مش جاي أقولك السفر سهل ولا أزعق وأقول "ساااافر" زي بتوع التنمية البشرية.
لكن هقولك لازم تسعى للسفر بكل شكل، لو عايز تعمل مستقبل حقيقي ليك ولولادك، وعشان تعيش وأنت بتاخد أبسط حقوقك كـ بني آدم، من غير ما حد يحسسك أنها هبة أو هدية، ولا لما تحصل تتحسب إنجاز.
(1) 👇

عشان يبقى الطبيعي متأمن عليك، والطبيعي أن تعليمك مجاني، والطبيعي أنك تاخد معاش محترم يعيشك حياة كريمة، والطبيعي أنك لما تكبر تلاقي اللي يهتم بيك، والطبيعي أنك لما تبقى في خطر، يوصلولك في دقايق والطبيعي أنك تاخد قدام ضرايبك خدمات حقيقية.
(2) 👇

عشان لما تمشي في شارع، يبقى الطبيعي أنه نضيف، ولما تزهق وكل وتستنزف كل محاولات البحث عن شغل، تلاقي اللي يساعدك.
إسعى بكل قوتك وشوف المطلوب واشتغل عليه... ما تجيبش لورا ولو أخدت 10 سنين.
(3) 👇

متسمعش للي بيقولوا "السفر وحش" والدنيا هنا صعبة برضه، مفيش حياة سهلة، لكن فيه حياة آدمية.
اللي سافر مش أحسن منك... لكنه سعى وتعب وحاول بدل المرة ألف.
(4)