الفكرة أن مصر نموذج فاضح و واضح كأحد تطبيقات " عقيدة الصدمة" و طبعا اللي قرأ الكتاب عنده اعتقاد أن اللي جري لحسب الله هيجري لعبد العال و الكفة هترجع تتعدل تاني و نعيش و خلاص زي بقيت الشعوب اللي أطبقت عليها، للاسف ده مش صح ، لأن دول الطوق الإسرائيلي لازم تقع تماما وممنوع لها قومة
علشان الحلم الصهيوني العالمي يتحقق باقامة إسرائيل الكبرى اللي تحقق حلم اليهود في عودة مخلصهم و حلم المسيحيين البروتستانت في عودة المسيح و الألفية السعيدة بحسب معتقدات الفريقين ، و ده مش درب من الخيال ولا نظريات مؤامرة و إنما عقيدة و أدبيات متعارف عليها و بشدة
داخل المجتمعات السياسية و الدينية اليهودية و المسيحية البروتستانتية ( إسرائيل ، امريكا ) و في مؤلفات كبيرة جدا بالكلام ده أشهرها كتب جريس هالسيل " يد الله " و هي كانت كاتبة خطابات جونسون الرئيس الأمريكي ، يعني كلام من المطبخ السياسي الكبير ، مش مجرد مؤامرة
لذلك تطبيق عقيدة الصدمة علي مصر مش هدفه إخضاع اقتصادي للنيوليبرالية الاقتصادية ، و إنما هدفه إيصال البلد الي حالة دول الطوق " الاردن ، سوريا ، لبنان ، العراق " لكن علشان كان يطبق الموضوع زي الدول دي و حرب و تدمير ، كان الأمر في منتهي الصعوبة الحقيقة لأن النسيج الاجتماعي المصري
شديد التماسك نادرا بل قد يكون مستحيل أن تجد فيه طائفية مثل حالات الدول السابقة أو قبلية أو أعراق مختلفة ، حتي الاعراق المختلفة زي النوبة و البدو ، تم تذويبها داخل النسيج المصري علي مدار قرون ، لذلك كان من المستحيل فك هذا النسيج ليتحول الي نسيج العراق أو سوريا حتي يسهل امر
اشعال حرب أهلية أو طائفية داخله. لذلك كانت الخطة المتماشية مع طبيعية البلد و نسيجها الاجتماعي و هي الافقار و التجويع الشديد و العنف الأمني ، من أجل تطبيق عقيدة الصدمة و بعنف شديد لخلخلة النسيج و إخضاعه تماما ككتلة واحدة خاضعة للمشروع الصهيومسيحي
و بناءا عليه لا اتوقع انفراج ابدا و تحول مصر لنموذج تشيلي حتي ، أو الأرجنتين كما يتم الترويج له والله حتي نموذج لبنان كمان صعب جدا ، احنا لو وصلنا لنموذج السودان هيبقي كتير خير الدنيا معنا والله.. لإدراك ما جاء في الرغي ده لابد أن تتذكر سد النهضه
و مدي خطورة هذا السد علي مستقبل البلد تماما ، لانه لن يعطي حتي فرصة تنمية واحدة طول ما هو قائم و يعمل ، لأن فرص مصر التنموية دائما محصورة في الإنتاج الزراعي اللي هو أهم شيء يضمن بقاء الشعب و اهم عمل اقتصادي يضمن تنمية مبنية عليه، فكونهم ياخدوا النيل في رجلهم
في اول خطوات الصدمة ، حتي قبل الخراب الاقتصادي ، ده يقولك إن اللي بيحصل ممنهج و بشدة و هدفه زي ما قولت ، مش مجرد إخضاع اقتصادي للنيوليبرالية الاقتصادية و إنما إنهاء وجود الدولة و شعبها
جاري تحميل الاقتراحات...