من أصعب المشاريع اللي مرّت علي في كتابة المحتوى للأعمال هي كتابة المحتوى لمنشورات الإنستقرام والأفكار اللي فيها.
رغم أني اطّلع على مجلدات لأفكار المحتوى وطبيعته في المشاريع وحسب كل مشروع وايش يناسبه من أفكار ومحتوى مثل لو كان المشروع (مطعم، استشارات)
لكنه يظل الأصعب بالنسبة لي.

• إنتاج الأفكار فيه مرهق،
بس العمل يكون أسهل إذا العميل أو الشركة عندهم مصمم مبدع وجايب أفكاره معه.
يعني كل الطاقم من مسوّق ومتخصص بالإعلانات الترويجية ومصمم مجهزين الأفكار وكاتب المحتوى بس يضعها على الطاولة ويشتغل عليها.

لأن غالبًا يعتمدون على كاتب المحتوى وأفكاره بطرق عرض منشورات الحساب، فالعمل يكون جدًا مرهق والعملية تاخذ وقت.

هذا العمل أنصح فيه وبشدة،
كُتّـاب المحتوى اللي ماعندهم تعدد مهارات ومستعدين يتخصصون فقط بكتابة المحتوى لمنصة الانستقرام، بيكون نتاج الأفكار عندهم على مستوى عالي 🔥..