لما حد يقع في أزمة أو ضيق معين ويطلب استشارة بعدها نوصيه بالوصية النبوية "أكثر من الصلاة على النبي محمد صلى الله عليه وسلم، تُكفى همك ويُغفر ذنبك"
يقول في لحظتها "صلى الله عليه وسلم" وبعدها يسكت ويرجع يفكر في مشكلته تاني!

حضرتك مفهمتش الرسالة صح! كلمة "أكثر" معناها أنك تقوم الآن تسيب كل اللي في يدك مادام مش واجب عليك وتجلس في مكان فيه عزلة عن الناس والتليفون، وتقفل غرفتك وتقعد تصلي على النبي محمد صلى الله عليه وسلم لنصف ساعة أو ساعة على الأقل وتُظهر افتقار وحاجة لربك عز وجل،

دا المطلوب منك، دا التصرف الصح!
ودا الفارق بيننا وبين الصحابة رضوان الله عليهم، موضع أحكام ووصايا الشريعة في قلوبهم كان موضع تركيز وانتباه، مش استغراق في الدنيا لحد التهاون والكسل وعدم اليقين أو الاستخفاف بالأثر!

عايز تعيش حياة الصحابة رضوان الله عليه؟ (أولئك الذين هدى الله فبهداهم اقتده)
"فبهداهم اقتده"
لا تستخف بالأثر، ركز فيما تسمع، ركز في المطلوب منك، أعط الأمور وقتها، أعرها اهتمامك وقلبك وجوارحك.
منقول