مش لازم كل هدف عاوز توصله يتحقق، ومش معنى إنك ماحققتش هدفك إنك تبقى فاشل، الحياة فيها عوامل كثيرة إحنا مش مدريكنها بتتحكم فى مسار الأشياء، وفى عوامل إنت مالكش يد فيها، فى ناس كثيرة بتجتهد ومابتوصلش وحياتها صعبة، وفى ناس مابتجتهدش وتوصل عادي،

اعتماداً على ظروف وجد نفسه فيها، ورث ، توفيق، معرفة حد.. إلخ.
في أمور قدرية مهما عملت مالكش يد فيها..اختبارك هو اللي صمم لك وتوافرت ظروف معينة تسعى فيها..وحسابك هيكون بناء على ماكان متاح لك..لا على ما لم تحقق خارج قدراتك
سيدنا نوح مثلاً دعى قومه قرابة ألف عام...وما أمنوش فى الأخر

تقدر تقول إنه ماجتهدش؟!
هو عمل كل حاجة تتعمل...بس فى أمور مش فى أيده..فماحققش اللي عاوزه..نجاحه إنه أخذ بكل الأسباب المتاحة ولم يقصر وأدى ماعليه.
النجاح هو إنك لا تلوم نفسك ولا تُلام من غيرك على تقصير من طرفك.. سواء حققت ماتريد أم لم تحقق.

حكاية إنك لازم توصل ولازم تتحدى الظروف ولازم تغير من حياتك كلام كويس لو كان في نطاق إمكانياتك، أما لو خارج إمكانياتك فلا يؤدي إلا إلى إحباط واتهام النفس بالفشل والتقصير والدخول في أمراض نفسية لا نهاية لها.
هون على نفسك..وتعامل قدر ما أتيح لك.
كل واحد بينجح حسب ظروفه.
منقول