باختصار..
وحدوا الله واهدوا... مفيش مفر من اللي بيحصل.. حافظ قدر المستطاع على الهدوء وخليك واقعي مع نفسك ومع اللي حواليك.. انت مش لوحدك في الحفرة.. انت معملتش حاجة غلط.. مفيش حد يقدر يلومك على شئ إلا إذا كان مغرض أو معرص أو غبي والثلاثة ميلزمكش منهم كلام
لعل ربك يخف عننا

كل الناس غني وفقير اتنشلوا لأن الأتوبيس واحد حتى لو قاعد درجة الأولى أو راكب سبنسة.. اطمن على اللي جنبك.. أسأل على أهلك، ربنا يعلم باللي ورا كل باب.. حاول تخلي الخير داير ومتوقفوش.. لعل هو دة اللي ينقذك
لا تنتظر شئ من السلطة، مفيش
مد مظلتك على قدر استطاعتك وأسأل عن اللي حواليك

الوضع حاليا سائل جدا.. زي اللعبة بتاعة النحلة بتاعة زمان.. الأمور هتفضل تتحرك كدة شوية فوق وتحت لحد ما تحط في مكان .. متاخدش أي قرارات مالية الآن ولا شخصية بشكل متعجل.. خد نفس وخطوة للخلف وتحلى بالهدوء.. لو حاسس بتوتر كبير دة أمر طبيعي.. خد هدنة ومتحاربش لوحدك

لعل الله يحدث بعد ذلك أمرا