أنا بقيت مؤمن إن مفيش حاجة اسمها علاقة حب، في شيء اسمه جواز وبس، لو بتحب واحدة روح اتقدملها على طول، متستناش سنين تحبوا في بعض عشان تفكر في الخطوة.
مشكلة العلاقات دي إنها متعلقة في الهوا، مهما اتقال فيها كل ده سهل جدًا يتنفي بكلمة، كل الوعود دي مش مبنية على حاجة؛

عشان كدة هي حرام، ورغم إنها ظلم، وظلم كبير جدًا كمان، إلا إن البُعد عنها فيه حفظ للقلوب وتقدير للأشخاص.

ليه سهل يتم نفي كل حاجة؟ عشان مفيش حكومة بتحاسب اللي بيوعد ويخلف، لكن في الرسميات في حقوق مهما حد ظلم حد في جهات بترجعله حقه، وكدة كدة فترة الخطوبة فترة تعارف، لو مفيش ارتياح مفيش استكمال.

احفظ قلبك ومشاعرك ومتضيعش من عمرك سنين في وعود كدابة، اللي بيحب حد مبيتخفاش بيه عن عيون الناس، بيوريه للعالم كله وبيشهد الناس كلها على ده بصيغة رسمية.