بترد ان لسه الوقت مجاش و نرجع تاني لعمليه تجهيز (نيو) و الدرس الجديد جوا الماتريكس طبعا ده برنامج شبه الماتريكس عشان يتمرن عليه (مورفيوس) بيتكلم بس (نيو) ركز عالمزه الراجل راجل ياجماعه و المزه الحلوه ماتتفوتش😂نرجع للدرس بيفهمه ان العملاء أو حرس الماتريكس موجودين عشان يحموا لازم
البشر جوا الماتريكس ده غير ان البشر نفسهم مش سهل تحريرهم لان ببساطه مش كل الناس هاتتقبل الحقيقه و مش بس كده لا ده كمان هيتمرد و هيقف ضدك و هيحاربك ماتستفزونيش ايون زي اللي حصل في مصر جماعه تسقط الديموقراطيه😂😅 ارتاحتوا و يكمل (مورفيوس) ان مش سهل يواجه عميل و كل اللي حاول مات
و انهم عايشين و موجودين بس عشان بيهربوا منهم و بيستخبوا بس (نيو) غير عشان كده (مورفيوس) مش بيمرنه زي اي حد و فجأه بيتقطع كلامهم و بنعرف ان السفينه بتواجه مشكله و بنتعرف على حاجه جديده في العالم الحقيقي سكودي و ده برضه برنامج اتصمم عشان يدور على مراكز المقاومه و يدمرها و ان السفن
او زايون بيبلغوا بعض بس الغريب انك بتشوف اعتيادهم عالمشاكل و سرعتهم في اختيار قرار يحميهم عندنا بنعمل مؤتمرات😂 بيعدي الموقف مع حبه توتر و نشوف (نيو) بيتجول في السفينه و بيقابل (سايف) ما شاء الله مركز من مراكز الطاقه السلبيه 😂 اللي هو ماكنت خدت الحبه الزرقا يقصد يرجع مغيب مش
عاوزه غباوه😂 تحس ساعتها أن (نيو) اتصدم من طريقته اللي كانت عكس (تانك) تماما و بيسأله هو (مورفيوس) قالك هو عمل معاك كده ليه؟ انت مصدقه و تبتدي تسمع التسفيه المعتاد مش قولتلكم بيشع طاقه سلبيه 😂😅و بينصحه لو شاف عميل يهرب و يكمل (نيو) مشروبه و يسيبه و هو مش مرتاح ليه و بعد شويه
بنعرف انه الخاين اللي اتكلموا عليه العملا اول الفيلم و تبريره أن الجهل نعمه يرجع الماتريكس و يكون مشهور معاه فلوس بلا تحرير البشر بلا بطيخ و العملا عاوزين يعرفوا مكان زايون و يقوله انه مايعرفش فيطلب منه (مورفيوس) و تاخدنا الكاميرا ل(تانك) بيحضر فطار لطقم السفينه و قاعدين يسمعوا
(ماوس)و هو بيرغي مرح و رغاي عشان يكسر الجمود اللي هما فيه لأنهم تقريبا ماوصلوش لحاجه في سعيهم فاكيد جواهم غضب و بنعرف كمان ان مفيش ادامهم اختيارات كتير للاكل يادوب حاجه كده في احتياجات اجسامهم و لأنهم متعودين على رغيه عارفين انه هيكلم (نيو) عن ذات الرداء الأحمر 😂 و بيدخل عليهم
(مورفيوس) عشان يعرفهم انهم هيدخلوا الماتريكس عشان (نيو) يقابل العرافه و يدخل (نيو) الماتريكس لأول مره بعد ما عرف الحقيقه متوتر مستغرب ناهيك عن توتره اصلا بسبب مقابله العرافه و بيرمي (سايف) تليفونه بعد ما يفتحه عشان العملا يقدروا يوصلوا للمكان اللي مستخبيين فيه و يتقسموا فريقين
فريق بيرافق (نيو) و الباقي ينتظرهم و يتحركوا و طول الطريق (نيو) بيراقب الناس و يحاول يفك توتره و يسأل (ترنتي) لو راحت للعرافه و سألها هي قالتلها ايه بس يوصلوا و ما تقولش و يدخل (نيو) مع (مورفيوس) عماره شكلها قذر و يطلعوا في الاسانسير و يسال (نيو) عن العرافه عشان يعرف اكتر عنها
و يسأل مورفيوس عن اللي قالته ليه و يقوله انها قالتله انه هيلاقي المنتظر و يقف الاسانسير و يمشوا في طرقه طويله و قبل مايفتح (نيو) الباب تفتحه ست و تدخله البيت و يشوف مجموعه من الناس و منهم أطفال أصحاب قدرات خاصه منهم طفل بيتني المعالق من غير ما يستعمل ايده لأنه متأكد ان اصلا مفيش
معلقه كان درس صغير لنيو عشان يأكدله انه في الماتريكس يعني كل حاجه مش حقيقيه و هو بس اللي بيصنع الحقيقه بس المهم انه يكون عاوز ده و بيدخل (نيو) للعرافه الانطباع الأول صادم شويه ست بيت عاديه جدا في مطبخها و مسيطره😂 و عشان تثبتله انها العرافه من غير ما تتكلم عرفته انه هيوقع الفازه
و مفيش داعي يعتذر و لما حصل و اعتذر قالتله مش انا قولتلك مفيش داعي للاعتذار و حاطته أدام سؤال لو ركز فيه كان هيفرق معاه في كل حاجه هو وقع الفازه عشان تحذيرها و لا هي كده كده كانت هتقع يعني تحذيرها هيفرق في وقوع الفازه نفس الفكره هل لو قالت ل(نيو) انت المنتظر و هو فعلا كده هتفرق
معاه سؤال ياخدك و يلف في دايره و هي نفسها قفلته بجمله يعرف نفسه صحيح هي قالتله انت مش المنتظر بس برضه قالتله يعرف نفسه و لمحتله ان في واحده بتحبه بس التحذير الأهم (مورفيوس)و انه لازم يختار بين حياته و حياه (مورفيوس) و في رأي هي ما قالتلوش انه المختار عشان لمست حيرته عدم جاهزيته
مش لأنه مجرد شخص عادي و في اعتقادي تصديق (مورفيوس)ان(نيو) هو المنتظر الدافع الحقيقي اللي هيخلي (نيو) يظهر بمظهر القائد لما يقع الأذى على (مورفيوس) يعني من الاخر حد هيزق (نيو) في الحفره عشان يبقى البطل زي (مسعود) كده في المتزوجون😂 و بيخرج (نيو) ل(مورفيوس) و هو شاحب حاسس بخيبه امل
(مورفيوس) ده غير الحيره من أن نبوءه العرافه تحصل و فعلا يتعرض للاختيار بين حياته أو حياه (مورفيوس) و قبل ما(نيو) يتكلم بيقطعه (مورفيوس) بأنه مش عاوز يعرف اشاره تانيه ان (نيو) بس اللي هيحدد مصيره و تاخدنا الكاميرا ل(ماوس) اللي مشغول بذات الرداء الأحمر و يتحرك ناحيه التليفون عشان
(تانك) يعرفه أن الفريق قرب يرجع و هما في طريقهم ل(ماوس) هما بينزلوا من العربيه بنشوف نظره الشماته في عين (سايف) ل(نيو) كأنه فهم ان(نيو) مش المنتظر و يدخلوا البيت و(نيو) بيلاحظ حاجه انه شاف نفس القطه مرتين و يفسرها على أنها ديجا فو و في نفس الوقت (تانك) بيلاحظ خلل في الماتريكس
تسأل (نيو) ليه قال الكلمه دي بيقولها انه شاف نفس القطه مرتين فتفهم(ترنتي) ان حاجه اتغيرت في الماتريكس و الموضوع ده معناه ان في عملا حواليهم ولازم يهربوا و فعلا بيظهر رجال شرطه و بيموت (ماوس) جو الماتريكس و بيتصلوا ب(تانك) رغم أن الخط متراقب عشان يعرفوا مداخل و مخارج المبنى عشان
يقدروا يهربوا بس العملا بيعرفوا انهم في الدور الثامن و بيحاولوا يهربوا عن طريق الأنابيب ورا الحيطان بس بيتكشف مكانهم و بنشوف واحد من رجال الشرطة بيتحول لعميل بيحاول يمسك (نيو) بس (مورفيوس) بيضحي بنفسه و يشتري ليهم وقت عشان يأمن هروبهم و فعلا بيخرجوا من المبنى و (سايف) بيوصل قبلهم
للسفينه و يقتل (تانك) و (دوزر) و يتكلم مع (ترنتي) و هو في حاله شبه الجنون بيعترف انه كان بيحبها بس زهق من حياتهم و عشان كده قرر يخونهم و مبرره أن (مورفيوس) خدعهم عشان يحقق هدفه و يتمنى انهم يقتلوه في الماتريكس و بيقتل (ايبوك) و بعديها(سويتش) و هو بيعرفه انه هيرجع للماتريكس تاني
و يعيش حياته الجديده بعيد عنهم و ييجي الدور على (نيو) و يقولها مش انتي مصدقه انه المنتظر طيب انا هاقتله لو هو المنتظر اكيد هتحصل معجزه تنقذه و فعلا(تانك) يكون لسه عايش و يقتل (سايف)و يرجع (ترنتي)و(نيو) و تاخدنا الكاميرا لمبنى العملا و لأول مره بنسمع الحكايه بس من الطرف التاني
و هو بيحكي عن الماتريكس و تطوره و بيعرفه ان الماتريكس الأولى كانت بدون ألم عشان كله ينبسط 😂بس الموضوع اتحول لكرخانه فالآلات لقت الحل في الالم و (مورفيوس) بيتعذب ادامه قبل ما يعترف بالكود لمدينه زايون و في السفينه (تانك)و(نيو)و(ترنتي) بيراقبوا معدلاتهم الحيويه و بيتناقشوا انهم
يموتوا (مورفيوس) قبل انهياره في الوقت اللي العملا هما كمان منتظرين انهيار (مورفيوس) و هما متأكدين ان (سايف) نجح و خلص عالباقيين و نرجع للسفينه و هما بيجهزوا عشان يسحبوا القابس عنه يقرر (نيو) انه يدخل الماتريكس عشان ينقذه و طبعا بيرفضوا بيقولهم ان هو لازم ينقذ (مورفيوس) مفيش غيره
و انه مش المختار وسط عدم تصديق منهم و أدام إصراره لأنه مؤمن انه الوحيد اللي يقدر ينقذ (مورفيوس) و إيمانهم ب(نيو) بيجهز للدخول و معاه (ترنتي) و هما بيجهزوا لاقتحام بنشوف (سميث) بيتكلم مع (مورفيوس) عن ملاحظته أن البشر طاعون بلاء مجرد كائنات بتتغذي على موارد الكوكب زيهم زي الفايروس
و الآلات هي العلاج و بيستغرب ان لحد دلوقتي عقل (مورفيوس) ما انهارش و بيطلب من باقي العملا يخرجوا من الاوضه و بنشوفه بيتكلم بغضب مع(مورفيوس) غضب المحبوس و بيدور عالحريه زي(مورفيوس) بالضبط بس (سميث) حريته لما زيون تتدمر لأن كده خلاص المقاومه انتهت و في نفس الوقت بنشوف (نيو) بيقتحم
المبنى و بيغربل كل اللي فيه هو و (ترنتي) و بيوصلوا الاسانسير و يحطوا فيه قنبله و و يتعلق في سير الاسانسير و يفتكر كلام الولد مفيش معلقه و يفجروه و يوصل للسطح عشان يغرقوا المبنى بالميه و يدخل العملاء على (سميث)يعرفوه اللي حصل و تبتدي عاركه على سطح المبنى (نيو)و(ترنتي) بيغربلوهم
جاري تحميل الاقتراحات...