المقابل الوضع الحالي هش للغاية وأي تذبذب في أي عامل مؤثر في حركة رأس المال هيؤدي إلى انخفاض جديد للقيمة الحقيقية العملة، واللي بالطبع هيقابله تخفيض لسعر الصرف الرسمي لو البنك المركزي فضل ملتزم بتحرير سعر الصرف.
(6/13)
(6/13)
طب امتى نقول إن الأزمة بدأت تنتهي؟
عودة سوق العملات الأجنبية للتوازن مرة أخرى هيتطلب أولًا عودة سوق العملات للعمل بشكل طبيعي في الـinterbank market بدون أي تأخير في تنفيذ أوامر التحويل اليومية (اللي بين البنوك والمؤسسات الاستثمارية)..
(7/13)
عودة سوق العملات الأجنبية للتوازن مرة أخرى هيتطلب أولًا عودة سوق العملات للعمل بشكل طبيعي في الـinterbank market بدون أي تأخير في تنفيذ أوامر التحويل اليومية (اللي بين البنوك والمؤسسات الاستثمارية)..
(7/13)
ثم بعد كدة نشوف تخفيف تدريجي للقيود المفروضة على الأفراد والشركات داخل مصر.
(8/13)
(8/13)
طيب سعر الصرف ممكن يوصل لفين بالتوازي مع عودة السوق للتوازن مرة تانية؟
دي حاجة صعب الإجابة عليها بشكل نهائي دلوقتي لإن محدش لسة عارف حجم الإقبال على العملات الأجنبية هيبقى عامل ازاي في حالة رفع القيود المفروضة حاليًا..
(9/13)
دي حاجة صعب الإجابة عليها بشكل نهائي دلوقتي لإن محدش لسة عارف حجم الإقبال على العملات الأجنبية هيبقى عامل ازاي في حالة رفع القيود المفروضة حاليًا..
(9/13)
وكمان لسة مش واضح بالظبط حجم التدفقات الأجنبية اللي ممكن تدخل مصر وهل هتبقى كافية عشان تغطي الطلب على العملة ولا لأ.
(10/13)
(10/13)
دويتشة بنك قال في تقرير ليه الأسبوع اللي فات إنهم بيتوقعوا تخفيض قيمة الجنيه مرة أخرى بنسبة 10%، وده هيوصل سعر الدولار لـ33 جنيه، وده متسق مع التقديرات اللي اتكلمت عنها في ابريل 2022، ومستويات 30-35 جنيه اللي اتكلمت عنها في بداية يناير.
(11/13)
(11/13)
شكرًا على القراءة. لو شايف الـthread ده مفيد ممكن تعمل retweet عشان يوصل لعدد أكبر، وممكن تعملي follow عشان يوصلك كل اللي باكتبه
@mohamedameen_93
(12/13)
@mohamedameen_93
(12/13)
أنا كمان باتكلم بشكل دوري على تليجرام عن اللي بافكر فيه فيما يخص التطورات الاقتصادية وتأثيرها على البورصة العالمية والعملات الرقمية: t.me
(13/13)
(13/13)
جاري تحميل الاقتراحات...