الغوري مسك الحكم "غصب عنه" وكان بيعيط عشان مش عايز يبقا هوا السلطان لكن لان الدولة محتاجاه فا قبل "مرغما" وامره لله
وبدأ عهده بكل هدوء ورزانة وجمال والدنيا حلوة بأنه وسّع القاهرة وعمل انشائات واحياء جديدة عشان يخف عن زحام العاصمة وقتها
و بدء في انشاء مجموعته (١) #تصويري
وبدأ عهده بكل هدوء ورزانة وجمال والدنيا حلوة بأنه وسّع القاهرة وعمل انشائات واحياء جديدة عشان يخف عن زحام العاصمة وقتها
و بدء في انشاء مجموعته (١) #تصويري
و عشان هوا غاوي بناء، طلبت معاه يبني مجموعة "الغوري في شارع المعز " او نقول بالظبط هي بداية شارع الغوريه عشان يبقا من ضمن انجازاته وكدة واللي مكونين من مسجد فخم جدا ومدرسة وحمام عمومي وقبة ضريحية وسبيل وكتّاب وخانقاه للصوفيين وكام مبنى تجاري معروفين بالغورية
(٢) #تصويري
(٢) #تصويري
البداية كانت في الارض اختار الغوري ارض لازقة في سور القاهرة والازهر وشارع المعز بتاعت واحد اسمه الطواشي مختص وده كان كبير السقاة في دولة الظاهر قانصوه أبي سعيد (٣) #تصويري
وكان بيبني عليهم مدرسة ومسجد وكان بنى فيهم شوية الغوري بقا قبض عليه بتهمة انه تبع العادل طومان باي وصادر فلوسه وفرض عليه فلوس تانية مقدرش يدفعها، فا اهداله الارض باللي عليها واتحددت الارض دي للمشروع الضخم بتاعه (٤) #تصويري
ولان الفلوس اللي هوا قدر يحوشها ويلمها من الناس ويحطها في الخزانة في الفترة دي مكفتش وهوا كان عايز يبني المجموعة والمسجد مخصوص عشان يفضل مخلّد اسمه في الدنيا بأي شكل، راح رفع الضرايب كلها على اي حاجة من زرع وتجارة وصناعة وكل اللي تتخيله(٥) #تصويري
حتى الاوقاف عمل عليها ضرايب، المماليك الأمراء اخد منهم ضرايب، وبالفلوس دي بقا بنى المسجد
غلّى حتى اسعار البناء عشان اللي عايز يبني اي حاجة جديدة يدفع ضرايب اي حد معاه قرشين فرض عليه ضرايب تاجر بقا فلاح عنده دكان عنده حمار حتى.. حتي انه استولى على اموال الامراء المماليك بالغصب (٦)
غلّى حتى اسعار البناء عشان اللي عايز يبني اي حاجة جديدة يدفع ضرايب اي حد معاه قرشين فرض عليه ضرايب تاجر بقا فلاح عنده دكان عنده حمار حتى.. حتي انه استولى على اموال الامراء المماليك بالغصب (٦)
وخلصت المجموعة وافتتح المسجد السلطان الغوري بنفسه في محفل ضخم اتعزم فيه رجالات الدولة كلها منهم الخليفة العباسي "المستمسك بالله" وقاضي القضاة بن عبد البر والقضاة الاربعة للمذاهب والمهندسين ورجالات الجيش وغيرهم، احتفال مهيب حضره اكابر الناس من مصر والشام (٧) #تصويري
المصريين ولاد اللذينة اللي بيعرفوا يصنعوا الإفيه من الظلم والوجع وقتها سموا مسجد الغوري بإسم "المسجد الحرام" اسقاط علي المسجد الحرام لضخامته وزخرفته الكتير وكبر حجمه، والمسجد الحرام لانه مبني بفلوس حرام، دا حتى حرّموا الصلاة فيه لان فلوس بناؤه مش جايه بطريقه مشروعه
(٨) #تصويري
(٨) #تصويري
وبقت نكتة اللي رايح واللي جي بيقولك "دا المسجد الحرام، انا عند المسجد الحرام" ونسي الناس اسم" مسجد قانصوه الغوري" ده ومحدش بقا بيصلي فيه بالرغم من افتتاحه العالمي وكبر حجمه.
المصادر.
- بدائع الزهور لابن اياس
- تاريخ بن زنبل
- تاريخ بن تغري
المصادر.
- بدائع الزهور لابن اياس
- تاريخ بن زنبل
- تاريخ بن تغري
جاري تحميل الاقتراحات...