الفتره الفاتت كنت ببني بزنس بعيد عن الوظيفه مريت ب اغلاط كوني اول مره ابدا بزنس وكنت جاهل حاجات كتيره تقدرو تقولوا اساسيات وممكن تخسرك وتفشل شغلك زي ما حصل معاي . ححاول اعمل ثريد انزل فيهو اغلاط انا غلطتها وكل مره اضيف شي جديد تفيد غيري من الي حابب يبدا بغض النظر عن توجه العمل
ما تندفع ، حتى لو عندك امكانيه انك تبدا بحاجات كبيره ... لكن دايما ابدا صغير وخلي الشغل هو الي يكبر نفسو .. انا غلطت اكبر غلطه اني دخلت السوق ب اندفاع شديد احسن مكائن احسن معدات احسن عمالة... وداير كل شي بيرفكت وكامل ... ودي حاجه كسرتني بالزمن وخلتني ما استمر لقدام .
انت كصاحب عمل ما ينفع ابدا اذا كنت عاوز تعمل مشروع كبير يدر عليم ب ارباح تغطي كامل منصرقاتك وتخليك تسيب وظيفتك. انك تعتمد على نفسك براك في كل شي.. حاول دايما تخطط لانك تكون العقل المدبر لا اكثر. في البدايه والتاسسيس ممكن تجازفو براك لكن الاستمراريه براك ما حتحصل
الاعلانات شي مهم جدا للمبيعات ... والحقيقه انو انا كنت مهمل الشي دا وشايف انو بقدر ابني سمعه مع الزمن وعميل يجيب عميل وكلم اهلك واصحابك وسوق لنفسك .. وقيس وات طلع غلط.. الحقيقه لاحقا بقت انو٦٠% من المنصرفات لمزانيه التسويق والدعايه والاعلان ... والشغل ضرب بشكل فظيع
رتب المهام دايما واوعك تاجل خاصه لو كنت في مرحله التاسيس ... ما قادر على الشغل براك جيب شريك معاك . او قسم وقتك صح ... ما قدرت لديل اكسر الحنك لحدي ما تفضى ...
اي حاجه انتلازم تحسب سعرها صح.. انا كنت بقول دي مثلا ب ٤٥٠ اي زول حيشتريها ودي ب ١٠٠ مناسبه ودي ب ٤٠ وبحدد سعري بناء على تكلفتو وانا عايز منو كم ودا غلط شديد ... لازم تحسب قيمه المنتج وقيمه الربح وقيمه الخساره وقيمه اضرار جانيه وقيمه تشغيليه ولازم تسعر صح ولا مع الزمن كلو حيقع
حاجه انا استوعبتها متاخر جدا ... لانو كان البزنس الي بادي فيهو متجر الكتروني، فكنت مستبسط الموضوع شديد .. انو افتح جيب منتجات حط ربحك وبيع ، لازم قبل تبدا اي شي تحسب تكاليف كل شي بالملي ، وترتب فكرتك تدرس السوق والمنافس المحلي والاقليمي والعالمي ... لانو حتنصدم في النص
رتب افكارك وخت تواريخ لكل خطوه وتنفيذ وما تجامل ابدا ... اي وقت بيضيع ببقى عليك كوست وتاخير حتى لو ماكان محسوس لحظيا حيعمل فرق كبير قدام .
اذا بديت ومشيت واطلقت العمل حقك وبدا يجيب ارباح ... فتره ٣ شهور تاني اوعك تمسك الربح ابدا الي بجي عيد استثمارو في الشغل خلي البزنس يقوم نفسو ... و ابدا بميزانيه صح.. بحترم الزول الي بحاول يبدا شغل خاص بجانب الوظيفه ما عيب انك تقعد شهور تجمع عشان تبدا شغل انا عملت كدا
لكن لو بديتها ب حنك كل شهر اخد مبلغ اضخو للشغل ويجيني شغل زياده.. وتكون مستني شهر الجاي يجي عشان تعمل شي تاني وهكذا . حتلاقي نفسك صرفت ارباحك وبقى البزنس حقك زي باص الوالي يشيل القروش منك للناس لكن ما بخلي زول عندك ثابت... تكون شايف القروش بتمشي بس وتجي لكن ما حتقدر تعمل بيها شي
عشان كدا ابدا جمع فلوسك قبل تبدا البزنس عالاقل مبلغ يمشيك ٣ شهور بدون ما تحتاج تاخد من راتبك او مصدر دخلك الاساسي ... ما بتقدر تحوش ؟ اعمل زي العبد لله ... اداها لعمك كبير دقه الناس العندهم خزنه في دولابو ... وقلت ليهو كان نططت ليك قرش انا اديتو ليك ما تجيبو لي راجع
قلل التكللفه ما تحاول تظهر بشغلك على حساب ربحك ودا الي انا سويتو.. لسا ما بعت شي متراشق ماشي يجيب كراتين واكياس ب اسم البراند و وشي استيكرات وشي بطايق وبهرجه كدا فظيعه خلتني اخسر كتيير . عشان تعمل طلبيه خاصه لازم تطلب مينيمم تارقيت والي بكون فوق ١٠٠٠ 😂 بالمناسبه استخدمت منها ٨٠
جاري تحميل الاقتراحات...