هي باظت أنا عارف وشايف، بس مينفعش تبطل محاولة بأي شكل، عشان هو ده اللي عايزينه. أن أي بصيص أمل يختفي وأي محاولة للخروج تحبط وأي سعي ناحية تحسين حالك تفشل.
عشان تفضل مشغول عن أي حاجة تانية حواليك، ويبقى همك أكل وشرب بس.
بس مع كتر المحاولة… الفرص بتزيد.
(1) 👇🏾

شغلك ساعاته طويلة، مرهق، مفيش فلوس كفاية، بتفكر تحل اللي أنت فيه إزاي وفي اللي جاي هيحصل فيه إيه.
معلش استبدل كل ده بشغل على نفسك أو في سكة تانية زيادة.
ممكن يبقى فيه سهر، بس أحسن من سهر لأي حاجة تانية.
هتبقى مرهق… فترة وهتعدي.
(2) 👇🏾

التفكير هيزيد، بس هتبقى على الأقل بتفكر في حل للمشكلة،مش المشكلة.
هتنعزل وهتسيب تليفونك،وماله؟
الوظيفة مش سهلة والشغل الحر مش سهل والسفر مش سهل ومحدش عايزنا أساسا، بس حاول واسعى،كل خطوة بتعملها بتحركك ولو مللي،وكل محاولة بتعلمك.
أحسن ما تفضل في مكانك والوضع يبقى أسوأ.
(3) 👇🏾

جزء تاني موجه لكل واحد قادر:
لو عندك وقت، علم غيرك.
لو عندك منتج "يساعد في التعلم"، خفضه أو خليه مجاني شوية.
لو عندك جهاز زيادة، إديه هدية لحد محتاجه.
تعرف حد ممكن يساعدك في شغلك، خده علمه وشغله من غير ما تستغله.
تعرف إجراءات سفر، أنشرها.
(4) 👇🏾

ظهرت قدامك وظيفة ولا منحة دراسية أو تدريبية أو كورس، وصلهم لغيرك.
الوضع صعب قوي، ولو إحنا ما ساعدناش بعض، محدش هيلحقنا، عشان كلهم لامؤاخذة شمال.
(5)