فاروق سوسة خبير جولدمان ساكس الذي يبدو مُتحفظ الان، كان اكتر خبير كتب شيكات على بياض لطارق عامر و استحسن سياسات المركزي الي عظمت الأزمة في ٢٠١٩ و ٢٠٢٠…
في عز ما كانت الأزمة بتتكون و ابتدت التدفقات الدولارية تقل و المالية بطلت نشر تقرير الاستثمار في السندات، كان جولدمان ساكس و عامر بيحكوا و يتحاكوا عن عظمة التجربة الاقتصادية المصرية. لذا بعض الأسماء الرنانة عالميا، مجرد النظرة السريعة لتباين مواقفها كفيلة لهدم الهالة المحيطة بهم!
و ده برضه نفس الخبير بتاع جولدمان ساكس في ٢٠٢٢ بعد تعويم ال ١٨ جنيه و هو بيقول عكس الكلام الي قاله انبارح بالضبط عن اثر التعويم على التضخم و جذب الإستثمار. في موقفين متشابهين، قال رأيين عكس بعض!
المحزن اننا بنبقى كبلد واقفين على تقرير من "خبراء" و بيوت خبرة عالمية و منتظرين ان ده بيحدد وجهة المستثمر و مدى صلابة الإقتصاد و هما فيه منهم عالم "على الله حكايتهم" اولهم و اخرهم معروف و الأسم بس "خبير دولي" و اسامي رنانة. حاجة هم!
و للأمانة العلمية، انا متفق مع فاروق سوسة في تقريره الأخير الصادر اليوم لأنه ربما الأكثر إنضباطا و توازنا في توصيف الحالة. بس ده بيؤكد ان جولدمان ساكس مع كامل تقديري للأسم بقالهم ٤ سنين "بيزيطوا" و بيتماهوا مع ازمة اقتصادية و يصقفولها و هي بتحصل….
جاري تحميل الاقتراحات...