رتبها

🔴 ثريد مهم: إزاي تعرف حد اخترق موقعك ولا لأ؟👇👇
في الوقت اللي إنت شايف فيه موقعك تمام وكويس وزي الفل وإنت عامل كل حاجه كويسه عشان تأمنه وتطوره وتحافظ عليه، فيه دايمًا فرصة لاختراق موقعك، ولو ده حصل فعًلا يبقى من الضروري إنك تعرف إزاي تتصرف بسرعة
1/9

الهاكر يقدر يتحكم في موقعك بشكل كامل، يقدر يدمره أو يقلل ظهوره في محركات البحث أو حتى يخليه يختفي تمامًا، ولو موقعك بشكل أساسي هوا مصدر الدخل الرئيسي لشركتك أو بتعتمد عليه بشكل كبير فإنت لازم تعرف إن البيزنس بتاعك في خطر
2/9

وعشان إحنا قولنا إن مهما كنت متأكد إنك مأمن نفسك وموقعك فإنت برضو عُرضه للاختراق وإن أهم حاجه لازم تتجه ليها هيا اكتشاف الاختراق ده بسرعة بالإضافة لُسرعة التصرف بعد م تكتشف ده، عشان كده هقولك على شوية حجات تديك تحذير أو تقولك انتبه شوف موقعك مخترق ولا لأ.
3/9

- زور موقعك بشكل مستمر، متعملش الموقع وتسيبه على كده وتقول خلاص بقى عندي سايت، إنت بصفتك مالك الموقع لازم تزوره بشكل دائم ومستمر لإن ببساطة إنت أكتر حد هتلاحظ إذا فيه تغيير ولا لا.
4/9

- ابحث عن موقعك في محركات البحث بشكل مستمر، من وقت للتاني دور وشوف نتايج موقعك احتمال تلاقي أمور سيو سبام أو ضاره، ومش بس كده إنت لازم تدوس على النتايج وتشوف إذا فيه Redirect ولا إيه ، احتمال كبير نتايجك تبقى ظاهره عادي والدنيا تمام بس تودي على موقع تاني أو Phishing Page.
5/9

- فعّل تنبيهات Google Search Console، بما إن جوجل بيزحف لموقعك بشكل مستمر وفي حالة اكتشافه لأي مشكلة أو برنامج ضار هينبهك لده ويبعتلك إيميل.
6/9

- استخدم security scanners وفعّل التنبيهات وشوف أهم البلاجنز أو الأدوات اللي ممكن تساعدك في ده لإنهم بيفحصوا موقعك بشكل كامل ويقولولك على أي ملاحظات تخص السيكيورتي والبرامج الضارة.
7/9

- زوار الموقع، دول ليهم دور مهم جدًا في تنبيهك لأي مشكلة تحصل في السايت عشان كده ضروري إنك توفر "وسائل تواصل" Contact Pages بشكل كبير وتكون متاحة للجميع وتحقق في أي حجاه يبلغوك بيها.
8/9

- الزيارات غير الطبيعية، هوا لو حصل وفجاة جاتلك زيارات غير المعتادة لازم تقلق، يعني لو بيجيلك كل يوم 1000 زائر كمتوسط، وفيه يوم جالك 100000، يبقى لازم تشوف ده حصل ليه لإن بشكل كبير ده شيء غير صحي وربما ده دليل على اختراق موقعك.
9/9

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة