ايه هي أنواع النقود المختلفة؟ وازاي حركة النقود (أو رأس المال) ممكن تؤثر على السوق؟ هل البنك المركزي فعلًا "بيطبع فلوس"؟ 🧵👇
(1/35)
(1/35)
هاحاول من خلال الإجابة على الأسئلة دي أشرح ازاي النقود بتنشأ من العدم في أي اقتصاد، أو ببساطة مين بيطبع الفلوس وبيطبعها ازاي. إجابة الأسئلة دي مهمة لإن معرفة أنواع النقود والطرق اللي بتتحرك بيها بين الأطراف المختلفة في الاقتصاد يعتبر باب مختلف لفهم حركة الاقتصاد العالمي.
(2/35)
(2/35)
النقود اللي بتتحرك داخل الاقتصاد نوعين:
1. النقود الحقيقية:
- دي الفلوس اللي احنا كأفراد عاديين وشركات بنستخدمها. الفلوس اللي بنقبضها من وظائفنا وبنصرفها عشان نشتري منتجات وخدمات.
(3/35)
1. النقود الحقيقية:
- دي الفلوس اللي احنا كأفراد عاديين وشركات بنستخدمها. الفلوس اللي بنقبضها من وظائفنا وبنصرفها عشان نشتري منتجات وخدمات.
(3/35)
- البنوك التجارية اللي الأفراد العاديين بيتعاملوا معاها هما اللي بيتحكموا في حجم النوع ده من النقود.
- ارتفاع حجم النقود الحقيقية في الاقتصاد بيساهم في رفع معدلات النمو الاقتصادي.
(4/35)
- ارتفاع حجم النقود الحقيقية في الاقتصاد بيساهم في رفع معدلات النمو الاقتصادي.
(4/35)
- ارتفاع حجم النقود الحقيقية في الاقتصاد بدون ارتفاع موازي في حجم المعروض من السلع والخدمات بيساهم في رفع معدل التضخم.
(5/35)
(5/35)
2. نقود القطاع المالي:
- ده نوع آخر من النقود أو رأس المال بيتحرك فقط داخل القطاع المالي (البنوك، صناديق الاستثمار، إلخ) ومش بيترجم لفلوس حقيقية الناس تقدر تشتري بيها منتجات وخدمات (هاشرح بالتفصيل).
- البنوك المركزية فقط هي اللي بتقدر تتحكم في حجم النوع ده من النقود.
(6/35)
- ده نوع آخر من النقود أو رأس المال بيتحرك فقط داخل القطاع المالي (البنوك، صناديق الاستثمار، إلخ) ومش بيترجم لفلوس حقيقية الناس تقدر تشتري بيها منتجات وخدمات (هاشرح بالتفصيل).
- البنوك المركزية فقط هي اللي بتقدر تتحكم في حجم النوع ده من النقود.
(6/35)
- ارتفاع حجم النوع ده من النقود في الاقتصاد بيساهم في رفع أسعار الأصول الاستثمارية.
(7/35)
(7/35)
مين بيقدر "يطبع" النقود الحقيقية (النوع الأول)؟
الاجابة المختصرة: البنوك التجارية والحكومة (وزارة المالية).
أولًأ: البنوك التجارية:
- احنا عندنا معتقد خاطيء عن البنوك التجارية وهو إن البنك بياخد إيداعات العملاء ويقرضها لعملاء آخرين..
(8/35)
الاجابة المختصرة: البنوك التجارية والحكومة (وزارة المالية).
أولًأ: البنوك التجارية:
- احنا عندنا معتقد خاطيء عن البنوك التجارية وهو إن البنك بياخد إيداعات العملاء ويقرضها لعملاء آخرين..
(8/35)
بمعنى إن الفلوس اللي محمود كسبها من شغله وعملها إيداع في البنك هي نفس الفلوس اللي حسين اقترضها من البنك عشان يشتري شقة.
(9/35)
(9/35)
المعتقد ده كان صحيح في بداية نشأة فكرة البنوك نفسها، لكن الواقع حاليًا مش كدة بالظبط. الواقع إنه كل مرة البنك بيعمل قرض جديد هو في الواقع "بيخلق" فلوس جديدة من العدم.
(10/35)
(10/35)
الفلوس اللي نزلت في حساب حسين لما خد قرض من البنك مش هي فلوس محمود، هي في الواقع فلوس جديدة مكنتش موجودة قبل كدة البنك "طبعها" وسلّفها لحسين.
(11/35)
(11/35)
- طب ازاي البنك العادي "بيطبع" فلوس؟ مش دي حاجة البنك المركزي بس اللي يقدر يعملها؟
ده حقيقي بالنسبة للنقود الورقية اللي احنا ممكن نستخدمها في معاملاتنا اليومية، لكن الواقع حاليًا إن في الاقتصاديات المتقدمة أقل من 5% فقط من المعاملات النقدية بتتم بشكل ورقي..
(12/35)
ده حقيقي بالنسبة للنقود الورقية اللي احنا ممكن نستخدمها في معاملاتنا اليومية، لكن الواقع حاليًا إن في الاقتصاديات المتقدمة أقل من 5% فقط من المعاملات النقدية بتتم بشكل ورقي..
(12/35)
والـ95% الباقيين بيحصلوا بشكل إليكتروني عن طريق تحويلات بين البنوك. في ألمانيا على سبيل المثال، أنا باقبض مرتبي عن طريق تحويل بنكي، بادفع إيجار الشقة بتحويل بنكي، بادفع مصاريف الكهرباء والغاز عن طريق تحويلات بنكية، بادفع أي معاملات يومية عن طريق الكارت بتاع البنك.
(13/35)
(13/35)
في النهاية قليل قوي لما باحتاج أدفع أي حاجة كاش. بالتالي زي ما قلنا أكثر من 95% من حركة النقود الحقيقية في الاقتصاد بتحصل بشكل إلكتروني بين البنوك.
(14/35)
(14/35)
لما حسين بيروح يطلب قرض من البنك، البنك بيقيم حالة حسين المادية وقدرته المحتملة على سد أقساط القرض، ولو قرر يدي لحسين القرض كل اللي بيعمله إنه بيزود حساب حسين في البنك من بقيمة القرض ده. بيطبع فلوس جديدة لكن بشكل إلكتروني مش حقيقي.
(15/35)
(15/35)
- طب ازاي احنا بنقدر نسحب فلوس كاش من البنك لو البنك بيقدر يطبع فلوس إلكترونية فقط بدون ما يقابلها كاش ورقي؟
لإن زي ما قلت بسبب إن أكثر من 95% من المعاملات المالية بتتم بشكل إلكتروني..
(16/35)
لإن زي ما قلت بسبب إن أكثر من 95% من المعاملات المالية بتتم بشكل إلكتروني..
(16/35)
احتمال إن عدد كبير من الأفراد يروح في نفس الوقت يسحب فلوس كاش من البنك بشكل يخلي الكاش اللي في البنك ميكفيش هي احتمالات قليلة جدًا، ولو لأي سبب حصل ده البنك المركزي بيتدخل ويغطي البنك التجاري.
(17/35)
(17/35)
- طب ليه البنوك التجارية متتوسعش بشكل لا نهائي في الإقراض طالما بيقدروا يعملوا ده من غير كاش حقيقي؟
1. البنوك التجارية مؤسسات استثمارية هدفها تحقيق أعلى ربح بأقل مخاطرة، بالتالي البنك بياخد في اعتبار عدة عوامل في حساب أي قرض أهمها الـcreditworthiness..
(18/35)
1. البنوك التجارية مؤسسات استثمارية هدفها تحقيق أعلى ربح بأقل مخاطرة، بالتالي البنك بياخد في اعتبار عدة عوامل في حساب أي قرض أهمها الـcreditworthiness..
(18/35)
أو زي ما قلت مدى قدرة الشخص على تحمل أعباء القرض، بالإضافة لمدى ارتفاع أو انخفاض معدلات الفائدة.
2. البنك المركزي بيقرر حجم الكاش اللي المفروض يكون موجود عند البنوك التجارية في أي لحظة.
(19/35)
2. البنك المركزي بيقرر حجم الكاش اللي المفروض يكون موجود عند البنوك التجارية في أي لحظة.
(19/35)
في أمريكا على سبيل المثال لحد مارس 2020 كانت البنوك التجارية مجبرة تحتفظ بنسبة 10% من ميزانيتها في صورة احتياطي نقدي (كاش)، بمعنى إن لو إيداعات العملاء في بنك معين 100 مليار دولار، لازم البنك في كل لحظة يبقى عنده 10 مليار دولار كاش على الأقل.
(20/35)
(20/35)
في 26 مارس 2020، ضمن الإجراءات اللي اتخذها الاحتياطي الفيدرالي لتجنب حدوث أزمة اقتصادية، الاحتياطي الفيدرالي خفّض النسبة دي لـ0% عشان يشجع البنوك على الإقراض بشكل أكبر عشان ينشط الاقتصاد.
(21/35)
(21/35)
ده معناه إن كل بنك أمريكي كان بيقرر لنفسه ايه هي نسبة رأس المال اللي محتاج يحتفظ بيها عشان يغطي عمليات السحب اليومية.
(22/35)
(22/35)
في الصورة screenshot من ورقة بحثية عنوانها "Money creation in the modern economy" صادرة عن البنك المركزي الإنجليزي بتوضح نقطة الإقراض وتأثيرها على ميزانيات البنوك التجارية.
(23/35)
(23/35)
ثانيًا: الحكومة (وزارة المالية):
الطرف الثاني اللي بيقدر يرفع حجم النقود الحقيقية في الاقتصاد هو الحكومة. الحكومة الأمريكية بيبقى عندها عجز في الموازنة كل سنة، بمعنى إن إيرادات الحكومة من الضرائب مش بتغطي المصاريف الحكومة ملتزمة بيها.
(24/35)
الطرف الثاني اللي بيقدر يرفع حجم النقود الحقيقية في الاقتصاد هو الحكومة. الحكومة الأمريكية بيبقى عندها عجز في الموازنة كل سنة، بمعنى إن إيرادات الحكومة من الضرائب مش بتغطي المصاريف الحكومة ملتزمة بيها.
(24/35)
طب الحكومة بتسد العجز ده ازاي؟
عن طريق الاقتراض، اللي بيحصل عن طريق إن الحكومة بتصدر سندات بشكل دوري وتبيعها في السوق المفتوح. الفلوس اللي الحكومة بتقدر تحصل عليها مقابل السندات دي بيتم ضخها في موازنة الحكومة لتغطية العجز.
(25/35)
عن طريق الاقتراض، اللي بيحصل عن طريق إن الحكومة بتصدر سندات بشكل دوري وتبيعها في السوق المفتوح. الفلوس اللي الحكومة بتقدر تحصل عليها مقابل السندات دي بيتم ضخها في موازنة الحكومة لتغطية العجز.
(25/35)
طب ايه المشكلة ما دام اللي بيشتري السندات دي بيشتريها بنقود حقيقية؟
مفيش مشكلة طالما اللي بيشتري السندات دي أفراد أو مستثمرين بيدفعوا نقود حقيقية مقابلها (وده اللي كان بيحصل قبل 2008). في الحالة دي حجم النقود الحقيقية في الاقتصاد مش بيزيد أو يقل..
(26/35)
مفيش مشكلة طالما اللي بيشتري السندات دي أفراد أو مستثمرين بيدفعوا نقود حقيقية مقابلها (وده اللي كان بيحصل قبل 2008). في الحالة دي حجم النقود الحقيقية في الاقتصاد مش بيزيد أو يقل..
(26/35)
اللي بيحصل هو مجرد نقل لملكية النقود دي من طرف لطرف آخَر (من اللي بيشتري السندات للحكومة).
المشكلة بتحصل لما يكون اللي بيشتري السندات دي هو مؤسسات القطاع المالي المختلفة (البنوك التجارية - صناديق الاستثمار) مش من المستثمرين العاديين..
(27/35)
المشكلة بتحصل لما يكون اللي بيشتري السندات دي هو مؤسسات القطاع المالي المختلفة (البنوك التجارية - صناديق الاستثمار) مش من المستثمرين العاديين..
(27/35)
ده بيؤدي إلى إن عجز الموازنة بيتم تغطيته عن طريق نقود جديدة مكانتش موجودة قبل كدة، وده بيؤدي في النهاية إلى رفع حجم النقود الحقيقية في الاقتصاد.
(28/35)
(28/35)
يبقى خلاصة النوع الأول من النقود "النقود الحقيقية":
- البنوك التجارية بيقدروا يرفعوا حجم النقود الحقيقية في الاقتصاد عن طريق التوسع في الإقراض.
(29/35)
- البنوك التجارية بيقدروا يرفعوا حجم النقود الحقيقية في الاقتصاد عن طريق التوسع في الإقراض.
(29/35)
- الحكومة كمان بترفع حجم النقود الحقيقية في الاقتصاد في حالة وجود عجز في موازنة الدولة، وفي حالة سد العجز ده عن طريق الاقتراض من البنك المركزي.
(30/35)
(30/35)
- ارتفاع حجم النقود الحقيقية في الاقتصاد بيساهم في رفع معدلات النمو الاقتصادي، بالتالي متابعة حجم النقود الحقيقية في أكبر 10 اقتصاديات في العالم يعتبر مؤشر جيد للتنبؤ بالنمو والانكماش الاقتصادي، بالتالي يعتبر عامل مهم في اتخاذ قرارات استثمارية منطقية.
(31/35)
(31/35)
- ارتفاع حجم النقود الحقيقية في الاقتصاد بدون ارتفاع موازي في حجم المعروض من السلع والخدمات بيساهم في رفع معدل التضخم، وده أحد أسباب أزمة التضخم الحالية.
(32/35)
(32/35)
هاتكلم عن النوع التاني "نقود القطاع المالي" في thread تاني ان شاء الله، وهاوضح الفرق بينه وبين النوع الأول، وتأثيره على الوضع الاقتصادي بشكل عام.
(33/35)
(33/35)
شكرًا على القراءة. لو شايف الـthread ده مفيد ممكن تعمل retweet عشان يوصل لعدد أكبر، وممكن تعملي follow عشان يوصلك كل اللي باكتبه
@mohamedameen_93
(34/35)
@mohamedameen_93
(34/35)
أنا كمان باتكلم بشكل دوري على تليجرام عن اللي بافكر فيه فيما يخص التطورات الاقتصادية وتأثيرها على البورصة العالمية والعملات الرقمية: t.me
(35/35)
(35/35)
جاري تحميل الاقتراحات...