هقولهالك للمرة المليون ! .. مش معنى انك بتعمل ذنب معين مش عارف تبطله ..
تروح تسيب الصلاة والقرآن والطاعات اللي ربنا أكرمك بيها، واعمال الخيراللي بتعملها وصحبة الصالحين وطلب العلم والدعوة
أو واحدة مثلا تروح تقلع الحجاب ! ..
ده مدخل من أخبث مداخل الشيطان !!

متعملش زي واحد قاعد في شقة ،فدخلت دبانة أزعجته ، ومش عارف يطردها ،
راح فاتح كل الابواب والشبابيك عشان يدخل جميع الذباب والحشرات اللي بره ،
ويقول: كده كده مش فارقة منا مش عارف اطرد دبانة !
أرجوك متبقاش الشخص ده !
حاول تجاهد نفسك في المعاصي

لكن متستسلمش تماما وتبيع القضية !
لا انت مسلم وبتحب ربنا أوي! ..
بل من انفع مايساعد العبد على التوبة: أن تزاحم المعصية بالطاعات
قال تعالى: { إنّ الحسنات يُذهبن السيئات ! }
مرة فمرة هتحس بالفرق بين حلاوة الطاعة والسرور بها، وبؤس المعصية ونكدها ! ..
وهتكرهها لوحدك ان شاء الله !

لكن أرجوك متفضلش في الدوامة دي تايه وحيران !
تذكر هذا جيدا فإني لك ناصح أمين ..
- لصاحبه