* الحقيقة لازم نكون متأكدين من ده.. فيه دول شكلها ضخم مجازا لكنها من ٦٠ أو ٧٠ سنة ماكانتش موجودة.. ومن ٢٠٠ سنة وشوية فيه دولة ساعدناها فى حرب التحرير لكنها ردت الجميل بأنها تؤيد الانتداب البريطانى.. مثلا.. ودولة حوّلنا اقتصادنا اشتراكى زيهم كانوا أول دولة تعترف بإسرائيل ١٩٤٨ م !!

ومن ١٠٠٠ سنة كان شكل العالم غير ماعليه الآن.. فما البال بعشرة.. أو عشرين أو تلاتين ألف سنة؟؟
* بلادنا محروسة بالفعل.. ربنا حارسها.. ده مش كلام دروشة.. محروسة عشان ملايين ملايين الطيبين الأطهار اللى عاشوا على أرضها وماتوا واندفنوا تحت ترابها من آلاف السنين.. التراب اللى ..

بنمشى عليه ده أجسادهم والهوا اللى بنتنفسه أرواحهم.. كام مليون عاشوا وماتوا على أرضها فى تلاتين ألف سنة على الأقل؟ كان فين العالم وقتها؟ دول ظهرت ودول اختفت.. ومصر هىّ مصر حتى لو غيّروا إسمها.. ربّنا هو الحافظ.. عشان إحنا اللى اخترعنا فكرة الإله الحافظ !!!
* مصر محروسة 🙏🙏🙏

لأنّنا اللى حارسينها.. لوحدنا.. ماحدش بيساعدنا غير نفسنا.. بل بالعكس كتير ضدنا.. واللى بيساعدنا بيساعد عشان نفسه مش لسواد عيوننا.. كنا هنا وكل اللى حوالينا اتغير !! مين قديم زينا ومين عظيم زينا؟؟
* محروسة وها تفضل محروسة.