بلخص لكم أهم النقاط الي تعلمتها من كتاب The Psychology of Money الي يتحدث عن الغِنى، الجشع والسعادة
١- بشكل عام، كل شخص نظرته للفلوس مختلفة ونظرتنا هذي انبنت من خلال خبرتنا و مركزنا الاجتماعي و الوضع الاقتصادي للبلد او الحقبة الزمنية الي عايشين فيها
٢- لا تخاطر باللي عندك و تحتاجه مقابل الي ما تملكه و لا تحتاجه. تذكر دائما ان اهدافك راح تتغير دائما اذا قارنت نفسك بغيرك .. لا تقارن!
٣- بكل سهولة تقدر تبني ثروة كل الصعوبة تكمن في المحافظة عليها. لما تشتري سيارة مبلغ و قدره وتستانس من نظرة الناس لك ترا الناس ما تحترمك لشخصك.. الناس تتمنى تكون انت عشان تملك الي تملكه ولا انت محد داري عنك
٤- الثروة تخلق لك حرية التصرف بوقتك وهذا الي يخلي الاغنياء سعداء. بإمكانك تسوي الي تريده في الوقت الي تريده .. هذا النوع من الحرية هو جوهر السعادة
٥- انك تصرف فلوسك عشان تبين انك غني هو أسرع وسيلة تبدد فيها ثروتك. الثروة هي "الفلوس الي ما تستخدمها" .. شي محد يشوفه .. طريقك الوحيد للتحكم بوقتك و حريتك و ممتلكاتك في المستقبل
٦- ما لازم يكون في سبب يدفعك للإدخار. معدل ادخارك انت الي تحدده بغض النظر عن راتبك الشهري ممكن يكون راتبك ٣٠٠٠ وتدخر ٥٠٠ وممكن يكون ١٠٠٠ وتدخر نفس المبلغ .. انت الي تحدد!
٧- استراتيجية استثمارك ما شرط تكون عقلانية لكن المهم انها تكون منطقية بمعنى استثمارك في بلدك و الاسهم ممكن يصنع لك مردود ممتاز. يمكن هذي الخيارات تكون منطقية لكن ما عقلانية .. افضل استراتيجية تتبعها هي الي تخليك تنام "ملىء جفونك عن شواردها و يسهر الخلق جراها ويختصم"
٨- معضلة الاستثمار تكمن في عدم استقرار الاسعار وعدم وضوح الخطوة التالية .. علشان كذا خلك مستعد دائما للاسوء وتذكر ان مافي شي يجي بالساهل
٩- دائما حط احتمالية للخطأ .. فكر بالأخطاء الي ممكن ترتكبها من الناحية المادية و العاطفية أيضا
١٠- نحن دايما نشوف الماضي ونعتبره منجم دروس حتى نتجنب اخطاؤنا ونتوقع المستقبل بشكل أفضل .. دروس الماضي ممكن تكون "مجرد صدف" .. تذكر دائما انك ما تقدر تتحكم بالمستقبل واذا توقعت بأنك قادر فأنت واهم للأسف
جاري تحميل الاقتراحات...