بمناسبة حركة #الجنية_المصرى الأخيرة والكلام عن تحرير سعر الصرف، في الـthread ده هاشرح يعني ايه تحرير سعر الصرف؟ ازاي البنك المركزي بيثبت سعر العملة؟ وايه اللي بيحدد سعر العملة لو المركزي مش بيتدخل؟ ثم هاشرح بشيء من التفصيل اللي حصل امبارح واحتمالات الفترة الجاية 🧵👇
(1/36)
(1/36)
أولًا لازم نعرف إن فيه سوق عملاق اسمه الـinterbank market، وده سوق لتداول العملات والمشتقات المالية بين البنوك وبعضها.
ليه بيحصل تداول للعملات بين البنوك أصلًا؟
لسببين:
1. لو بنك محتاج يشتري دولار أو أي عملة غير عملة البلد اللي هو فيها ممكن يشتريها من سوق الـinterbank.
(2/36)
ليه بيحصل تداول للعملات بين البنوك أصلًا؟
لسببين:
1. لو بنك محتاج يشتري دولار أو أي عملة غير عملة البلد اللي هو فيها ممكن يشتريها من سوق الـinterbank.
(2/36)
2. البنوك بيبقى فيها مكاتب للمضاربة على العملات لصالح البنك. فالبنوك طول الوقت بتبيع وتشتري عملات مختلفة بهدف الربح.
(3/36)
(3/36)
طب ازاي البنك المركزي بيثبت سعر العملة؟
خلينا ناخد مثال: بنك CIB محتاج يشتري مثلًا 10 مليون دولار. بيروح سوق الـinterbank يشوق مين من البنوك الثانية مستعد يبيع 10 مليون دولار، ويلاقي مثلًا QNB مستعد يبيع المبلغ ده بـ30 جنيه لكل دولار.
(4/36)
خلينا ناخد مثال: بنك CIB محتاج يشتري مثلًا 10 مليون دولار. بيروح سوق الـinterbank يشوق مين من البنوك الثانية مستعد يبيع 10 مليون دولار، ويلاقي مثلًا QNB مستعد يبيع المبلغ ده بـ30 جنيه لكل دولار.
(4/36)
هنا المركزي لو حابب يثبت سعر الدولار عند 27 جنيه بيتدخل في النص يشتري من QNB بـ30 جنيه ويبيع لـCIB بـ27 جنيه بس. وفي الحالة دي يبقى البنك المركزي اتكلف حوالي مليون دولار عشان يثبت سعر الصرف. البنك المركزي بيعمل ده كل يوم على كل العملات عشان يقدر يتحكم في سعر الصرف.
(5/36)
(5/36)
طب البنك المركزي بيدبر التكاليف دي منين؟
من الاحتياطي النقدي. عشان كدة في أوقات الأزمات اللي بتنخفض فيها قيمة العملة، الاحتياطي النقدي كمان بينخفض لإن تكلفة تثبيت سعر الصرف على البنك المركزي بترتفع مع الوقت.
(6/36)
من الاحتياطي النقدي. عشان كدة في أوقات الأزمات اللي بتنخفض فيها قيمة العملة، الاحتياطي النقدي كمان بينخفض لإن تكلفة تثبيت سعر الصرف على البنك المركزي بترتفع مع الوقت.
(6/36)
عشان كدة في الأوقات اللي زي دي البنك المركزي بيضطر يفرض قيود كبيرة على الحصول على العملات الأجنبية عشان يقلل الطلب عليها وبالتالي يقلل تكلفة تثبيت سعر الصرف.
(ده طبعًا تبسيط للواقع، لكنه يفي بالغرض)
(7/36)
(ده طبعًا تبسيط للواقع، لكنه يفي بالغرض)
(7/36)
لو البنك المركزي قرر يحرر سعر الصرف ويخرج من عمليات البيع والشراء بين البنوك، مين اللي هيحدد سعر العملة؟
العرض والطلب. في المثال اللي قلناه فوق CIB عايز يشتري 10 مليون دولار هيكلم باقي البنوك ويشوف مين هيعرض عليه أقل سعر ويشتري منه.
(8/36)
العرض والطلب. في المثال اللي قلناه فوق CIB عايز يشتري 10 مليون دولار هيكلم باقي البنوك ويشوف مين هيعرض عليه أقل سعر ويشتري منه.
(8/36)
فمثلًا QNB هيقوله أنا هابيع بـ30 جنيه، وHSBC يقوله أنا هابيع بـ29 والبنك الأهلي يقوله أنا هابيع بـ31، فيروح يشتري من HSBC. عمليات البيع والشراء اللي بتحصل طول اليوم بين البنوك هي اللي بتحرك سعر الصرف كل يوم.
(9/36)
(9/36)
هل اللي حصل امبارح تحرير حقيقي لسعر الصرف؟
ده هيبان الأيام الجاية. محتاجين نشوف الآتي:
1. تحرك سعر الصرف ارتفاعًا وهبوطًا بشكل ديناميكي على مدار اليوم. الحركة في مستويات معينة اللي شفناها خلال الأيام اللي فاتت هي أحد أعراض تدخل البنك المركزي.
(10/36)
ده هيبان الأيام الجاية. محتاجين نشوف الآتي:
1. تحرك سعر الصرف ارتفاعًا وهبوطًا بشكل ديناميكي على مدار اليوم. الحركة في مستويات معينة اللي شفناها خلال الأيام اللي فاتت هي أحد أعراض تدخل البنك المركزي.
(10/36)
2. رفع القيود على العملات الأجنبية في البنوك. لو حركة سعر الصرف مفيهاش تكلفة على البنك المركزي، يبقى مفيش داعي للقيود الصارمة المفروضة حاليًا على التعامل في العملات الأجنبية. رفع القيود دي تدريجيًا هيكون مؤشر على تنفيذ البنك المركزي لوعوده بتحرير سعر الصرف.
(11/36)
(11/36)
هل السعر الحالي هو القيمة الحقيقية للجنيه؟
صعب نجاوب على السؤال ده حاليًا. احنا وصلنا بالفعل للمستويات اللي اتكلمت عنها في ابريل 2022 (اقتربنا جدًا من 33 جنيه لكل دولار) لكن الحسابات دي كانت بناءًا على البيانات اللي كانت متاحة في ابريل مش شرط تكون الواقع النهاردة.
(12/36)
صعب نجاوب على السؤال ده حاليًا. احنا وصلنا بالفعل للمستويات اللي اتكلمت عنها في ابريل 2022 (اقتربنا جدًا من 33 جنيه لكل دولار) لكن الحسابات دي كانت بناءًا على البيانات اللي كانت متاحة في ابريل مش شرط تكون الواقع النهاردة.
(12/36)
اللي نقدر نسترشد بيه إلى حد ما هو سعر الدولار بناءًا على سعر الذهب (34.5 جنيه لكل دولار)، وسعر الدولار الحالي في السوق السوداء (33-34 جنيه لكل دولار). لو ده تحرير حقيقي لسعر الصرف، المستويات الجديدة اللي هتتحرك فيها الأسعار هتتحدد على مدار أسابيع مش يوم ولا اتنين.
(13/36)
(13/36)
الفترة اللي فاتت ونتيجة تحركات سعر الصرف الأخيرة (لحد بداية الأسبوع) الفائدة على سندات مصر الدولية، وهي السندات اللي مصر بتطرحها بالعملات الأجنبية لسد العجز، بدأت في الانخفاض. انخفاض الفائدة يعتبر مؤشر على ارتفاع ثقة المستثمرين على قدرة مصر على سداد الديون.
(14/36)
(14/36)
التوقعات الحالية بتقول إن خفض قيمة الجنيه لمستويات 29-31 لكل دولار زي ما حصل مؤخرًا هيحفز محافظ أجنبية إلى ضخ حوالي 15 مليار دولار في أسواق الأسهم والديون المصرية.
(15/36)
(15/36)
بالنسبة للشهادات الجديدة اللي طرحتها البنوك الحكومية بمعدل فائدة 25% فهي قدرت تجذب أكثر من 100 مليار جنيه خلال الأيام اللي فاتت، لكن مهم نلاحظ كذا نقطة:
1. أكثر من 50% من المبالغ اللي دخلت الشهادات الجديدة جت من كسر للشهادات القديمة، مش رأس مال جديد دخل البنك.
(16/36)
1. أكثر من 50% من المبالغ اللي دخلت الشهادات الجديدة جت من كسر للشهادات القديمة، مش رأس مال جديد دخل البنك.
(16/36)
2. سعر الدولار حاليًا في مصر بناءًا على سعر الذهب ما زال في مستويات 34.5 جنيه.
3. سعر الدولار في السوق السوداء ما زال في مستويات 33-34 جنيه.
(17/36)
3. سعر الدولار في السوق السوداء ما زال في مستويات 33-34 جنيه.
(17/36)
كل دي مؤشرات إلى استمرار هروب رؤوس الأموال إلى الدولار والذهب بدلًا من النظام البنكي، وزي ما قلت قبل كدة لما اتكلمت عن الجنيه آخر مرة، بدون تحرير حقيقي لسعر الصرف ثقة المودعين والمستثمرين في النظام المصرفي هتفضل مهزوزة.
(18/36)
(18/36)
طب ايه اللي حصل امبارح تحديدًا؟
امبارح البنوك المصرية اشترت حوالي 850 مليون دولار من سوق الـinterbank خلال الساعات الأولى من التداول (من 10:30 صباحًا لحد 1 ظهرًا). الإقبال الضخم ده بالتوازي مع خروج البنك المركزي من الصورة هو اللي أدى إلى الارتفاع الكبير في سعر الدولار.
(19/36)
امبارح البنوك المصرية اشترت حوالي 850 مليون دولار من سوق الـinterbank خلال الساعات الأولى من التداول (من 10:30 صباحًا لحد 1 ظهرًا). الإقبال الضخم ده بالتوازي مع خروج البنك المركزي من الصورة هو اللي أدى إلى الارتفاع الكبير في سعر الدولار.
(19/36)
بعد الساعة 1 الظهر تدخلت بعض المحافظ الخليجية لشراء سندات مصرية بقيمة 7.2 مليار جنيه (حوالي 250 مليون دولار)، وده ساهم في كبح وتيرة ارتفاع الدولار ولو بشكل مؤقت.
(20/36)
(20/36)
ليه البنوك المحلية محتاجة تشتري كل هذا القدر من الدولار؟
في نهاية 2021 كان صافي الأصول الأجنبية في القطاع المصرفي داخل مصر (وهو إجمالي الأصول الأجنبية للبنوك المحلية ناقص إجمالي التزاماتها الأجنبية) حوالي +1.7 مليار دولار، بالتالي ممتلكات البنوك بشكل عام أكبر من ديونها
(21/36)
في نهاية 2021 كان صافي الأصول الأجنبية في القطاع المصرفي داخل مصر (وهو إجمالي الأصول الأجنبية للبنوك المحلية ناقص إجمالي التزاماتها الأجنبية) حوالي +1.7 مليار دولار، بالتالي ممتلكات البنوك بشكل عام أكبر من ديونها
(21/36)
..وهو وضع مستقر بطبيعة الحال. في نهاية نوفمبر 2022، صافي الأصول الأجنبية حوالي انخفض لحوالي -22 مليار دولار (الالتزامات الأجنبية أكبر من الأصول الأجنبية بـ22 مليار دولار). فالقطاع المصرفي محتاج يدبّر 22 مليار دولار عن طريق الآتي:
(22/36)
(22/36)
- الحل الأول هو الاقتراض من أسواق الدين العالمية: وده اللي عمله البنك الأهلي وبنك مصر اللي قدروا يحصلوا على قرضين بقيمة 705 مليون دولار من أسواق الدين العالمية الأسبوع اللي فات.
(23/36)
(23/36)
- الحل الثاني هو تحويل جزء من الأصول المقوّمة بالعملة المصرية إلى دولار لسد العجز. وده اللي حصل امبارح في سوق الـinterbank. القطاع المصرفي قدر يشتري 850 مليون دولار.
(24/36)
(24/36)
امتى نقول إن الأزمة شارفت على الانتهاء ونشوف استقرار جزئي لسعر الدولار؟
أولًا: لما تنتهي أزمة الاستيراد الحالية وتقدر البنوك تدبّر رأس المال الكافي للإفراج عن البضائع المكدسة في الموانيء.
(25/36)
أولًا: لما تنتهي أزمة الاستيراد الحالية وتقدر البنوك تدبّر رأس المال الكافي للإفراج عن البضائع المكدسة في الموانيء.
(25/36)
ثانيًا: لما يبدأ صافي الأصول الأجنبية للقطاع المصرفي يرتفع مرة أخرى. مش لازم يرجع لقيم موجبة (فوق الصفر)، لكن على الأقل لازم يرجع تاني للمستويات اللي كان بيدور حولها خلال السنوات الخمس الماضية (من -3 مليار دولار لـ+3 مليار دولار).
(26/36)
(26/36)
ثالثًا: لما نبدأ نشوف عودة للمحافظ الأجنبية للاستثمار مرة أخرى في أسواق الدين والبورصة المصرية.
(27/36)
(27/36)
ده ممكن يحصل خلال مدة قد ايه؟
ده يتوقف على حركة الاقتصاد العالمي، بالإضافة طبعًا لحركة الحكومة المصرية والبنك المركزي. في نهاية 2015 حصلت أزمة شبيهة في القطاع المصرفي (على نطاق أصغر طبعًا) وانتهت الأزمة بعد التخفيض الأول للجنيه في نوفمبر 2016.
(28/36)
ده يتوقف على حركة الاقتصاد العالمي، بالإضافة طبعًا لحركة الحكومة المصرية والبنك المركزي. في نهاية 2015 حصلت أزمة شبيهة في القطاع المصرفي (على نطاق أصغر طبعًا) وانتهت الأزمة بعد التخفيض الأول للجنيه في نوفمبر 2016.
(28/36)
صافي الأصول الأجنبية للقطاع المصرفي انخفض تحت الصفر في نوفمبر 2015 وبدأ يرتفع فوق الصفر مرة أخرى ابتداءًا من مايو 2017. يعني أزمة الأصول الأجنبية استغرقت 17 شهر عشان تبدأ تتحل. وطبعًا مش محتاج أقول إن الظروف عمومًا وقتها كانت أفضل كتير لعدة عوامل:
(29/36)
(29/36)
1. الاقتصاد العالمي وأسواق الدين عمومًا كانت في وضع أفضل كتير من الوضع الحالي.
2. مؤشرات الاقتصاد المصري كانت أفضل من النهاردة وتكاليف الاستيراد كانت أقل
3. ثقة المستثمرين في السوق المصري وإقبالهم عليه كانت أفضل.
(30/36)
2. مؤشرات الاقتصاد المصري كانت أفضل من النهاردة وتكاليف الاستيراد كانت أقل
3. ثقة المستثمرين في السوق المصري وإقبالهم عليه كانت أفضل.
(30/36)
4. رؤوس الأموال اللي تم ضخها عن طريق صندوق النقد أو من الخليج ساعدت بشكل كبير في إنهاء الأزمة.
فيعني باختصار الأزمة النهاردة أكثر تعقيدًا وأتصور هتاخد وقت أطول عشان تتحل، لكن لو هنعتمد على أزمة 2015-2016 كمرجع، فاحنا نتكلم فمدة تتراوح بين 12 و24 شهر.
(31/36)
فيعني باختصار الأزمة النهاردة أكثر تعقيدًا وأتصور هتاخد وقت أطول عشان تتحل، لكن لو هنعتمد على أزمة 2015-2016 كمرجع، فاحنا نتكلم فمدة تتراوح بين 12 و24 شهر.
(31/36)
الأزمة الحالية بقدر ما هي صعبة وشديدة التعقيد، إلا إنها قابلة للحل. في تقديري الدولار ممكن يتحرك في مستويات 30-35 جنيه على المدى القصير..
(32/36)
(32/36)
..لكن السؤال اللي منقدرش نجاوب عليه دلوقتي هو إلى أي مدى ممكن يرتفع الدولار لحد ما كل الخطوات اللي كتبتها فوق تنتهي ونشوف استقرار للسعر عند المستويات الجديدة على مدار الأسابيع والشهور الجاية.
(33/36)
(33/36)
البيانات اللي تخص القطاع المصرفي المصري عمومًا بتصدر إما شهريًا وأحيانًا كل 3 شهور أو 6 شهور، فمش أسهل شيء نعرف التطورات أولًا بأول، لكن مع ذلك إن شاء الله هاحاول كل ما يبقى عندي حاجة مفيدة أقولها في الموضوع ده مش هاتأخر.
(34/36)
(34/36)
شكرًا على القراءة. لو شايف الـthread ده مفيد ممكن تعمل retweet عشان يوصل لعدد أكبر، وممكن تعملي follow عشان يوصلك كل اللي باكتبه
@mohamedameen_93
(35/36)
@mohamedameen_93
(35/36)
أنا كمان باتكلم بشكل دوري على تليجرام عن اللي بافكر فيه فيما يخص التطورات الاقتصادية وتأثيرها على البورصة العالمية والعملات الرقمية: t.me
(36/36)
(36/36)
جاري تحميل الاقتراحات...